ताप्लेजुङया नांजागु तीर्थस्थल पाथीभराया दर्शन थौंनिसे खुला याइगु जुगु दु।

कोरोना भाइरस महामारीया कारण वंगु न्यालालिपा पाथीभरा द्यःया दर्शन खुला यउगु दु। आः कोभिड–१९ या प्रभाव म्हो जुयावंगुलि व पाथीभरा दर्शनया ई न जुगुलि थौंनिसे खुला यायेगु निर्णय यानागु दु धका पाथीभरा क्षेत्र विकास समितिं धाउगु दु।

समितिं जारी याउगु विज्ञप्ति कथं स्वास्थ्य सुरक्षाया मापदण्ड पालना यासे भक्तजनया लागि दर्शन, पूजा यायेगु, ध्यान व प्रार्थना यायेत खुला यानागु धका धाउगु दु।

कोभिडया जोखिम आः न दुगुलि पाथीभरा दर्शन यायेत वइपि तीर्थयात्रीपिन्त सरकारं लागू याउगु स्वास्थ्य सुरक्षाया मापदण्डयात अनिवार्य पालना यायेत समितिं इनाप याउगु दु।

कन्या अथे धइगु आश्विन सङ्क्रान्तिया न्हापागु दिं थौं कालिगडपिन्स विश्वकर्माया पूजा आराधना याना विश्वकर्मा दिवस हनेगु याइ।

थीथी कलकारखानाय् विश्वकर्मा भगवानया फिइ मूर्ति वा तस्वीरय् विधिपूर्वक पूजा आराधना याना दिवस हनेगु याइ।

वास्तु शास्त्र सफूया च्वमि नाप अध्येताया लुमन्ति थौंया दिं वास्तुविदपिन्स वास्तु दिवसया  कथं न हनेगु याइ।

इन्टरनेट सेवा प्रदायक कम्पनीपिन्स इन्टरनेट सेवाया शुल्क ३ सय रुपैयाँ थकायेगु निर्णय याउगु दु।

नेपाल टेकिलम व नेपाल विद्युत प्राधिकरणं पोलसहित थःपिनिगु पूर्वाधारया भाः थकाउगुलि करिब छगु दर्जन कम्पनीया शुल्क थकायेगु निर्णय याउगु खः। इन्टरनेट सेवा प्रदायकपिन्स संस्था (आईस्पान)या अध्यक्ष सुधीर पराजुलीया कथं थुगु निर्णयपाखे करिब ९२ निसे ९३ प्रतिशत तार सहितया इन्टरनेट सेवा कयाच्वपि ग्राहकपिन्स अप्वो पुलेमाःगु दु।

‘शहरी क्षेत्रय् प्रतिप्याकेज १५० रुपैयाँ व ग्रामीण क्षेत्रय् ३०० रुपैयाँ थकायेगु कम्पनीपिन्स नेपाल दूरसञ्चार प्राधिकरणया प्रस्ताव पेश याउगु खः,’ पराजुली धाउगु दु,’सरकारी निकायं पोलया भाः थहाउगुलि उकिया मार उपभोक्तापिन्त लागु दु।’ पराजुलीया कथं दूरसञ्चार प्राधिकरणं इन्टरनेटया अनुमति बिउवं शुल्क थहावनिइ।

लिपागु इलय् नेपाल विद्युत प्राधिकरण व नेपाल टेलिकमनाप इन्टरनेट सेवा प्रदाकयया पोल भाडाबारेय् विवाद तच्वया च्वंगु खः। थःगु पोलपाखे इन्टरनेट सेवा कयाच्वंपि कम्पनीनाप प्राधिकरण व टेलिकमं भाडा कायेत ताकेता यानाच्वंगु खः। थःगु पोलय् तार व स्विचबक्स झुण्डे यानातःपि इन्टरनेट कम्पनीया भाडा पुलेत ढिला यागुलि प्राधिकरणं असोज १५ गत तक भाडा मपूसा तार चायेगु शुरु यायेगु चेतावनी बिया वयाच्वंगु खः।

