किपू नगरपालिकाय् राष्ट्रिय परिचयपत्रया लागि दर्ता यायेगु ज्या थौंनिसे न्ह्याःगु दु।

थौं छगु ज्याझ्वः दथुइ राष्ट्रिय परिचयपत्र तथा पञ्जीकरण विभागं किपू नगरपालिकाय् राष्ट्रिय परिचयपत्रया लागि दर्ता यायेगु ज्या न्ह्याकूगु खः। किपू नगरपालिकाया मेयर रमेश महर्जनं टोकन सिस्टमय् न्हियां न्हिथं ४० म्हसिगु नां दर्ता यायेगु धका धयादिगु खः।

वय्कलं अत्यावश्यक जूपिं नागरिकयात राष्ट्रिय परिचयपत्र दर्ताया लागि विशेष प्राथमिकता बिइगु नं धयादिल। किपू नगरपालिकां नगरबासीतय्त राष्ट्रिय परिचयपत्र दर्ताया लागि नेपाली नागरिकताया सक्कल प्रमाणपत्र ज्वनाः वयेत इनाप याःगु दु।

स्वनिगलय् थप ६ हजार १७२ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथंथौं येँ थप ४,८७५ म्हेसित कोरोना सक्रमित जुगु दु। अथेहे, यलय् ७८२ म्ह व ख्वपय् ५१५ म्हेसित कोरोना संक्रमण पुष्टि जुगु दु।

अथेतु, स्वनिगः पिने मोरङय् ४४२, कास्कीइ ३११, सुनसरीइ २९१ व रुपन्देहीइ २२३ म्हेसित कोरोना संक्रमण पुष्टि जुगु दु। काभ्रेय् २१२, कैलाली व झापाय् १६७÷१६७, चितवनय् १५०, बाँकेय् १२१ व मकवानपुरय् १०६ म्हेसित कोरोना संक्रमण जूगु दु।

अथेतु, दाङय् ६७, कञ्चनपुर ५९, सुर्खेतय् ४८ नवलपरासी पूर्वय् ४६, सिराहाय् ४२, धनुषाय् ४४, पाल्पाय् ४०, स्याङजाय् ३७, नवलपरासी पश्चिमय् ३२, बर्दियाय् ३०, गोरखाय् २६, धादिङय् २५, सर्लाहीइ २३ व अर्घाखाँचीइ २२ म्हेसित कोरोना संक्रमित जूगु दु धका स्वास्थ्य मन्त्रालयं धाउगु दु।

वंगु २४ घण्टाया दुने देयन्यक १२ हजार ८ म्हेसित कोरोना भाइरस (कोभिड–१९) या संक्रमण पुष्टि जूगु दु सा च्याम्हेसिगु ज्यान वंगु दु।

स्वास्थ्य तथा जनसंख्या मन्त्रालयया कथं १८ हजार १०३ म्हेसिगु नमुना पीसीआर परीक्षण याउगुविेल ९ हजार ४३२ म्हेसित व ७ हजार ८०६ म्हेसिगु नमुना एन्टिजेन परीक्षण याउगुलि २ हजार ५७६ म्हेसित संक्रमण पुष्टि जुगु दु।

अथेहे २४ घण्टाया दुने ३ हजार ४० म्ह संक्रमणमुक्त जुगु द। आःतक देयन्यक ८८ हजार ९३४ म्ह सक्रिय संक्रमितपि दु।

शेयर बजाः थौं न घटे जुगु दु। थौं मंगलबाः शेयर कारोबार मापक नेप्से परिसूचक नाप कारोबार रकम तक घटे जुगु दु।

नेप्से परिसूचक ५ दशमलव ९२ अंकं घटे जुया २ हजार ८ सय १४ दशमलव ७४ अंकय् कुहावंगु दु। म्हिगः न नेप्से परिसूचक १०० अंकं घटे जुगु खः। शेयर कारोबार रकम म्हिगः न तुलनाय् न मंगलबाः ३ अर्ब भन्दा धेरैले घटेको छ ।

९७ लाख ८४ हजार ६ सय ५१ कित्ता शेयर किनबेच जुगुलि कारोबार रकम ५ अर्ब ३९ करोड ५६ लाख ७२ हजार ६ सय २७ रुपैयाँ रोके जुगु खः। सोमबाः साढे ८ अर्ब स्वया अप्पो शेयर कारोबार जुगु खः।

बजाः घटे जूसा छू कम्पनीया शेयर भाः थहावंगु दु। थौं दकलय् अप्पो विन नेपाल लघुवित्त वित्तीय संस्थाया भाः १० प्रतिशतं थहावना ११०६ रुपैयाँ थ्य.गु खः। अथेहे बुद्धभूमि हाइड्रोपावर शेयर भाः १० प्रतिशतं थहावना ४२१.१० व पोखरा फाइनान्सया ८ प्रतिशतं थहावना ५८८.९० रुपैयाँ थ्यंगु खः।

अथेहे शेयर भाः घटे जूगु कम्पनी गोर्खाज फाइनान्स, समता लघुवित्त, समिट लघुवित्त, चन्दागिरी हिल्स खः। गोर्खाजया शेयर भाः ४.५८ प्रतिशत घटे जुया ८ सय रुपैयाँ, समिट ३ प्रतिशतं घटे जुया १२१८ रुपैयाँ व समताया न ३ प्रतिशतं घटे जुया  १२१६ रुपैयाँय् कुहावंगु खः। चन्दागिरीया शेयर भाः ३९ रुपैयाँ न घटे जुया १३८८ रुपैयाँ कुहावंगु खः।

यल महानगरपालिका सुनाकोठीया बालकुमारी देगलं तनाच्वंगु द्यः मालेत न्याम्ह दुजः दुगु अनुसन्धान टोली गठन जुगु दु।

जिल्ला प्रशासन कार्यालय यलय् म्हिगः सोमबाः सहलह जुगु कथं प्रहरी नायब निरीक्षक दीपक भारतीया संयोजकत्वय् अनुसन्धान टोली गठन जुगु धका प्रहरी परिसर यलया प्रहरी उपरीक्षक शिद्धविक्रम शाहं जानकारी बिउगु दु।

शाह न बिउगु जानकारी कथं प्राविधिक सहितया अनुसन्धान टोली गठन यासे अनुसन्धानया टुल्सत प्रयोग यानाः मालेज्या जुयाच्वंगु धका धाउगु दु। बैठकय् बालकुमारी गुठीया गुठीयार, सुनागूबासी लगायतया ब्वति दुगु खः।