अमेरिकाया राष्ट्रपति डोनाल्ड ट्रम्पं न्यान्हुया निति एशिया भ्रमण शक्ति प्रदर्शन व कूटनीतिक सन्तुलन याइगु धका विश्लेषण जुयाच्वंगु दु।

मलेशिया, जापान व दक्षिण कोरियामय् व्यापार सम्झौता, लगानीया निति उगु भ्रमण जुइगु दु धका बीबीसीें उल्लेख याःगु दु। जापानं ५ सय ५० अर्ब डलरया लगानी घोषणा यासे ट्रम्पयात नोबेल शान्ति सिरपाया निति सिफारिस याःगु खःसा दक्षिण कोरियां उच्च राष्ट्रिय पदक व ‘पिसमेकर’ सम्मान लःल्हागु खः।

लिपागु भ्रमण चीनया राष्ट्रपति सी जिङ पिङसँनाप बैठक जुगु दु। नापलायेगु झ्वलय् निम्ह नेतां व्यापार तनाव म्हो यायेगु सहमति जुगु खः।

चीनं सन् २०३० तक थःपिनिगु अन्तरिक्ष यात्रीतय्त चन्द्रमा सतहय् अवतरण यायेगु योजना स्पष्ट दु धका धाःगु दु।

चाइना म्यान्ड स्पेस प्रोग्रामया प्रवक्ता झाङ जिङबो न आःयागु सफलता कथं सन् २०३० य् दुने चन्द्रमाया सतहय् मनूूतय्त यकेगु आज्जु दु धका समाचार संस्था एपीं धाःगु दु।प्रवक्ता झाङं लङ मार्च–१० रकेट, चन्द्र अवतरण पोसाक व अन्वेषण सवारी निर्माणयात फलदायी उपलब्धि माने याःगु दु।

विश्लेषक तयेगु कथं चीनं सन् २०३० लक्ष्य हलिमय अन्तरिक्ष शक्ति अमेरिका व रूसनाप प्रतिस्पर्धाय् निर्णायक पला जुइ कथं काःगु दु। दक्को योजना ताःलात धाःसा चीन चन्द्रमाय् मानव अवतरण याइगु निगु देय् कथं स्थापित जुइ।

अमेरिकाया राष्ट्रपति डोनाल्ड ट्रम्प व चीनया राष्ट्रपति सी जिङपिङ दथुइ नापलायेगु ज्या जुगु दु। उच्चस्तरीय भेटवार्ताय् निम्ह नेता दथुइ छु कथं याःगु व्यापारया खँ मजु धका बीबीसीं धाःगु दु।

ट्रम्प व सी दथुइ दक्षिण कोरियाय् नापलायेगु ज्या जुगु खः।

• Read more about kachala

दक्षिणपूर्वी एसियाली देय्पिनिगु आः वइगु शिखर सम्मेलनय् जुइगु थाइल्यान्ड व कम्बोडिया दथुया शान्ति सम्झौताया औपचारिक ल्हाःचिं ज्याझ्वलय् अमेरिकाया राष्ट्रपति डोनाल्ड ट्रम्पया नं ब्वति दइगु ग्वसाः देय् मलेसियाया विदेशमन्त्री मोहम्मद हसनं मङ्गलबाः धयादीगु दु।

वंगु जुलाईलय् थाइल्यान्ड व कम्बोडिया दथुया तनाव थुगु दसकया हे दकसिबे घाटक सैन्य झडपय् हिलावंबले पीम्हसिबें अप्वः मनूत सीगु खःसा थ्यंमथ्यं ३ लाख मनूत विस्थापित जुयाः थःगु थाय् बाय् त्वःताः वनेमाःगु धाःगु दु।ल्वापू लिपा नं छम्हेस्यां मेम्हेसित थितुं थिक युद्धविराम हाचांगाःगु द्वपं बियाच्वंपिं निगूलिं देय्पिसं लिपांगु इलय् युद्धविरामय् सहमत जूगु खः।

डोनाल्ड ट्रम्प थाइल्यान्ड–कोलम्बिया शान्ति सम्झौता स्वयेत मन दयेकाच्वंगु मोहम्मद हुसेनं क्वालालम्पुरय् जूगु पत्रकार सम्मेलनय् धयादीगु खः। अक्टोबर २६–२८ तक मलेसियाया राजधानीइ जुइगु दक्षिणपूर्वी एसियाली देय्पिनिगु मंकाः सङ्गठन (आसियान)या शिखर सम्मेलनय् अमेरिकी राष्ट्रपति ट्रम्पया नं ब्वति दइगु अपेक्षा यानातःगु दु।

कम्बोडियाया प्रधानमन्त्र िहुन मानेटं द्वन्द्व अन्त्य यायेगु ‘न्हूगु कूटनीति’या जस बिसें अमेरिकी राष्ट्र ट्रम्पयात नोबेल शान्ति सिरपाःया निंतिं मनोनयन यानागु धयादीगु दु।थाइल्यान्डया प्रधानमन्त्री अनुतिन चार्नविराकुलं वंगु वाः थःत ट्रम्पपाखें छगू पौ वःगु व वय्कलं निगू जःला खःला देय् दथुया तनाव सुल जूगु स्वये मन दूगु धयादीगु खः।