बिहारया मुख्यमन्त्री नितिश कुमारं थःगु पदपाखे राजीनामा ब्यूगु दु। मुख्यमन्त्री कुमारं राज्यपालयात मुख्यमन्त्री पदपाखे राजीनामा बियागु धका एक्सपाखे सार्वजनिक याःगु खः।

एक्सपाखे राजीनामा बियागु पुष्टि यानादीसे वयकलं सकसित सुभाय् बियादीगु खः। मुख्यमन्त्री नितिश कुमारं, ‘२४ नोभेम्बर २००५ य् न्हापागु पटक एनडीए सरकार दयकूगु खः।

आक्रमणया झ्वलय् संयुक्त राष्ट्र सङ्घीय एजेन्सीया निंतिं अनुबन्धित छम्ह कर्मचारी सी धुंकाः विश्व स्वास्थ्य सङ्गठनं गाजापाखें चिकित्सा निकासी दिकागु धकाः विश्व स्वास्थ्य सङ्गठनया प्रमुख टेड्रोस एड्हानोम गेब्रेयससं धयादीगु दु।

गेब्रेयससं विज्ञप्ति जारीयासें डब्लुएचओया कर्मचारी मदूगु पुष्टि याना च्वंबले थः तसकं दुःख जूगु धयादीगु दु। घटना लिपा मेगु सुचं पिहांमव तक निंतिं डब्लुएचओं गाजापाखें राफाह जुयाः इजिप्टय् चिकित्सा निकासी दिकागु धकाः वय्कलं पुष्टि यानादीगु दु।

घटनाया सम्बन्धित अधिकारीपिं पाखें अनुसन्धान जुयाच्वंगु न्ह्यथनादिसें वय्कलं जोखिम जुइकं नापं गाजाया मनूत तक स्वास्थ्य सेवा सुनिश्चित यायेत सक्रिय अधिकारीपिंत च्वछानादिल। अल जजिरांगाजाया स्वास्थ्य मन्त्रालययात न्ह्यथंसें सन् २०२३ अक्टोबरनिसें गाजाय् द्वःछि व न्हय्सः सिबें यक्वः स्वास्थ्यकःमि सी धुंकूगु धाःगु दु।

गाजा मेडिकल निकासीं गम्भीर बिरामी बाय् घाःपाः जूपिं बिरामीपिंत गाजाय् च्वंपिंपाखें जीवन म्वाकाः तयेगु, विशेष उपचारया निंतिं स्थानान्तरण यायेगु समन्वित प्रक्रियायात थुइकेफइ।

थ्वसिबें न्ह्यः, अल जजिरां मध्य गाजाय् विस्थापित प्यालेस्टिनीतय्गु ब्वनेकुथि लिसें आवास सतिक जूगु इजरायली हवाई आक्रमणय् म्होतिं झिम्ह सीगु व मेपिं यक्वः घाःपाः जूगु रिपोर्ट याःगु खः।

इरान युद्धया विषययात कया अमेरिकाया राष्ट्रपति डोनाल्ड ट्रम्पया उच्च सहयोगी जो केन्टं थःगु पदपाखे राजीनामा बिउगु दु। ट्रम्प प्रशासनं आतङ्कवादविरोधी केन्द्रया निर्देशक केन्टं इरान युद्धया विषय व प्रक्रियाप्रति असहमति यात कया थःगु पदपाखे राजीनामा ब्यूगु खः।

केन्टं सामाजिक सञ्जालपाखे जारी याःगु विज्ञप्तिइ राष्ट्रपति ट्रम्पयात थःगु अडान हिलेन इनाप यानादिगु खः। इरान अमेरिकाया निति तत्काल खतरा मजुगु धका विज्ञप्तिइ धया तःगु खः। केन्टं ट्रम्प प्रशासनं इजरायल व वयागु शक्तिशाली अमेरिकी लबीया दबाबय् इराननाप युद्ध शुरू यागु दाबी यानादीगु खः।४५ दँया केन्टयात अमेरिकी विशेष बल व सीआईएया अनुभवी मनू कथा कायेगु याइ।

केन्टया जहान शैनन केन्ट न अमेरिकाया नौसेनाय् ‘क्रिप्टोलोजिक टेक्निसियन’या कथं ज्या याये धुकुम्ह खः। सन् २०१९ य् सिरिया नाप जुगु आक्रमणय् मदुगु खः। केन्टया राजीनामा लिपा राष्ट्रपति ट्रम्पं सुरक्षाया मामिलाय् कमजोर जुगु धका द्धपं बिउसे केन्टया पिहावंसा ज्यू धका प्रतिक्रिया ब्यूगु खः।

विमान दुर्घटनाय् भारत महाराष्ट्रया उपमुख्यमन्त्री अजित पवार मन्त। थौ सुथय् बारामतीइ पवार च्वना वःगु निजी विमान दुर्घटना जूगु खः।

दुर्घटना जुया तसकं घाःपाः जूम्ह वयकः मदुगु धका भारतीय सञ्चारमाध्यम हिन्दुस्तान टाइम्सं धाःगु दु। विमान दुर्घटनाय् उपमुख्यमन्त्रीया सुरक्षाकःमि निम्ह व पाइलट यागु न ज्यान वःगु दु धका धाःगु दु।

अमेरिकाया राष्ट्रपति डोनाल्ड ट्रम्पं युरोपेली देश दुने घोषणा याःगु भन्सार शुल्क छु ईया निति स्थगित जुगु घोषणा याःगु दु।

थुगु निर्णय नाटोया महासचिव मार्क रुटे नापलाये धुका अथे घोषणा याःगु खः। राष्ट्रपति ट्रम्पं सामाजिक सञ्जाल ट्रुथ सोसय् च्वंगु दु सहमति कार्यान्वयन जुलकि अमेरिकाया निति जक मखु दक्को नाटो सदस्य देय्या निति न लाभदायक जुइ धका धयादीगु खः।

अय्न थुगु विषय नाटो महासचिव रुटेपाखे छु न औपचारिक पुष्टि याःगु मदुनि धका बीबीसीं धाःगु दु। थ्व स्वया न्ह्यः ट्रम्पं स्वीट्जरल्यान्डया डाभोसय् जुगु विश्व आर्थिक मञ्चयात सम्बोधन यायेगु झ्वलय् ग्रिनल्याण्ड अमेरिकाया राष्ट्रिय सुरक्षाया निति तसक महत्त्वपूर्ण जुगु धका दाबी यानादीगु खः।

डेनमार्कया विदेशमन्त्री लार्स लोके रासमुसेनं नाटोनाप जुगु वार्ता तसकं सकारात्मक जुगु धका धयादीसे अमेरिकां सुरक्षा च्यूता तःगुलि डेनमार्कं सम्मान यायेगु व समाधान मालेत तयार दु धका धयादीगु खः।