Display Style:
Column Style
अमेरिकाया सिनेट नाकाबन्दीया पक्षय्
लहनान्युज | गुंला थ्व षष्ठि ११३७ (जुलाई २९ २०१७)
अमेरिकाया राष्ट्रपति डोनाल्ड ट्रम्पया अहिमतिया बाबजुद सिनेटं रुस, उत्तर कोरिया व इरानयात हाकन थप नाकाबन्दी तयेगु प्रस्ताव पारित यागु दु।
डेमोक्रायट व रिपब्लिकन निगु हे पार्टीया समर्थनं उगु प्रस्ताव तःगगु खः। उगु प्रस्ताबय् पक्षय् ९८ व बिपक्षय् २ मत जकः वःगु खः।
उगु प्रस्तावयात कग्रेसया क्वःयागु सदन हाउस अप रेप्रिजिेन्टेटिभय् छगु वाः न्ह्यःहे पारित याये धुकु गु खः।
राष्ट्रपतियात ल्हाःचिं तयेगु लागि उगु प्रस्ताव छ्वय धूकुगु खःसां। राष्ट्रपति ट्रम्प धाःसा रुसयात प्रतिबन्ध हटे यागु पक्षय् दु।
सरिफं प्रधानमन्त्री पद पाखें राजिनामा
लहनान्युज | गुंला थ्व षष्ठि ११३७ (जुलाई २९ २०१७)
पाकिस्तानया सर्वोच्च अदालतं प्रधानमन्त्रीया लागि अयोग्य घोषणा याये वं नवाज सरिफ राजिनामा बिगु दु।
अदालतं ‘ससंद व न्याय प्रणाली प्रति इमान्दार मजुगु धाःसें प्रधानमन्त्रीया लागि अयोग्य जुगु’ धकाःय न्यायाधीसपिं एजाज अफजल, एजाज हसन, सइद शेख, आसिफ सइद खोसा व गुलजार अहमदया मंकाः इजलासं सर्वसम्मत निर्णय न्यकूगु खः।
अथेहे सरिफ यात उगु फैसलां निर्वाचन आयोगया सूचिखय् अयोग्यम्ह धकाः सूचित यायेत तक आदेश जारी यागु दु।
प्रधानमन्त्री सरिफयात वंगु दँय् पानामा पेर्पसं सार्वजनिक यागु सूचंया आधारय् नाफा मुलक ब्यवसायय् परिवारया नं लगानि दथ्यागु मू आरोप दु
पाकिस्तानया ७० दँ या इतिहासय्ं अदालतं सरिफयात अयोग्य घोषणा यागु निम्हम्ह बहालवाला प्रधानमन्त्री खः।
थ्व स्वया न्हापा अदालतं सन् २०१२ य् तत्कालिन प्रधानमन्त्री युसुफ राजा गिलानीयात अयोग्य घोषणा यागु खः।
व्रिटेनी संसदपिने आतंककारी हमला
लहनान्यूज | चिल्लागा नवमी ११३७ (मार्च २२ २०१७)
लन्डनया व्रिटेनी संसदया पिने जूगु ‘आतंककारी’ घटनाय् प्यम्ह सीगु दु ।
घटनाय् छम्ह आक्रमणकारीलिसें छम्ह प्रहरी नं सीगु स्थानीय प्रहरीं धाःगु दु । घटनाय् २०म्ह घाःपाः जूगु दु ।
व्रिदिश प्रहरीया कथं सेन्ट्रल लंदनय् छगः कारं वेस्ट मिन्स्टर ब्रिजय् न्यासिवनाच्वंपिं मनूतयत ठक्कर नकाब्युगुलिइ छम्ह मिसा सीगु खः । उगु ठक्करं घाःपाः जूपिं १२म्हेसित वासः यायेत अस्पताल यंकूगु दु ।
अथे हे संसदय् छम्ह प्रहरी अधिकारीयात चक्कुं सुयाब्यूगु दु । उम्ह आक्रमणकारीयात पुलिसं गोलिं कयेकाब्यूगु खः ।
ट्रान्सपोर्ट फर लंदनया कथं प्रहरीया उजं धुंकाः वेस्टमिन्स्टर अंडरग्राउंड स्टेशन बन्द यानाः उगु लँ जुयाः न्ह्याइगु सवारी ज्वलंया लँ हिलाब्यूगु दु ।
फिल्मी शैलीं एअरपोर्टय् लुटे यात
लहनान्यूज | चिल्लाथ्व द्वादशी ११३७ (मार्च ९ २०१७)
दक्षिण अफ्रिकाया जोहानेसबर्गया एअरपोर्टय् फिल्मय् क्यनीथें लुटेरातयसं धेबा लुटे यानायंकूगु दु ।
पुलिसया वसः पुनावःपिं लुटेरातयसं छगू कम्पनीया लखौं डलर याउँक हे लूटे यानायंकल । लुटेरातयसं छुं नं कथंया ल्वाभः क्यने हे म्वायक अःपुक हे धेबा लुटे यानायंकूगु खः ।
अंतरराष्ट्रीय एअरपोर्टया सुं नं पिनेयापिं मनूत वये हे मदइगु थासय् लुटेरात याउँक हे दुहांवःगु खः । पुलिस च्वयातःगु गाडिइ च्वनावःपिं लुटेरातयसं थीथी देयया धेबा तयातःगु कन्टेनर ल्ह्वनाः याउँक हे पिहांवनाछ्वःगु खः ।
इमिसं एअरपोर्टय् मूवंगु कन्टेनरया सुरक्षा याइगु छगू सेक्युरिटि एजेन्सीया गार्डतयत नं पंगु खः ।
एअरपोर्टय् सुयातं लुटया आभाष तक नं मजूगु व अनया ज्या याउँक हे जुयाच्वंगु बिबिसिं न्ह्यथंगु दु ।
सिआइएं ह्याक याःगु विकिलिक्सया दाबी
लहनान्यूज | चिल्लाथ्व एकादशि ११३७ (मार्च ८ २०१७)
विकीलीक्सं अमेरिकाया केन्द्रीय जाँच ब्यूरो सीआईएं साइबर हतियार छ्यलाः ह्याकिङ यानाच्वंगु खुलासा याःगु दु ।
साइबर हतियारया हुनिं विन्डोज, एन्ड्रोयड, आइओएस, ओएसएक्स व लिनक्स कम्प्यूटर अले इन्टरनेट राउटर तकंयात आज्जु दयेका वयाच्वंगु दावी विकीलीक्सया दु । लिसें बेलायतया एमआई फाइभं सामसुङ टीभीइ आक्रमण यायेत साइबर हतियार तयार यायेत ग्वाहालि याःगु दावी नं याःगु दु ।
सीआईएया प्रवक्तां धाःसा थुगु दस्तावेजप्रति छुं हे प्रतिक्रिया बी जरुरी मदुगु टिप्पणी याःगु दु । ब्रिटेनया गृह प्रवत्तां नं थुकियाबारे छुं हे प्रतिक्रिया बी मन मक्यं ।
उखे अमेरिकी साइबर क्षमताबारे खुलासा याःम्ह एडवर्ड स्नोडेनं धाःसा विकीलीक्सं तःधंगु ज्या याःगु व दस्तावेज पायछि खःगु धाःगु दु । जून २०१४ तिथि न्ह्यथनातःगु दस्तावेजया कथं सामसुङया एफ ८०० सीरीजया स्मार्ट टीभीइ घूसपैठ यायेगु अभियानयात वीपिंग एन्जल नां बियातःगु नं धाःगु द ।
