प्रतिनिधिसभाया बैठक ५ मिनेतय् क्वचाःगु दु।

थौं बुधबाः नेकपा एमाले नाराबाजीया दथुइ सभामुख अग्निप्रसाद सापकोटां संसद बैठक न्ह्यने यकूगु खः।

प्रधानमन्त्री शेरबहादुर देउवाया पाखे कानुन, न्याय तथा संसदीय मामिलामन्त्री दिलेन्द्रप्रसाद बडुं थारु आयोगं प्रतिवेदन संसद बैठकय् पेश याउगु खः।

अथेहे स्वम्ह पूर्वसांसदपि मदुगु बिचाः हायेकूसे शोक प्रस्ताव न पारित याउगु खः। बुधबाःया बैठकय् अमेरिकी सहयोग परियोजना एमसीसी टेबुल यायेगु तयारी जूसा लिपागु इलय् दल दथुइ सहमति मजुइवं टेबुल यायेमफुगु खः।

प्रतिनिधिसभाया मेगु बैठक फागुन ६ गते च्वनिइगु जुगु दु

थौं न्हुगु बानेश्वरय् एमसीसीया विरोधय् प्रदर्शन जुगुलि प्रहरीपि नाप झडप जुगु दु। बानेश्वरय् तनावया स्थिति वंगु खः।

झडपय् वाईसीएल संयोजक सुमन देवकोटा घाःपा जुगु दु। प्रहरीं प्रदर्शनकारीपिन्त नियन्त्रणय् कया भ्यानय् तःगु खः। प्रदर्शनकारीपिन्त पनेगु झ्वलय् प्रहरीं लःया फोहोरातक प्रयोग याउगु खः।

प्रदर्शनकारी संसद भवनया १ नम्बर गेट (सिभिल अस्पतालपाखेया गेट) तक थ्यंगु खः। ती प्रदर्शनकारीपिन्त प्रहरीं हटे याउगु खः।

माओवादी केन्द्र, नेकपा एकीकृत समाजवादी, नेत्रविक्रम चन्द (विप्लव) नेतृत्वया नेकपा, मोहन वैद्य नेतृत्वया नेकपा क्रान्तिकारी माओवादी लगायत दलया कार्यकर्तापि सुथनिसे बानेश्वरय् भेला जुया एमसीसीया विरोधय् प्रदर्शन याउगु खः।

राष्ट्रिय प्रजातन्त्र पार्टी (राप्रपा) या समूह न एमसीसीया विरोधय् कुहावंगु खः। विरोध प्रदर्शनया कारण माइतीघर–तीनकुने सतकय् यातायात सेवा प्रभावित जुगु खः।

नेकपा एमालेया नेता भीम रावलं अमेरिकी सहयोग परियोजना एमसीसीबारे प्रतिनिधिसभाय् छलफल यायेमाः धका धाउगु दु।

थौं बुधबाः प्रतिनिधिसभाया बैठकलिपा पत्रकारपि नाप खँ ल्ह्यायेगु झ्वलय् रावलं एमसीसी नेपालया सार्वभौमसत्ता व स्वाधीनतानाप स्वागू महत्वूपूर्ण विषय जुगुलि संसदय् छलफल यायेमाः धका धाउगु दु।

नेता रावलं गनं संसद अवरोध दथुइ एमसीसी पारित यायेगु षड्यन्त्र जक मखुला धका थःम्हेसिया न्हापा हे न्ह्यसः तयाउगु खः।

वयकलं संसद अवरोध दथुइ हे सरकारं हःगु गुलिं प्रस्ताव यायेगु व महत्वपूर्ण विषय छलफल मयासे पारित यायेगु षड्यन्त्र जुगु दु धका धयादीगु दु।

एमसीसीया विरोधय् विप्लव नेतृत्वं नेपाल कम्युुनिष्ट पार्टी, मोहन वैद्य नेतृत्वया नेकपा (क्रान्तिकारी माओवादी) लगायतपिन्स आह्वान याउगु बन्दया स्वनिगलय् कम खनेदुगु दु।

सवारी साधन सुथय्निसे चले जुयाच्वंगु दु सा बजारय् पसः न चाउगु दु। ट्राफिक प्रहरी महाशाखां स्वनिगलय् दुहावइगु व पिहावनिइगु सवारी साधन धासा म्हिगः स्वया भचा कम जुगु धका धाउगु दु।

राष्ट्र उत्थान लघुवित्त वित्तीय संस्थाया साधारण सेयर (आईपीओ) थौं ४ फागुननिसे खुला जुगु दु।

कम्पनीं प्रतिकित्ता १०० रुपैयाँ अङ्कित मूल्यया ८ करोड ५० लाख रुपैयाँ बराबरया ८ लाख ५० हजार कित्ता प्रारम्भिक सार्वजनिक निष्कासन (आईपीओ) या बिक्री खुला याउगु दु।

कम्पनीं निष्कासन याउगु साधारण सेयरया कुल निष्कासनया ५ प्रतिशत अर्थात् ४२ हजार ५०० कित्ता सामूहिक लगानी कोषयात बाँडफाँट याउगु दु सा जारी पुँजी २६ करोडया ०.२ प्रतिशत अर्थात् १३ हजार कित्ता सेयर कर्मचारीपिनिगु लागि सुरक्षित याना बाँकी दुगु ७ लाख ९५ हजार ५०० कित्ता सेयर खरिदया लागि सर्वसाधारणं थौं फागुन ४ गतेनिसे आवेदन बिइ दइ धका कम्पनीं जारी याउगु विज्ञप्तिइ उल्लेख याउगु दु।

सर्वसाधारणपिन्स फागुन ८ गतेतक न्यूनतम १० कित्तानिसे अधिकतम १ हजार कित्तातकया लागि आवेदन बिइ फइ।