यलय् बुंगद्यःया रथ दयेकेज्या सुरु जुइ धुकुगु दु।

द्यःया रथ चौलागा पारु कुन्हुनिसे रथ दयेके ज्या शुरु याइगु परम्परा दु।

बुंगद्यःया रथय् थ्व हे वइगु बैशाख १८ गते द्यः विज्याकाः बैशाख २१ गतेनिसें रथयात्रा शुरु जुइ।

शताब्दी पुरुष सत्यमोहन जोशीया स्वास्थ्य अवस्थाय् सुधार जुगु दु।

मूत्र प्रणालीइ संक्रमण व मुटुया चालय् गडबडी खनेदया अस्पताल भर्ना जुयादीम्ह जोशीया खनेदुगु संक्रमण कम जुगु दु धका किस्ट अस्पतालं धाउगु दु।

अस्पतालया निर्देशक प्रा.डा. सुरज बज्राचार्य न जोशी संक्रमणमुक्त जुइ धुकुगु व कमजोरी जक खनेदुगु धका जानकारी बिउगु दु।

माध्यामिक शिक्षा परीक्षा (एसईई) थौंनिसे सुरु जुइगु दु।

राष्ट्रिय परीक्षा बोर्डया कथं थौंनिसे एसईई वैशाख २० गते तक सञ्चालन जुइ।वं

गु निदँय् कोरोना महामारीया कारण बोर्ड परीक्षा जुइ मफुगु खः। थुगु पटक एसईई भौतिक रुप हे जुइ त्यःगु खः।

निदँनिसे आन्तरिक मूल्यांकनपाखे विद्यार्थीपिन्त एसईई पास याउगु खः।

नेकपा एमाले न वैशाख ३० गते जुइगु स्थानीय निकाय निर्वाचन घोषणा पौं थौं सार्वजनिक याइगु जुग दु।

पार्टीया ७४ क्वःगु स्थापना दिवसया लसताय् अध्यक्ष केपी शर्मा ओलीं पार्टीया घोषणा पौ सार्वजनिक याइगु एमाले केन्द्रीय प्रचार विभाग उपप्रमुख विष्णु रिजालं जानकारी बिउगु दु।

वयकःया कथं न्हिनसिया १ बजे तुल्सीलाल स्मृति भवन, च्यासलय् घोषणा पौं सार्वजनिक यात्येगु दु।अथेहे, एमाले न थापाथलीं पार्टी केन्द्रीय कार्यालय न सारे याइगु जुगु दु।

रिजालया कथं च्यासलय् तुल्सीलाल स्मृति भवनय् पार्टी केन्द्रीय कार्यालय सारे यायेत्यःगु खः।

थौं बिहीवाः शेयर बजाःया सामान्य थहावंगु दु। शेयर बजाः परिसूचक नेप्से थौं ४ दशमलव ९४ अङ्कंं थहावना २ हजार ३ सय २५ दशमलव ४५ विन्दुइ थ्यंगु दु।

थौं बैंक, निर्जीवन बीमा, फाइनान्स व व्यापारबाहेक मेमेगु समूहया शेयर सामान्य थहावंगु दु। शेयर बजाः थहावंसा २३१ गु कम्पनीया ३९ लाख ९१ हजार कित्ता शेयर १ अर्ब ६२ करोड ९१ लाख रुपैयाँया कारोबार जुगु खः।

दकलय् अप्पो नेस्डो समृद्ध लघुवित्तया १० करोड ३६ लाख रुपैयाँय शेयर किनबेच जुगु खः। थौं दकलय् अप्पो ग्रीन भेन्चर्स कम्पनी व जालपा लघुवित्तया शेयर १० प्रतिशतं थहावंगु खः।

अथेहे दकलय् अप्पो घलेम्दी हाइड्रो कम्पनीया शेयर झन्डै साढे ६ प्रतिशतं थहावंगु दु।