अमेरिकाया राष्ट्रपति डोनाल्ड ट्रम्पं हाकनं मेगु न्यागु देय्या नागरिक तय्त अमेरिकाया यात्राय् प्रतिबन्ध तयेगु निर्णय याःगु दु।

यात्रा प्रतिबन्धया दायरा विस्तार यासे ट्रम्पं मेगु न्यागु देय् याःगु नागरिक तय्त यात्राय् प्रतिबन्ध तःगु दु धका अलजजिरां धाःगु दु।बुर्किना फासो, माली, नाइजर, दक्षिण सुडान व सिरियाय् च्वपिन्त प्रतिबन्ध याःगु दु। अमेरिकाय् दुहावयेत अझ कडा दयकेगुलि निरन्तर कुतः जुयाच्वंगुलि लिपागु इलय् थ्यांक्स गिभिङ सप्ताहन्तया नेशनल गार्डया दुई सैनिक तय्त गोली कय्कूलि छम्ह अफगान नागरिकयात ज्वंगु खः।

थ्व स्वया न्ह्यः जुन महिनाय् ट्रम्पं १२ देशया नागरिक तय्त अमेरिका भ्रमणय् प्रतिबन्ध तःगु खःसा मेगु थप न्ह्यय्गू  देशया नागरिक तय्त आंशिक प्रतिबन्ध लागू यायेगु घोषणा याःगु खः।

युक्रेनया नौसेनां ब्ल्याक सी जुया न्ह्याः वनाच्वंगु रुसी ‘स्याडो फ्लिट’ य् निगः चिकं ट्याङ्ककरयात निशाना दयका ड्रोन आक्रमण याःगु दु।

रुसं अन्तर्राष्ट्रिय बजारय् निर्यात याइगु चिकं व्यापारय् प्रभावित जुइगु कथं युक्रेनं आक्रमण याःगु दु धका बीबीसीं धाःगु दु।टर्किस अधिकारीया कथं काइरोस व विराट नां दुगु निगः ट्याङ्करयात निशाना दयकूगु खः।

अथेहे, युक्रेनया राष्ट्रपति भोलोडिमिर जेलेन्स्की शीर्ष सुरक्षा अधिकारीनाप युद्ध क्वचायेकेगु सम्झौतामा वार्ता जारी यायेगु निति अमेरिकाय् वनेत्यःगु खः। युक्रेनी प्रतिनिधि मण्डलं फ्लोरिडाय् अमेरिकाया अधिकारीनाप लाइगु अनुमान दु।

अस्ट्रेलियाया प्रधानमन्त्री एन्थोनी अल्बानिजं ब्याहा याःगु दु। थौ शनिाः अल्बानिजं ४७ दँ दुम्ह हेयडननाप ब्याहा याःगु खः।

थुगु इहिपानापं अल्बानिज अस्ट्रेलिया याःगु प्रधानमन्त्री पदय् च्वना ब्याहा यागु इतिहासय् न्हापागु खः धका अन्तर्राष्ट्रिय समाचार संस्था रोयटर्स धाःगु दु।

ब्याहा ज्याझ्वलय् थः परिवार नाप स्यान्यापि जक सःतूगु खः।ज्याझ्वः राजधानी क्यानबेरास्थित सरकारी निवासय् जूगु खः।

युक्रेनया राष्ट्रपति भोलोदिमिर जेलेन्स्कीया प्रमुख सल्लाहकार आन्द्रिय यरमाकं राजीनामा ब्यूगु दु।यरमाकें कियभस्थित सरकारी निवासय् शुक्रवाः सुथय् भ्रष्टाचार विरोधी निकायं छापा मारे याःगु छु ईलिपा राजीनामा ब्यूगु दु।

अय्न, यरमाकें व्यक्तिगत कथं छु न द्धपः ब्यूगु मदु।यरमाक विवादय् लाय्वं राष्ट्रपति जेलेन्स्कीया स्थिति कमजोर जूगु व अमेरिकानाप जूगु वार्ताय् युक्रेन ‘पोजिसन’ जोखिमय् लागु धका विश्लेषक तय्सं धाःगु दु।

यरमाक रूस–युक्रेन युद्ध क्वचाय्किइगु निति अमेरिका व युक्रेनं तयार याःगु शान्ति योजनाया प्रमुख वार्ताकारपि खः।

चीनं अन्तरिक्ष स्टेशनय् छ्वंगु प्यम्ह छुँ शुक्रवाः पृथ्वीइ लिहावःगु दु।ग्लोबल टाइम्सयात चिनियाँ विज्ञान प्रतिष्ठान (सीएएस) पाखे वःग जानकारी कथं, अन्तरिक्ष विज्ञान छ्यलेत नमूनाया गूगुगु ब्याचय् प्यम्ह छुँ छ्वंगु खः।

लिहावःपि प्यम्ह छुँ चिनियाँ वैज्ञानिकतय्छ लःल्हागु दु।चीनया अन्तरिक्ष स्टेशनं छ्वंगु उगु स्पेशशिपय् स्वम्ह अन्तरिक्ष यात्रीप्रि– झांग लू, वू फेई व झांग होंगझांगपि दुथ्याःगु खः।

सीएएसया कथं, अनुसन्धानकर्ता तय्स उगु छुँ तयेगु व्यवहार व प्रमुख शारीरिक व जैविक–रासायनिक सूचकया जाँच यायेगु याइ। परिक्षणया निति छ्वंगुलि निम्ह मिसा व निम्ह मिज तय्त छ्वःगु खः।