Display Style:
Column Style
बम्प–स्टकयात प्रतिबन्ध याय्माःगु : राष्ट्रपति ट्रम्प
लहनान्युज | ने.सं. ११३८ चिल्लाथ्व चौथी, (२१ फेब्रुअरी २०१८) बुधबार
अमेरिकी राष्ट्रपति डोनाल्ड ट्रम्पं बम्प–स्टक बन्दुक छ्यलाबुलाय् हयेदइगु कानूनय् कडाइ यायेत निर्देशन बियादीगु दु । खास यानाः बम्प–स्टक (अर्धस्वचालित राइफलपाखें छगू हे मिनेटय् सलंसः गोली कयेकेफइगु उपकरण)यात प्रतिबन्ध तयेमाःगु राष्ट्रपति ट्रम्पं धयादीगु दु ।
ह्वाइटहाउसय् न्ववानादिसें राष्ट्रपति ट्रम्पं थ्व सम्बन्धी कानून दय्केत कानून मन्त्रालययात निर्देशन बीधुंकूगु नं जानकारी बियादिल ।
उगु बन्दुक अमेरिकाय् थ्यंमथ्यं सच्छि डलरय् न्यायेफइ ।
थुगु उपकरण छ्यलाः छम्ह बन्दुकधारीं थगुने लसभेगासय् ५८म्ह मनूत स्याःगु खःसा नकतिनि हे जक छगू ब्वनेकुथी बन्दुकधारीं आक्रमण याःगु इलय् १७म्ह सीगु खः ।
ब्वनेकुथिया ब्वँमिपिन्त निशाना दयेकेवं अमेरिकाय् बन्दुक तयेके बीगु वा मबीगु धइगु विषयस बहस जूगु दु ।
रिपब्लिकन राष्ट्रपति ट्रम्पं ब्वनेकुथिया सुरक्षायात उच्च प्राथमिकता बियादीगु दु ।
डिभी चिठ्ठा विधेयक अमेरिकी संसदं अस्वीकृत
लहनान्युज | चिल्लाथ्व पारु ११३८ (फ्रेअवरी १६ २०१८)
डिभी चिठ्ठा नाप मेगु प्यंगु विषयया विधेयक अमेरिकी संसदं अस्वीकृत याःगु दु ।गुकिइ अमेरिकाय् अवैध रुप वपि आप्रवासीया सुरक्षा न खः ।
अमेरिकाया च्वयेयाःगु सदनं डिभी चिठ्ठा बन्द याःगु, ल्यायम्हपि आप्रवासन, सीमा सुरक्षाया खँय् या विधेयकयात अस्वीकृत याःगु दु । सीमा सुरक्षा व नियमनाप सम्वन्धित डाका विधेयक निगुपक्षीय समर्थनय् पेस याःगु खः ।
अथेहे थुकिइ यात अमेरिकी राष्ट्रपति डोनाल्ड ट्रम्पं आलोचना याःगु दु । ट्रम्पं भिटो तकं छ्यलिगु जुइ धकाः ख्याच्वं न बिगु दु ।
डिभी चिठ्ठा ज्याझ्वः कथं हरेक दँय् ५० द्धः मल्याकः अमेरिकाय् वनाच्वंगु दु ।
थुके याना छु भचा नेपाःमि पिन्त राहत जुगु दु । डीभी लाना अमेरिका वनिपिं बिदेशीमध्यय् नेपाःमि पिं दकलय् न्ह्यःने लाः ।
डीभी भिसा नीतिइ कडा यायेगु घोषणा
लहनान्युज | सिल्लागा पारु ११३८ (फ्रेअवरी १ २०१८)
अमेरिकाया राष्ट्रपति डोनाल्ड ट्रम्पं डीभी भिसा बन्द यायेगु व परिवारया सदस्यपिन्त प्रायोजन याना अमेरिकाय् यंके दइगु नीतिइ कडा यायेगु घोषणा या वं दकलय् अप्व नेपाली तयेत लायगु जुगु दु ।
राष्ट्रपति ट्रम्पं नकतिनि हे स्टेट अफ दि युनियनय् न्ववासें डीभी भिसा बन्द यासें योग्यता व क्षमताया आधारय् जकः विदेशी तयेत अमेरिकाय् अवसर बिगु नीति हयेगु घाषणा याःगु दु ।
अथेहे डीभी लापिन्त अमेरिकाया नागरिक जुइ धुकुपि आप्रवासी तयेत थःपिनिगु परिवारया सदस्य याःगु प्रायोजन यासें अमेरिकाय् यंकेइगु नीतियात नं कडायायेगु धाःगु दु।
हरेक दँय् ५० द्धःया ल्याखय् डीभी लापिं नेपालीया ल्याः प्यद्धः या हाराहारी थ्यं ।
ट्रम्प प्रशासनं अमेरिकी कंग्रेसय् डीभी चिठ्ठा प्रणाली बन्द यायेयु विधेयक पेस याये धुकुगु दु । थुगु विधेयक पारित जुल धासा डीभी भिसा आवेदन न्ह्याबलय् या लागि बन्द जुइ ।
पाकिस्तानया न्हुम्ह प्रधानमन्त्रीया अब्बासी
लहनान्युज | गुंलाथ्व सप्तमी ११३७ (जुलाई ३० २०१७)
पाकिस्तानया अन्तरिम प्रधानमन्त्रीया लागि पुर्व पेट्रोलियम मन्त्री शाहिद खाकान अब्बासीयात ल्यःगु दु ।
वंगु छु दिं न्ह्यःजक सम्पति सम्बन्धिया मुद्दाय् अदालतं अयोग्य घोषणां नवाज सरिफ प्रधानमन्त्रीया पदं राजिनामा बिइ माःगु खः ।
प्रधानमन्त्री जुइत अब्बासीं ‘नेशनल एमेम्ली’या बिश्वासया मत आवश्यक जुइ ।
उत्तर कोरिया हाकन मेगु क्षेप्यास्त्र परिक्षण यात
लहनान्युज | गुंलाथ्व सप्तमी ११३७ (जुलाई ३० २०१७
उत्तर कोरियां नकतिनि अन्तर महादेशीय ब्स्यालेस्टिक क्षेप्यास्त्र (आईसीबीएम) या सफल परिक्षण यागु दु।
उत्तर कोरियाया नेता किम जोङं थुगु क्षेप्यास्त्रया आज्जु धइगु हे मे मे पिनिगु देशय् नं थुगु क्षेप्यास्त्रया ग्वाहलि थःपिनिगु नियत्रण याये फइगु धकाः धयादिगु दु।
उत्तर कोरियां न्हापागु आईसीबीएम परीक्षण याये धुकाः स्वंगु वाः दुने हाकन मेगु क्षेप्यास्त्र परीक्षण यागु खः।
थुगु ज्या यात धाःसा अमेकिाया राष्ट्रपति डोनाल्ड ट्रम्प धाःसा उत्तर कोरियाली सरकारया म्वाः मदुगु ज्या यागु टिप्पणी यागु खः। चीनं थुगु क्षेप्यास्त्र परिक्षणं तनाव जक अप्व याइ दक्को सित सत मयित जुइ इनाप नं यागु दु।
)
