येँया स्वयम्भुइ च्वंगु मनमोहन मेमोरियल मेडिकल कलेज व शिक्षण अस्पतालय् निःसन्तानपिनिगु लागि आइभीएफ (इन भेट्रो फर्टिलाइजेशन) प्रविधिपाखे मचा बूइकेगु सेवा शुरु याउगु दु।

वागमति प्रदेशया मूख्यमन्त्री नाप नेपाल स्वास्थ्य सेवा सहकारी संस्था लिमिटेड (नेको नेपाल) या संस्थापक अध्यक्ष राजेन्द्र पाण्डे न छगु ज्याझ्वः दथुइ म्हिगः शनिबाः मनमोहन अस्पतालय् आइभीएफ क्लिनिकया उलेज्या यानादीगु खः।

मनमोहन अस्पताल नेको नेपालअन्तर्गत संचालित जुइत्यःगु खः। उगु ज्याझ्वलय् मूख्यमन्त्री पाण्डे न थुगु क्लिनिकं आइभीएफ सेन्टरया नमूनाया रुपय् थःम्हेसिया भलसा कयाउगु दु धका धयादीगु खः।

नेपालय् आइभीएफ प्रविधी दुकायेत स्त्रीरोग विशेषज्ञ डा. भोला रिजालं आइभीएफ सेवापाखे नेपाः दम्पतीपि विदेशय् वना दुःखसिइगु म्वाल धका धयादीगु खः।

पहिको युथ क्लवय् न्हुधाः जुगु दु। येँया नयाँबजारया फलफूलचोकय् छगु ज्याझ्वः दथुइ क्लवया न्हुधाः जुगु खः।

क्लवय् सानुराजा महर्जनया अध्यक्षताय् न्हुगु ज्यासना पुचः ल्यःगु खः। अथेहे उपाध्यक्षय् आशा शाक्य व सन्तु महर्जन, महासचिवय् सुजन श्रेष्ठ, सचिवय् सुरेश श्रेष्ठ, कोषाध्यक्षय् विमला श्रेष्ठ, सहकोषाध्यक्षय् सुवासचन्द्र झायात ल्यःगु खः।

अथेहे दुजलय् विमला सिं, सनिर महर्जन, चण्डेश्वरी प्रजापति, दिनेश डंगोल, रोशन श्रेष्ठ व आलोक अनमोल उप्रेती यात ल्यउगु खः।

येँ मेलम्चीया लः वितरण सुरु जुगु दु।

खानेपानी व सरसफाइमन्त्री मन्त्री उमाकान्त चौधरीं थौं आइतबाः येँया मीनभवनय् लःया ट्यांकीं लः वितरण सुरु याउगु खः।

काठमाडौं उपत्यका खानेपानी लिमिटेड (केयूकेएल) या प्रवक्ता प्रकाश राईया कथं थौं मीनभवन, खुमलटार व महाँकाल चौरया ट्यांकीं लः वितरण सुरु याउगु खः।

थ्व नाप आः दक्को थासय् मेलम्चीया लः वितरण सुरु जुइ धका धाउगु दु।

नेपाल लिपि गुथिया झिंच्याक्वःगु तःमुँज्यां अनिल स्थापितया नेतृत्वय् न्हय्म्हेसिगु न्हूगु ज्यासना पुचः सर्वसम्मत ल्यःगु दु।

उगु तःमुँज्या न्हूगु ज्यासना पुचलय् पूर्व नायः निरञ्जन ताम्राकार, पवित्र कसाः, कमलतारा तुलाधर, बिक्कि बज्राचार्य, प्रमिला ताम्राकार व अष्टमान महर्जन सर्वसम्मत जुगु खः।

न्हूम्ह नायः अनिल स्थापितं नेपाल लिपि गुथिं ४२ दँ तक नेपाल लिपि व रञ्जना लिपिया प्रवद्र्धनया ज्या न्हाकाः जनमानसय् प्रचार प्रसार व लोकंह्वाकेगु ज्या यानावयाच्वंगु न्ह्यथनादिसें आः नेपाल लिपिया प्राज्ञिक, अनुसन्धानात्मक, प्राविधिकया नापनापं व्यावसायिक गतिबिधिया निंतिं नं पलाः न्ह्याकेगु खँ कनादिल।

थुगु तःमुँज्या ज्याझ्वलय् छ्याञ्जे पवित्र कसाः न न्ह्यब्वःगु दच्छिया प्रगति प्रतिवेदन व न्वकू अनिल स्थापितं आर्थिक सभां पारित याःगु खः।

सभानायः एवं पुलांम्ह नायः निरञ्जन ताम्राकारं नेपाःया मौलिक नेपाल लिपि रञ्जना लिपिया नापनापं मेमेगु लिपिया प्रवद्र्धनया निंतिं संस्थागत कुतल सकलें जायेमाःगु व अझ युवापुस्ता विशेष अग्रसर जुइमाःगु न्ह्यथना दिल।

वरिष्ठ चित्रकार नाप भ्वाइलेन गुरू हरिप्रसाद वैद्ययात छगु ज्याझ्वः दथुइ नेवाः ग्वाहालि पुचः हंगु दु।

वरिष्ठ चित्रकार वैद्य नेपाःया संगीतयात भारतीय संगीतया छगू अङ्ग धका ब्वलंका तःगु भ्रम चिइका नेपाःया संगीत यूरोप, अमेरिका व अष्ट्रेलिया थ्यंकेगु ज्याया न्ह्यलुवा खः।

वरिष्ठ चित्रकार वैद्ययात संङ्घीय मामिला व सामान्य प्रशासनमन्त्रीे राजेन्द्रप्रसाद श्रेष्ठं दोसल्लां न्ययेकाः हना ज्याझ्वः याउगु खः।  वय्कः एकल चित्रकला प्रदर्शनी ज्याझ्वःया उलेज्या न मूपाहाँ मन्त्री श्रेष्ठं यानादिगु खः।

उगु सम्मान ज्याझ्वः नेवाः ग्वाहालि पुचः नेपाः १३ व १५ वडा येँया ग्वसालय्  बैशाख १०, ११ व १२ गते स्वन्हु यंकं नेपाल कला परिषद, बबरमहलय् वयकलं सृजना यानादीगु चित्रकला प्रदर्शनी याइगु जुगु दु।