टर्की व सिरियाय् भुखाय् ब्बःगु २२८ घौलिपा एला नांया छम्ह मिसा नाप वया काय् अली व म्ह्याय् मेसामयात २२८ घौंलिपा टर्कीया दक्षिणी सहर कहरामनमारासया अन्टाक्यास्थित छगु अपार्टमेन्ट ब्लकया भग्नावशेषपाखे जिवितय् लिकागु दु ।

अथे हे उगु थासं निम्ह मिसायात न जिवितये उद्धार याःगु दु। टर्कीया सरकारी टेलिभिजन टीआरटी हबेरया कथं काहरामानमारास सहरया भग्नावशेषं २२२ घौलिपा ४७ दँ दुम्ह मेलिके इमामोउलु व मेम्ह मिसायात उद्धार याःगु खः।

टर्कीया राष्ट्रिय रक्षा मन्त्रालयं भुखाय् ब्बःगु करिब २१२ घौंलिपा अदियामान सहरय् ७४ दँदुम्ह मिसायात भग्नावशेषपाखे फतमा गुन्गोररयात जीवितय् पिकाःगु खः। उगु थासय् भुखाय् ब्बया ४१ हजार स्वया अप्पो मनू सी धुकुगु दु।

टर्कीइ भुखाय् ब्बःगु १९८ घौं लिपा निम्हेसित उद्धार याःगु दु।

टिआरटी वर्ल्ड नाउकाया कथं काह्रामानमारास सहर मंगलबाः उद्धारकर्तापिन्स १७ दुम्ह छम्ह व मेम्ह छम्हेसित भग्नावशेषपाखे उद्धार याःगु दु।

अजरवैजानया उद्धारकर्तापिन्स उमित भग्नावशेषं लिकाःगु खः।

टर्की व सिरियाय् भुखाचं आःतक १९ हजार ३ सय स्वया अप्पो मनू सी धुकुगु दु।

भुखाय् ब्बया भग्नावशेषय् ल्हानाच्वपि मनूत म्वानाच्वंगु म्हो जक जुइ धका टर्की व सिरियाया अधिकारीपिन्स धाःगु दु।

टर्कीया अधिकारी कथं टर्कीइ जक सीपि आतक १५ हजार स्वया अप्पो जुइ धुकुगु दु। तसकं चिकूगुया कारण आः मालेगु ज्याय् पंंगः जुयाच्वंगु दु।

विज्ञपिनिगु कथं भुखाय् ब्बःगु ७२ घौं स्वया अप्पो जुइ धुकुगु दु।

टर्कीइ म्हिगः भुखाय् ब्बया सीपिनिगु ल्याः ३ हजार ७ सय म्ह थ्यःगु दु।

आःतक वःगु विवरण कथं टर्कीइ २ हजार ३ सय म्ह व सिरियाय् १ हजार ४ सय ४४ म्ह याना ३ हजार ७ सय ४४ म्ह सी धुकुगु पुष्टि जुइ धुकुगु दु धका रोयटर्स न धाःगु दु।

अथेहे टर्कीइ जक १४ हजार स्वया अप्पो घाःपाः जुया वासः याका वयाच्वंगु दु सा सिरियाय् यक्को हे घाःपाः जुयाच्वंगु दु धका बीबीसीं धाःगु दु।

टकीइ म्हिगः सुथय् ७ दशमलव ८ रेक्टर स्केल व न्हिनय् ७ दशमलव ७ रेक्टर स्केलया भुखाय् ब्बःगु खः।

टर्कीइ हाकनं शक्तिशाली परकम्प जूगु दु। नेपाःया ई कथं शनिबाः सुथय् ७ बजे जुया २ मिनेटय् ७.८ या म्याग्निच्युट शक्तिशाली भुखाय् ब्बःगु खः।

अथेहे नेपाःया ई कथं न्हिनसिया ४ बजे जूया ९ मिनेटय् ७.५ म्याग्निच्युटया मेगु शक्तिशाली परकम्प वंगु दु धका अमेरिकी भूगर्भ सर्वेक्षणं धाःगु दु। भुखाय् ब्वया जःखः देशय् तक महसुस जूगु खः।

टर्कीलिपा सिरिया नं भुखाचं क्षति जूगु दु। निगु देशय् आःतक १ हजार २०० स्वया अप्पो सी धुकुगु दु धका अन्तर्राष्ट्रिय सञ्चार माध्यमं धाःगु दु।

टर्कीया राष्ट्रपति रिसेप इर्डोगनं थःगु देशय् आःतक ९१२ म्ह सी धुकुगु व ५ हजार ३०० म्ह घाःपाः जुगु दु धका जानकारी बिःगु दु।

सिरिया न ३२० म्ह सी धुकुगु दु धका बेलायती मानवअधिकारवादी संस्था सिरियन अब्जर्भेटरी फर ह्युमन राइट्सं धाःगु दु।