भारतया पश्चिम बंगालया कांग्रेस सांसद अधीर रञ्जन चौधरीं राष्ट्रपति द्रौपदी मुर्मूयात ‘राष्ट्रपत्नी’ धाउगु धासे संसदय् विरोध जुगु दु।

सत्तारुढ भारतीय जनता पार्टी विजेपीया सांसदपिन्स संसदय् कांग्रेसं माफी फ्वनेमाः धासे संसद (लोकसभा) य् विरोध याउगु दु। चौधरींया टिप्पणीयात कया विजेपी सांसदपिन्स होहल्ला यायेवं संसद बैठक हे स्थगित जुगु दु।

संघीय मन्त्री स्मृति इरानीं कांग्रेसं मुर्मूप्रति घृणा व उपहास याउगु धका द्धपः बिउगु दु। सत्ताधारी दलं चिधःगु खँयात तधःगु धका  चौधरीं द्धपः बिउगु दु। वयकलं धाउगु दु, ‘जि स्यू भारतया राष्ट्रपति न्ह्यम्हे जूसा झीपिनिगु लागि राष्ट्रपति हे खः, थ्व शब्द (राष्ट्रपत्नी) छकः म्हुतू पिहावःगु खः, सत्ताधारी दल तधःगुकगु धका द्धपः बियादीगु खः।

प्यम्ह कोरोना संक्रमण पुष्टि जुइवं चीनया वुहान सहरय् स्वन्हुया लागि म याउगु दु।

वुहानया जियाङ्जिया क्षेत्रय् प्यम्हेसित कोरोना संक्रमण पुष्टि जुगुलि लकडाउन घोषणा यासे सर्वसाधारणपिन्त छेँ च्वनेत निर्देशन बिउगु दु। आः अन मनोरञ्जन स्थल– बार, सिनेमाघर व इन्टरनेट क्याफे नाप – चिचिधःगु क्लिनिक व कृषि उत्पादन बजार न बन्द याउगु दु।

रेस्टुरेन्ट व तः तःधःगु जमघट जुइ थाय्, प्रदर्शननिसे सभा सम्मेलन दक्को थाय् प्रतिवन्ध याउगु दु। अथहे, दक्को धार्मिक गतिविधि जुइगु थाय्, शिक्षण संस्था लगायत दक्को थासय् स्वन्हुया लागि प्रतिबन्ध तःगु दु।

वुहान कोरोना भाइरस संक्रमण शुरू जुगु केन्द्रविन्दु खः व अन छु दिंनिसे अन न्हुपि संक्रमित खनेदुगु दुगु खः।

जापान सरकारं सन् २००८ य् राजधानी टोकियाय् छुरा प्रहार याउगु व ट्रकं क्ययका न्ह्यम्हेसित ज्यान काउगु द्धपनय् ३९ दँ दुम्ह मिजंम्हेसित मृत्युदण्ड बिउगु दु।

तोमोहिरो कातों याउगु हत्या जापानय् लिपागु इतिहासय् दकलय् अप्पो ग्यानापुगु धका धाउगु दु। २५ दँ दुगु इलय् लँय् न्यासी वयाच्वपिन्त न्ह्यनेलाथे ट्रक चले याना स्याउगु खः।

अथेहे ज्वःगु हतियार छ्यला प्यम्हसिगु ज्यान काउगु खःसा च्याम्हेसित घाःपाः याउगु खः। कातोयात टोकियो हिरासत केन्द्रय् फाँसी बिउगु खः।

सन् २०१५ य् वयात मृत्युदण्डपाखे बचे यायेत इनाप यागुलि अदालतं अस्वीकार याउगु खः। धनी परिवारय् जन्मे जुम्ह छम्ह प्रतिष्ठित विद्यालयपाखे स्नातक यानातःम्ह कातो विश्वविद्यालयय् प्रवेश परीक्षाय् असफल जुम्ह खः।

फिलिपिन्सया डोलोरेस नाप ७.१ म्याग्निच्युडया भुखाय् ब्बःगु दु। राजधानी मनिलाय् तक भुखाय् ब्बःगु महसुुस याउगु दु धका समाचार एजेन्सी रोयटर्स न धाउगु दु।

अमेरिकी भौगर्भिक सर्वेया कथं भुखाय् ब्बःगु केन्द्रविन्दु डोलोरेसपाखे ११ किलोमिटर दक्षिणपूवय् धका धाउगु दु। थ्व राजधानी मनिला स्वया ३३६ किलोमिटर तापाक्क खः।

अमेरिकी भौगर्भिक सर्वेल न ७.१ म्याग्निच्युटया भुखाय् ब्बःगु धाःसा गुलिस्या अन ७.३ म्याग्निच्युटया धका धाउगु दु। भुखाय् ब्बःगुया क्षति याउगु विवरण वःगु मदुनि।

अन सुनामी वयेफु धका सूचं जारी याना बचे जुया च्वनेत धाउगु दु।

भारतया १५ म्ह राष्ट्रपतिया रुपय् द्रौपदी मुर्मू न शपथ ग्रहण याउगु दु।

शपथ ग्रहणलिपा राष्ट्रया नामय् सम्बोधन यानादीसे मुर्मू न सोमबाः भारतं स्वतन्त्रता याउगु ७५ दँ जुगु इलय् थःम्हेसिया पदभार याये खंगुलि थःत तसक सम्मानित जगु तायकःगु दु धका धयादीगु खः।

स्वतन्त्र भारतय् जन्मे जुम्ह थः न्हापाम्ह राष्ट्रपति जुगु धका वयकलं जानकारी बियादीगु खः। संसदय् थःगु स्वीकृति भाषणय् मुर्मू न धयादीगु दु, “राष्ट्रपति पदय् थ्यःगु जिगु व्यक्तिगत उपलब्धि मखु, थ्व भारतया हरेक गरिबया उपलब्धि खः।

जिगु चुनाव भारतया गरिबपिनिगु म्हगसः जक मखु, उगु म्हगसः पूरा यायेफु धइगु प्रमाण खः।” धका धयादीगु खः।