नेपाली कांग्रेसया नेता अर्जुननरसिंह केसीं संस्थापनइतर पक्षपाखे रामचन्द्र पौडेल हे सभापतिया साझा उम्मेदवार जुइ धका दावी याउगु दु।

आःतक छलफल याना च्वसा नेतापिन्स छु न निष्कर्ष मवंगुलि पौडेल हे साझा उम्मेदवार जुइ धका धाउगु दु। केसीं धाउगु दु– शेखर व प्रकाशमान सहमतिइ मवसां रामचन्द्र हे साझा उम्मेदवार जुइ।

थौंनिसे सुरु जुइगु कांग्रेसया १४ क्वःगुं महाधिवेशनय् संस्थापनइतर पाखे प्यम्ह सभापतिया पदय् दावी याना वयाच्वंगु खः। अथेहे, प्रकाशमान सिंह व शेखर कोइराला धासा थः हे साझा उम्मेदवार जुइमाःगु मजुसां सभापतिइ उम्मेदवारी बिइ धका धया वयाच्वंगु खः।

वर्षा नाप सहकालया द्यः बुगः द्यःयातं बुगं यलया तःबहाल बिज्याकुगु दु।

बुगःद्यःयात खुला छकः यलय् व खुला व बुँगय् बिज्याकेगु परम्परा कथं यलया तःबहाल बिज्याकुगु खः।

वंगु मंसिर ९ गते ज्योतिषिपिन्स साइत बिउगु कथं बुगंद्यः तःबहाल बिज्याकुगु खः।

थथे द्यःयात यलय् विज्याकिगु सुथय् पूजा याना सनिलपाखें खटय् तया द्यःयात पश्चिम लुखां तःबहालय् विज्याकीगु परम्परा दु।

नेपाली कांग्रेसया १४ क्वःगु महाधिवेशन थौंनिसे येँ सुरु जुइत्यंगु दु। ‘उत्साह, एकता, रूपान्तरण ः ताः लाके १४अ क्वःगु महाधिवेशन’ धइगु मू नाराया नाप थौ न्हिनय् १ बजे भृकुटीमण्डपय् महाधिवेशनया उलेज्या जुइत्यंगु दु।

उदघाटन समारोहय् देय् या प्रमुख पार्टीया नेता, विदेशी प्रतिनिधि व कांग्रेसया शीर्ष नेतापिन्स सम्बोधन याइ धका कांग्रेसया प्रवक्ता विश्वप्रकाश शर्मा धाउगु दु। स्वन्हु तक न्ह्यायगु  थुगु महाधिवेशनय् सहभागी करिब प्यद्धः हजार व स्वसः प्रतिनिधिपिन्स कांग्रेसया केन्द्रीय न्हुगु नेतृत्व ल्यइ।

कांग्रेसया विधान कथं छम्ह सभापति, निम्ह उपसभापति, निम्ह महामन्त्री, च्याम्ह सहमहामन्त्रीया लागि निर्वाचन जुइ। अथेहे ३५ म्ह खुला केन्द्रीय सदस्य, गुम्ह महिला केन्द्रीय सदस्य, प्रत्येक प्रदेशपाखे छम्ह मिसा नाप २१ म्ह केन्द्रीय सदस्य व थीथी समावेशी समूह अन्तर्गत ५६ म्ह केन्द्रीय सदस्यया लागि निर्वाचन जुइ।

सभापतिं ३३ म्ह केन्द्रीय सदस्य मनोनित याइगु विधानं व्यवस्था यागु दु सा  कोषाध्यक्ष निर्वाचित केन्द्रीय सदस्यपाखे ल्यइ।

नेपाली कांग्रेसया नेता गगन थापां थःम्हेसिया महामन्त्री पदय् जक मखु सभापति पदय् न भोट फ्वनेगु जुइ धका धाउगु दु।

बिहीबाः महामन्त्री पदय् उम्मेदवारी घोषणा यासे थापां थौंतक थःपिनिगु सभापतिया उम्मेदवार टुंगे मजुसा भोत कुर्केगु दिं तक सभापतिया लागि न भोट फ्वने धका धयादीगु खः। ‘जिगु सभापति सू खः? आःतक जिन मस्यू नि।

तर थुलि खँ जिं धाये –जिं थःगु लागि जक मत फ्वनेत छिकपि दथुइ वये मखु। जि सूयात सभापतिया मत बिइ। जि सभापतिया उम्मेदवार न वयात माने याये। नाप छाय् मत कूकेगु धइगु न्ह्यसःया लिसः न छिकपिन्त बिइ’ धका थापा धाउगु दु।

महामन्त्रीया उम्मेदवारया हैसियतं थःम्हेसिया प्रस्तुत यायेगु राजनीतिक कार्यदिशा कार्यान्वयन यायेत न मूल नेतृत्व बालाय् माः धका थापां धाउगु दु।

मानवअधिकार आयोगं राष्ट्रपतियात आर्थिक वर्ष २०७७÷७८ या वार्षिक प्रतिवेदन बुझे याउगु दु।

आयोगया अध्यक्ष तपबहादुर मगरं बिहीबाः आयोगया २०७७÷७८ यागु वार्षिक प्रतिवेदन बुझे याउगु खः।

आयोगं नेपालया संविधान याउगु धारा २९४ बमोजिम प्रतिवेदन बुझे याइगु व्यवस्था दु। प्रतिवेदनय् आर्थिक वर्ष २०७७–२०७८ या आयोगय् वंगु उजुरी, उजुरी जुगु छानविन व अनुसन्धान विवरण, नेपाल सरकारयात याउगु सिफारिस लगायत मानव अधिकार संरक्षण व संवर्द्धनय् आयोगं दच्छियक जुगु ज्या उल्लेख याउगु दु।