शेयर बजाः थौं न कुहावंगु दु। बिहीबाः बजाः २८१२.३० बिन्दुइ कुहावंगु दु। वंगु वाःय् जक बजाः ७६.६५ प्रतिशतं कुहावंगु खः।

भदौ मसान्त तक बैंकपिन्स व्याजदर सार्वजनिक याउगु दु। बैंकया व्याजदर अप्वोया लगानीकर्ता निरास जूगु खनेदु। बिहीबाः कुल २२९ कम्पनीया १ लाख १३ हजार ८०७ गु कारोबारपाखे १ करोड ६४ लाख ६८ हजार ५ सय ८ कित्ता शेयर किनबेच जुगु खः।

बिहीबाः कारोबार रकम धासा थहावंगु दु। थौं कुल ९ अर्ब ३ करोड ३९ लाख ६ सय २३ रुपैयाँ बराबरया कारोबार जुगु खः। बिहीबाः दक्को उपसमूह कुहावंगु खः। दकलय् अप्वो वित्त, हाइड्रोपावर, विकास बैंक, होटेल नाप पर्यटन उपसमूहया लगानीकर्तापिन्स गुमे याउगु दु।

बिहीबाः मनकामना स्मार्ट लघुवित्तया शेयरमूल्य दकहेलय अप्वो १० प्रतिशतं थहावंगु खः। दकलय् अप्वो गुमे याउगु कम्पनीया कर्पोरेट डेभलपमेन्ट बैंक, श्री इन्भेष्टमेन्ट फाइनान्स, आईसीएफसी फाइनान्स, लिवर्टी इनर्जी लगायत कम्पनीया लगानीकर्तापि खः।

बिहीबाः अरुण भ्याली हाइड्रोपावर कम्पनीया शेयर दकलय् किनबेच जुगु खः।

जिल्ला प्रशासन कार्यालय काठमाडौं सांकेतिक रुपं नखः हनेत इनाप याउगु दु।

काठमाडौंया प्रमुख जिल्ला अधिकारी गोविन्द प्रसाद रिजालं बिहीबाः छगु आदेश जारी यासे स्वास्थ्य प्रोटोकलया पूर्ण पालना याना न्यूनतम सहभागिताय् सांकेतिक रुप जक नखः हनेत इनाप याउगु दु। कोभिड–१९ या संक्रमण जोखिम कायम हे दुगुलि अनावश्यक रुपं मनूत छेँ न पिहा मवनेत, जम्मा मजुइत, हुलमुल मयायेत, सभा जुलुस मयायेत, जात्रा महोत्सव, भ्वँय् आदि मयायेत प्रशासनं धाउगु दु।

प्रशासनं आदेश याउगु कथं स्थानीय ढुवानी सुथय् ९ बजेनिसे ११ बजे तक बहनि ४ निसे ७ बजे तक याये दइमखु। अथहे सार्वजनिक व निजी निर्माण कार्यया लागि निर्माण सामग्री ढुवानी चान्ह्यः ९ बजेनिसे ५ बजेतक सञ्चालन याये दइ। आदेश कथं, ‘शैक्षिक संस्थापिन्स भौतिक उपस्थितिइ पठन पाठन यायेगु÷याके मदइगु।

यायेमाःसा स्थानीय तहपिन्स विद्यालय सञ्चालन यायेतग पूर्वथःथःगु पालिकास्तरय् कोभिड–१९ संक्रमणया अवस्था विश्लेषण यायेगु, विद्यालयय् कार्यरत शिक्षक, कर्मचारी, सवारी चालक नाप सहचालक, क्यान्टिन सञ्चालक व सञ्चालक समितिया पदाधिकारीपिन्स अनिवार्य रुप खोप कायेमाः।’