Display Style:
Column Style
९९दँ दुम्ह ज्याथःम्ह कोरोना विरुद्धया ल्वापुइ त्यात
लहना न्यूज | ने.सं. ११४० चौलागा नवमि (१६ अप्रिल २०२०), विहिवाः
निक्वःगु विश्वयुद्ध ल्वाःम्ह छम्ह ब्राजिलया ज्याथःम्ह कोरोना भाइरस विरुद्धया ल्वापू त्याःगु दु । कोरोना भाइरसपाखें संक्रमित निक्वःगु विश्वयुद्ध ल्वाःम्ह ब्राजिलया नागरिक एर्माण्डो पिभेटा म्हीग मंगलवाः ब्रासिलियाय् च्व्ंगु आम्र्ड फोर्सेस अस्पतालपाखें डिस्चार्ज जूगु खः ।
सेखं चायेधुंकाः वय्कः च्यान्हु न्ह्यः अस्पताल भर्ना जुयादीगु खः । स्वास्थ्य परीक्षण याःगु इलय् वय्कःयाके कोरोना भाइरसया संक्रमण पुष्टि जूगु खः । चिकित्सकतसें वय्कःयात वंगु मार्च २३ तारिखनिसें निगरानी यानाच्वंगु खः ।
ज्याथःम्ह जूगुलिं संक्रमण जूगु तसकं हे जोखिम जूगु जुल । तर फुक्कसित अजूचायेकेकथं वय्कःया उसाँय् बांलाना वल व ल्वय् विरुद्धया ल्वापुइ त्यात । ‘वय्कःया केसं जिमित अझ हःपाः ब्यूगु दु ।’ ब्राजिलया संक्रामक रोग विशेषज्ञ हेमर्सन क्रुजं सीएनएनलिसे जूगु खँल्हाबल्हाया झ्वलय् धयादिल ।
ब्राजिलया रक्षा मन्त्रालययाकथं कोरोना भाइरसया संक्रमणलिपा ल्वय् लंम्ह एर्माण्डो दकलय् ज्याथःम्ह खः ।
थ्व स्वयां न्ह्यः निक्वःगु विश्वयुद्धय् ब्वति कयादीम्ह ९९दँ दुम्ह छम्ह बेलायती नागरिक नं कोरोना भाइरसया संक्रमण लिपा लंगु खः । बेलायती नागरिक अल्बर्ट च्याम्बर्स कोरोना भाइसरया संक्रमण लिपा लंना छेँय् लिहां वनेधुंकूगु दु ।
विश्व स्वास्थ्य संगठनयात आर्थिक ग्वाहालि दिकेगु गलत : बिल गेट्स
लहना न्यूज | ने.सं. ११४० चौलागा अष्टमि (१५ अप्रिल २०२०), बुधवाः
माइक्रोसफ्ट कम्पनीया सह–संस्थापक बिल गेट्सं विश्वव्यापी स्वास्थ्य संकट जुयाच्वंगु इलय् विश्व स्वास्थ्य संगठन (डब्लूएचओ)यात आर्थिक ग्वाहालि दिकेगु क्वःछिना गलत जूगु प्रतिक्रिया बियादीगु दु ।
अमेरिकी राष्ट्रपति डोनाल्ड ट्रम्पं विश्व स्वास्थ्य संगठनयात बिया वयाच्वंगु ग्वाहालि दिकेगु घोषणा यायेवं गेट्सं ट्वीटपाखें उकथं प्रतिक्रिया बियादीगु खः ।
विश्व स्वास्थ्य संगठनयात आर्थिक ग्वाहालि दिकेगु ट्रम्पया घोषणा ग्यानापुस्सेच्वंगु नं गेट्सं प्रतिक्रिया बियादीगु दु ।
विश्व स्वास्थ्य संगठनं कोरोना भाइरस (कोभिड–१९)या संक्रमण पनेगु नितिं न्ह्यथनेबहःगु ज्या यानाच्वंगु न्ह्यथनादिसें मेगु छुं नं संस्थापाखें थुकियात प्रतिस्थापन यायेमफइगु नं गेट्सं धयादिल ।
थौंकन्हय् दकलय् अप्वः विश्व स्वास्थ्य संगठन माःगु नं वय्कलं धयादिल । बिल गेट्स एण्ड मालिण्डा गेट्स फाउण्डेशन विश्व स्वास्थ्य संगठन (डब्लूएचओ)यात आर्थिक ग्वाहालि बियाच्वंगु प्रमुख संस्था खः ।
