स्थानीय तह निर्वाचनया लागि इलामय् नेत्रविक्रम चन्द विप्लव नेतृत्वया नेकपा न उम्मेदवारपिनिगु नां सार्वजनिक याउगु दु।

पार्टीया १४ क्वःगु जिल्ला कमिटि बैठक लिपा उम्मेदवारपिनिगु नां सार्वजनिक याउगु दु। नेकपा विप्लवं इलाम नगरपालिकाया प्रमुखय् फडिन्द्र न्यौपाने व उपप्रमुखय् नारदमणि साम्पाङ, सन्दकपुर गाउँपालिका अध्यक्षय् खड्ग राई, चुलाचुलीे अध्यक्षय् गणेशबहादुर पौड्याल, माई नगरपालिका प्रमुखय् युवराज आचार्य व उप–प्रमुखय् अमर राईयात थनिइगु जुगु दु।

देउमाई नगर प्रमुखय् मोहन बराल, माईजोगमाईया अध्यक्षय् बेनुप तामाङयात थनिइगु निर्णय जुगु दु धका पत्रकार सम्मेलन याना जानकारी बिउगु दु।

स्थानीय तहय् प्रमुख व उपप्रमुख उम्मेदवार मनोनयन याये वलय् छम्ह मिसा छम्ह मिजं थनेमाःसा नेकपा न निगु हे पदय् मिजं हे थनेगु निर्णय याउगु खः।

नेकपा एमालेपाखे बाग्मती प्रदेश सभा सदस्यय् निर्वाचित विजय सुवेदीं पदपाखे राजीनामा बिउगु दु।

थ्व हे वैशाख ३० गते जुइगु पालिका चुनावय् उम्मेदवार जुइत सुवेदीं प्रदेश सांसद पदपाखे राजीनामा बिउगु दु। थौं बिहीवाः बाग्मती प्रदेश सभाया सभामुख सानुकुमार श्रेष्ठयात राजीनामा बुझे याउगु दु।

नेकपा एमाले न सुवेदीयात चितवनया भरतपुर महानगरपालिकाया मेयर पदय् दनिइगु तयारी याउगु खः।

निर्वाचन आयोगं पालिका चुनावय् उम्मेदवार जुइत राजीनामा बिइमाःगु व्यवस्था जुगुलि सुवेदीं प्रदेश सभा सदस्यपाखे राजीनामा बिउगु खः।

वयकः चितवनया क्षेत्र नम्बर २ या (ख) पाखे प्रदेश सभा सदस्यय् निर्वाचित जुगु खः।

नेकपा एमाले न प्रदेशसभा सदस्यपिन्त स्थानीय तहय् उम्मेदवार मदयकेगु निर्णय याउगु दु।

थौं बिहीबाः बालकोटय् च्वंगु सचिवालय बैठकं सिफारिस जूपि प्रदेशसभा सदस्यपिन्त उम्मेदवार मदयकेगु निर्णय याउगु दु। एमालेया थुगु निर्णयलिपा पोखरा महानगरपालिकाय् मेयर दावी यानाच्वंम्ह कृष्ण थापा व राजीव पहारी उम्मेदवार जुइ मखगु दु।

महानगरया मेयर लागि थापा व पहारीनाप झीनिम्हसिगु नां सिफारिस जुगु खः। पोखरानाप खुगु महानगर व ११ उपमहानगरपालिकाय् मेयरया लागि सिफारिस जुगु नां सचिवालय बैठकय् न्ह्यब्बःगु खः।

सिफारिस जूपिनिगु नां  प्रदेशसभा सदस्यपिन्त उम्मेदवार मदयेकेगु सहमति जुगु धका छम्ह नेतां धाउगु दु। तर भरतपुर महानगरपालिकाय् मेयरया उम्मेदवार जुम्ह विजय सुवेदीबारे धासा थुगु  निर्णय लागू जुइ मखु धका धाउगु दु।

सुवेदी महानगरया उम्मेदवार जुगुलि बिहीबाः हे वागमती प्रदेशसभा सदस्यपाखे राजीनामा बिइ धुकुुग दु।

नेकपा एमाले न महानगरपालिका व उपमहानगरपालिकाया उम्मेदवार वैशाख १० गते क्वछिइगु जुगु दु।

बिहीबाः अध्यक्ष केपी शर्मा ओलीया निवास बालकोटय् जुगु  बैठकय् आकांक्षी उम्मेदवार पिनिगु नां न्ह्यब्बःगु खः।

उगु नां दुपिनिगु बारे थप छलफल व अध्ययन याना १० गते च्वनिइगु बैठकं उम्मेदवार क्वछिइ धका सचिव योगेश भट्टराई न धाउगु दु।

नेकपा एमालेया अध्यक्ष केपी शर्मा ओली न्यागु दलीय गठबन्धन आः खुगु दलीय जुइ धुकुगु दु धका धयादीगु दु।

बिहीबाः केन्द्रीय सल्लाहकार परिषदय् नेकपा एमालेया अध्यक्ष केपी शर्मा ओली न्यागु दलीय गठबन्धन खुग दलीय जुइ धुकुगु दु धका धाउगु खः।

बिहीबाः केन्द्रीय सल्लाहकार परिषदया बैठकयात सम्बोधन यासे अध्यक्ष ओलीं न्यागु दलीय गठबन्धन राजावादीनाप मिले जुया खुगु दलीय जुगु धका धाउगु खः।