बैतडीइ यात्रु बस दुर्घटना जुया च्याम्ह घाइते जुगु दु।

ना ७ ख २५७० नम्बर बस मेलौली नगरपालिका–२ य् पाटन–पञ्चेश्वर सडकखण्डय् सुथय् करिब ६ बजे दुर्घटना जुगु धका प्रहरीं धाउगु दु।

दुर्घटनाय् मेलौली नगरपालिका–१ या कमलापति भट्ट, कञ्चनपुरया वेदकोट नगरपालिका च्वम्ह २१ दँ दुम्ह पुजा भट्ट, मेलौली ९ या ३९ दँया दुर्गादत्त भट्ट, ६८ दँया रामसिंह साउद, बाराया ४५ दँया सिराज अन्सारी, मेलौली २ या २१ दँया मनिस चन्द, शिवनाथ गाउँपालिका–५ या २१ दँया सुशिला चन्द, शिवनाथ ६ य् २९ दँया जनक आउजी घाःपाः जुगु दु धका जिल्ला प्रहरी कार्यालयया प्रवक्तां जानकारी बिउगु दु।

नेपालगञ्ज भेरी अस्पतालय् १२ घण्टा दुने निम्ह कोरोना संक्रमितपि सीउगु दु।

अस्पतालय् वासः याका च्वंपि बर्दिया ७१ दँ दुम्ह मिजंम्ह व कालिकोटया १६ दँ दुम्ह भेरी अस्पतालय् १२ घण्टाया दुने सीउगु दु धका बाँके जिल्ला कोभिड व्यवस्थापन केन्द्रं जानकारी बिउगु दु।

राष्ट्रिय सभाय् खाली जूगु १९गू पदया लागि जूगु निर्वाचनया नतिजा गठबन्धनया ल्हाति लाःगु दु ।

सार्वजनिक नतिजा कथं लुम्बिनी, सदूरपश्चिम, बागमती, गण्डकी व कर्णालीइ गठबन्धनको प्यानलं त्याकेत ताः लाःगु दु । प्रदेश १य् धाःसा छगू सिट प्रमुख प्रतिपक्षी नेकपा एमालेया ल्हाते लाःगु दु ।

लुम्बिनीया राष्ट्रियसभा दुजःया स्वंगु खाली जूगु पदय् एमालेया उम्मेवारयात बुका सत्ता गठबन्धनपाखें खुल्ला सदस्यय् कांग्रेसया युवराज शर्मा, मिसा सदस्यय् नेकपा एकीकृत समाजवादीया राजेन्द्रलक्ष्मी गैरे व दलित सदस्यय् राष्ट्रिय जनमोर्चाया तुलप्रसाद विश्वकर्मा निर्वाचित जूगु दु ।

अथेहे सुदूरपश्चिम प्रदेशय् न सत्तारुढ गठबन्धनया उम्मेदवार निर्वाचित जूगु दु । गठबन्धनपाखें माओवादीया जगत पार्की,  एकीकृत समाजवादीया गरिमा शाह व काँग्रेसया नारायण मिश्र त्यात ।

कर्णालीइ गठबन्धनपाखें माओवादी केन्द्रया नरबहादुर विष्ट, काँग्रेसया दुर्गाकुमारी गुरुङ व एकीकृत समाजवादीया उदय बोहोरा निर्वाचित जूगु दु । बागमती प्रदेशया राष्ट्रियसभा निर्वाचनय् सत्ता गठबन्धन दलका संयुक्त उम्मेदवार गोमादेवी तिमल्सिना व गठबन्धन दलया हे कृष्णप्रसाद पौडेलं त्याकूगु दु । तिमल्सिना नेकपा एकीकृत समाजवादी पार्टी र पौडेल कांग्रेसया उम्मेदवार जुयादि । गण्डकी प्रदेशय् नं गठबन्धनया सुरेश आले मगर, कमला पन्त व भुवन सुनार निर्वाचित जुयादिल ।

उखे प्रदेश नम्बर १य् गठबन्धन उम्मेदवार बुइमाःगु दु ।  गठबन्धनपाखें जनता समाजवादी पार्टीया उम्मेदवार हेमराज राईयात बुकुसें एमाले उम्मेदवार सोनम ग्याल्जेन शेर्पां त्याकेत ताःलात । गठबन्धनया हे उम्मेदवारया अन्तर्घातया हुनिं राई बुइमाःगु धाःगु दु ।

राई जनता समाजावादी पार्टीपाखें गठबन्धनया उम्मेदवार जुयादिगु खः । मेगु सिटय् धाःसा नेकपा एकीकृत समाजवादीया जयन्ती राईं बाजी त्याकल । प्रदेश १य् अन्यपाखे सदस्यय् नेपाली कांग्रेसया गोपाल बस्नेत निर्वाचित जुयादिल ।एमालेया उम्मेदवार गुरु बराल व बस्नेतं ज्वलिज्वं मत हःबले गोला प्रथापाखें विजेता घोषणा याःगु खः ।

उखे मधेश प्रदेशय् नं सत्तारुढ गठबन्धया उम्मेदवार माओवादी केन्द्रया उर्मिला अर्याल व जनता समाजवादी पार्टीया मोहम्मद खालिद सिद्दिकी त्याःगु दु ।

गोरखाया मनकामना केन्द्रविन्दु जुया भुखाय् ब्बःगु दु।

थौं बुधवाः न्हिनय् ४ बजे जुया ५४ मिनेटय् मनकामना जःखः केन्द्रविन्दु जुया ४ दशमलव १ म्याग्निच्युडया भुखाय् ब्बःगु खः।

भूकम्पको धक्का गोरखा नाप, धादिङ, चितवन, लमजुङ लगायतया थासय् महसुस जुगु दु

पूर्वप्रधानमन्त्री नाप जनता समाजवादी पार्टी (जसपा) या संघीय परिषद अध्यक्ष डा. बाबुराम भट्टराई न कोरोना संक्रमण पुष्टि जूूगु दु।

अध्यक्ष डा.भट्टराई न थःत कोरोना संक्रमण जूगु धका थःगु सामाजिक सञ्जाल ट्वीटरं जानकारी बिउगु खः।

अध्यक्ष डा. भट्टराई न ट्वीटरय् च्वंगु दु, ‘सतर्कताका बाबजुद थःत कोबिड–१९ हाकन संक्रमण जुगु दु। छु दिं आइसोलेसनय् च्वने। असुविधायानिम्ति क्षमाप्रार्थी दुु।‘