अथेहे, झ्वलय् संयुक्त राष्ट्र संघया महासचिव एन्टोनियो गुटेरसं नं विश्व स्वास्थ्य संगठनयात आर्थिक ग्वाहालि दिकेगु गलत जूगु धयादिल । आः डब्लूएचओयात आर्थिक ग्वाहालि दिकेगु स्वयां नं अझ अप्वः ग्वाहालि यानाः कोरोना भाइरस विरुद्धया लडाईयात क्वातुकेमाःगु नं महासचिव गुटेरसं धयादिल ।
अमेरिकी राष्ट्रपति ट्रम्पं डब्लूएचओ चीनमुखी व कोरोना भाइरसया संक्रमण पनेत ताःमलाःगु द्वपं बियादिसें ग्वाहालि दिकेगु धयादीगु खः ।
विश्व स्वास्थ्य संगठनयात अमेरिकां दकलय् अप्वः आर्थिक ग्वाहालि बिया वयाच्वंगु दु । थगुने अमेरिकां पीगू करोड डलर ग्वाहालि याःगु खः, गुगु डब्लूएचओया मुक्कं बजेटया १५गू प्रतिशत धेबा खः ।
भारतय् कोरोना भाइरस छन्हु हे ३८ म्ह मनू सित
लहनान्युज | चौलागा अष्टमी ११४०, बैसाख ३ मगलवाः
भारतय् कोरोना भाइरसं (कोभिड(१९) लिपाःगु २४ घण्टाय् ३८ म्ह मनू सिइगु दु ।
भारतया स्वास्थ्य मन्त्रालय सार्वजनिक याःगु तथ्याङ्क कथं भारतय् कोरोना भाइरसं सिपिनिगु ल्याः ३७७ म्ह थ्यःगु दु ।
अथेहे, संक्रमित जुपिनिगु ल्याः ११ द्धः व ४३९ म्ह थ्यःगु दु । लिपागु २४ घण्टाय् भारतय् द्धःछि स्वया अप्वो मनूत संक्रमित जुपि पिहा वःगु दु ।
कोरोना भाइरस भारतया महाराष्ट्रय् दकलय् अप्वो प्रभावित जुगु थाय् खः ।
महाराष्ट्रय् आतक १७८ म्ह कोरोना भाइरसया कारण सिइगु दु सा नीद्धः व खुसः मनू सिइगु दु ।
उकि मध्ये प्रदेशय् ५० म्ह मनूत भाइरसया कारण सिइगु दु । दिल्लीइ ३० म्ह व गुजरातय् २८ म्ह मनूूत सिइगु दु ।
अमेरिकाय् कोरोना भाइरस संक्रमित ल्याः ६ लाख थ्यन
लहनान्युज | चौलागा अष्टमी ११४०, बैसाख ३ मगलवाः
अमेरिकाय् कोरोना भाइरसं (कोभिड(१९) संक्रमित जुपिनिगु ल्याः ६ लाख थ्यःगु दु ।
जोन्स हप्किन्स युनिभर्सिटीया तथ्याङ्क कथं अमेरिकाय् आतक कोरोना भाइरसं संक्रमित जुपिनिगु ल्याः ६ लाख च्याद्धः थ्यःगु दु ।
अथेहे, अमेरिकाय् सिपिनिगु ल्याः २५ द्धः व ९८१ म्ह थ्यःगु दु ।
वःगु २४ घण्टाय् कोरोना भाइरसं २१२९ म्ह मनूत सिइगु दु ।
आतक अमेरिकाय् छन्हु हे भाइरसया कारण दकलय् अप्वोगु खः ।
अमेरिकाया न्युयोर्क राज्यय् जक संक्रमितपिनिगु ल्याः २ लाख स्वया अप्वोय् धुकुगु दु थुगु राज्यय् १० द्धः स्वया अप्वो सिइ धुकुगु दु ।
अमेरिकाय् कोरोना भाइरस संक्रमित ल्याः ६ लाख थ्यन
भारतय् स्वगु वा लकडाउन यात
लहनान्युज | चौलागा सप्तमी ११४०, बैसाख २ मगलवाः
भारतं स्वगु वाः हाकन लकडाउन याःगु दु ।
प्रधानमन्त्री नरेन्द्र मोदी सम्बोधनयासे मे ३ तक थ्व हे वैशाख २१ गते तकया लागि लकडाउन यायेगु जानकारी बिःगु दु ।
थ्व स्वया न्ह्य स्वगु वाः लकडाउनयाना तःगु बुधबार (३ गते) क्वचाःगु खः ।
३० अप्रिल निसे मजि मगाःगु ज्या बाहेक ज्याया लागि छुट बिइ धका प्रधानमन्त्री मोदी धाःगु दु ।
भारतय् आतक करिब १० द्धः कोरोना संक्रमण जुइ धुकुगु दु सा स्वसः स्वया अप्वो मनूत सिइ धुकुगु दु ।
