अप्रिलया न्हापां न्ह्याःगु युद्धविराम लिपा इरानं न्हापांगुखुसी इजरायलपाखें क्षेप्यास्त्र प्रहार याःगु धाःगु दु । थ्व घटनां हाकनं तब्याक युद्ध जुइफइगु ह्वःताः अप्वयेकूगु दु व शान्तिया कुतःत ब्वथलीगु खनेदूगु दु। इरानया सरकारी प्रसारण संस्थां क्षेप्यास्त्र प्रहारया पुष्टि याःगु दु। सम्भावित जवाफी आक्रमणया तयारीकथं इरानं थःगु पश्चिमी हवाई क्षेत्र बन्द याःगु दु।

थ्वसिबें न्ह्यः इजरायलं लेबनानया बेरुतय् च्वंगु दक्षिणी उपनगरय् आक्रमण याःगु खः, गुकिया लिसःया कथं क्षेप्यास्त्र प्रहार याःगु इरानं धाःगु दु। इरानया क्रान्तिकारी सुरक्षा बलं जारी याःगु वक्तव्यय् थुजागु आक्रमण हाकनं जूसा अमेरिकी लिसें इजरायली आज्जुत तातुना अझं तःच्वकं लिसः बिइगु धाःगु दु। क्षेप्यास्त्र आक्रमण लिपा इजरायलया थीथी थासय् चेतावनी ध्वनि न्यायेकूगु व लखंलख नागरिक सुरक्षित आश्रयस्थल पाखे वंगु खः।

इजरायली सेनाया कथं अप्वःधयाथें क्षेप्यास्त्रत हवाई प्रतिरक्षा प्रणालीं निष्क्रिय याःगु दु। उत्तरी क्षेत्रय् छुं छुं विस्फोटया सः तायेदूगु धयातःगु दु। इजरायली सेनां इरानं गम्भीर गल्ती याःगु धासें माःगुकथंया लिसः बिइगु हाथ्या ब्यूगु दु। अथे खःसां, अमेरिकी राष्ट्रपति डोनाल्ड ट्रम्पं इजरायलयात थप सैन्य प्रतिक्रिया आवश्यक मजूगु छुमां बियादीगु दु। वय्कलं छगू अन्तर्वार्ताय् फुक्क कथंया मू निर्णयत थःम्हेस्यां यायेगु धयादिल। थुगु घटनां मध्यपूर्वय् हाकनं तनाव ब्वलंगु दु व युद्धविरामया भविष्ययात कयाः गम्भीर न्ह्यसः यायेगु यानाहःगु दु।

न्हुगु दिल्लीइ जन्तर मन्तरय् जुयाच्वंगु कक्रोच जनता पार्टी (सीजेपी) या प्रदर्शनया झ्वलय् निगु पुचः दथुइ सम्भावित झडपयात पनेत दिल्ली प्रहरीं खुम्हेसित आःतक नियन्त्रणय् काःगु दु।

आन्दोलनया समर्थक व विरोधी दथुइ तनाव जुइफइगु सूचं वयेवं शान्ति सुरक्षा कायम यायेत प्रहरीं पूर्वसावधानी कथं उमित नियन्त्रणय् कयागु धका प्रहरीं धाःगु दु।

रूसी राष्ट्रपति भ्लादिमिर पुटिनं युक्रेनी राष्ट्रपति भोलोडिमिर जेलेन्स्कीया वार्ता प्रस्ताव अस्वीकार याःगु दु। पुटिनं जेलेन्स्कीया व्यवहार याःगु आलोचना तक यानादीगु दु।

सेन्ट पिटर्सबर्ग अन्तर्राष्ट्रिय आर्थिक मञ्चं याःगु छगु सहलह ज्याझ्वलय रूसी नेता पुटिनं जेलेन्स्कीया पत्रबारे टिप्पणी यानादीगु खः।

जेलेन्स्कीं बिहीवाः पुटिनयात छगु पौ च्वया युद्धविरामया निति नापलाय्त इनाप याःगु खः।जेलेन्स्कीं च्वंगु पतिइ पुटिनं रूसया सङ्कटग्रस्त अर्थतन्त्र व अप्पोगु सैन्य क्षतिया चर्चा यानादीगु खः।

भारतय् कक्रोच जनता पार्टी(सीजेपी) याःगु प्रदर्शनय् भारतीय कम्युनिस्ट नेता दिपान्कर भट्टाचार्य न ब्बति काःगु दु।

भट्टाचार्य सीपीआई एमएल लिबरेसनया महासचिव खः। भट्टाचार्य शनिवाः सीजेपीं न्हुुगु दिल्लीइ जन्तर मन्तरय् जुयाच्वंगु प्रदर्शनय् ब्बति काःगु खः।

प्रदर्शनय् ऐक्यबद्धता जुयादिसे नेता भट्टाचार्यं पेपर लिक रोके यायेत सरकार असफल जुगु धक धयादीगु खः। अथेहे, बेरोजगारी यक्को अप्पोया जुयाच्वंगु व सार्वजनिक शिक्षा प्रणालीइ योजनायासे ध्वस्त याःगु धका धासे युवा तय्त आन्दोलित जुइमाःगु धका धाःगु दु।

थुगु दक्को असफलताया लिसः सरकारं बिइमःगु धासे वर्तमान शैक्षिक सङ्कटया जिम्मेवारी कायेत केन्द्रीय शिक्षामन्त्री धर्मेन्द्र प्रधानं याकनं राजीनामा बिइमाःगु माग याःगु दु।

सीजेपीं न शिक्षामन्त्री प्रधानया राजीनामा फ्वसे प्रदर्शन याःगु खः।

अमेरिकाया क्वय् याःगु सदन हाउस अफ रिप्रेजेन्टिभं राष्ट्रपति डोनाल्ड ट्रम्पयात इरानय् मेगु सैन्य कारबाही मयायेगु उद्देश्यं प्रस्ताव पारित याःगु दु।

युद्ध मयायेगु विषय सार्वजनिक प्रदर्शनय् प्यम्ह रिपब्लिकन सांसदपि दुथ्यायेवं २१५ मध्ये २०८ या भारी मतं उगु प्रस्ताव पारित जूगु खः ।

प्यला न्ह्यःनिसे न्ह्याना च्वंगु इरान युद्धयात कया अमेरिकाया सांसदं ट्रम्पं युद्ध अधिकार सीमित यायेत कुतः याःगु थ्व प्यगुगु खः।