इजरायली सेनां गाजा सिटीइ आक्रमण यागुलि छन्हु हे ५३ म्ह प्यालेस्टिनी तयेगु ज्यान वंगु दु।

आक्रमणय् स्वंगू आवासीय टावर नापं १६ गु भवन पूर्ण रुपं क्षति जूगु धका अल जजिरां धाःगु दु।गाजायय् जक ३५ म्हेसिगु ज्यान वःगु खः। अथे नयेमखनां निम्ह सीउगु दु।

थ्व नापं कुपोषणया कारण सीपिनिगु ल्याः ४२२ म्ह थ्यःगु दु धका गाजाया स्वास्थ्य मन्त्रालयं धाःगु दु।

आसामया गुवाहाटीइ ५.८ म्याग्निच्युडया भुखाय् ब्बःगु दु। आइतवाः बहनि भखाय् ब्बःगुलि नेपाःया पूर्वी भागय् तक धक्का लागु खः।

उत्तर बंगाल व छिमेकी भुटान तक महसुस जुगु खः।

अफगानिस्तानय् थौ चान्ह्य भुखाय् ब्बया नीम्ह मनू सीउगु दु। पाकिस्तानया सीमा नापं अफगानिस्तानया पूर्वी क्षेत्रय् स्थानीय ई कथं चान्ह्यः ११ः४७ बजे ६.० तीव्रताया भुखाय् ब्बया ११५ म्ह स्वया अप्पो मनू घाःपाः जुगु दु धका बीबीसीं धाःगु दु।

८ किमि (५ माइल) क्वय् न वःगु उगु भुखाय् स्वकः तक पराकम्पन वःगु खः। एएफपीया कथं, छु सेकेन्ड तक भुखाय् ब्बया अफगानिस्तानया राजधानी काबुल (करिब २०० किमि तापाक्क) व पाकिस्तानया राजधानी इस्लामाबाद (करिब ४०० किमि तापाक्क) तक सकूगु खः।

प्रभावित प्रान्त दुर्गम जूगुलि यक्को मनूत सी फूगु धका  कठोर भूभाग अनुमान याःगु दु।

श्रीलंकाया पूर्व राष्ट्रपति रनिल विक्रमसिंघेयात ज्वंगु दु।सरकारी ध्यवा दुरुपयोग याःगु द्धपनय् विक्रमसिंघेयात ज्वंगु धका बीबीसी हिन्दीं धाःगु दु। विक्रमसिंघेयात राष्ट्रपति कार्यकालय् याःगु विदेश यात्रा नाप सम्बन्धित खः।

सन् २०२३ य् न्यूयोर्कय् जूगु संयुक्त राष्ट्र महासभाय् लिहा वयेगु झ्वलय् विक्रमसिंघेया कलायात तक निजी ज्याया निति लण्डनय् दिउगु ख। उगु झ्वलय् खर्च सरकारी कोषपाखे व्यहोरेय् याःगु द्धपः दु।

विक्रमसिंघेयात शुक्रवाः राजधानी कोलम्बोया मजिस्ट्रेट अदालतय् पेश याइ। थ्व स्वया न्ह्यः विक्रमसिंघेयात आपराधिक अनुसन्धान विभाग (सीआईडी) न बयान काये धकुगु दु। विक्रमसिंघे सन् २०२२ निसे २०२४ तक श्रीलंकाया राष्ट्रपति जुगु खः।

थाइल्याण्डया पूर्वप्रधानमन्त्री थाक्सिन सिनावात्रा विरुद्धया देशद्रोहया मुद्दा अदालतं खारेज याःगु दु । सिनावात्रां थ्यंमथ्यं १० दँ न्ह्यः दक्षिण कोरियाया छगू पत्रिकायात ब्यूगु अन्तर्वार्ताय् राजतन्त्रया अपमान याःगु द्वपं ब्यूगु बीबीसीं जानकारी ब्यूगु दु।

यदि दोषी ठहर जूसा १५ दँ तक जेल सजाय जुइफुगु खः।थाइल्याण्डया कडा देशद्रोह कानून कथं जुजु, लानी वा युवराजविरुद्ध अपमानजनक टिप्पणी यायेगु अपराधया रुपय् काःगु दु। तर लिपांगु दँय् थ्व कानूनया प्रयोग यानाः कार्यकर्ता व विपक्षी दलयात दमन यायेगु ज्या जुयाच्वंगु दु। अदालतं धाःसा थाक्सिनं प्रत्यक्ष नां मकाःगुलिं अपराध लुइके मफुगु धाःगु दु।थाक्सिनया म्ह्याय् व पदच्युत जूम्ह प्रधानमन्त्री फट्थोङथराम सिनावात्रा विरुद्धया मुद्दा क्वचायेत्यंगु इलय् थ्व फैसला जूगु खः।

अदालतया थ्व फैसलायात वया समर्थकतय् निंतिं सकारात्मक पलाःया रुपय् काःगु दुसा थाक्सिनयात धाःसा थप मुद्दा चले जुइफुगु समाचार वःगु दु।