नेकपा माओवादी केन्द्रया अध्यक्ष पुष्पकमल दाहाल प्रचण्डं याकचा वनिम्ह अहंकार मयायेत नेपाली कांग्रेसया नेतापिन्त इनाप याउगु दु।

नेपाली कांग्रेसया १४ क्वःगु महाधिवेशनया उलेज्या समारोहयात सम्बोधन यासे शान्ति सम्झौताय ल्यदुगु ज्या यायेत जक मखु, ह्यूपायात संस्थागत यायेत कांग्रेस व माओवादी केन्द्र दुथुइ एकता यायेगु जरुरी दु धका धाउगु दु।

‘गुवलय् गुवलय् जि न्यना, पासापि याकचा वनेगु खँ ल्ह्याइ,’ प्रचण्डं न्ह्यने धाउगु दु, ‘झी याकचा वने बलय् अहंकार सूना न मयाये। झी मिले जुया वने।’ राजनीतिकइ प्रतिस्पर्धा यासा उगु प्रतिस्पर्धा दुने न एकता मालेमाः। ‘आः झीसं सफलता धयाच्वनागु खः, व एकता, गठबन्धनं प्राप्त जुगु सफलता खः’ प्रचण्डं धाउगु दु।

२०४६ सालया जनआन्दोलन, बृहत शान्ति सम्झौता व ०६२÷६३ या सफलता एकताया परिणाम खः धका धासे  वयकल धाउगु दु याकचा वनिम्ह अहंकार याना कुहावनिइ।

नेकपा (एकीकृत समाजवादी)या अध्यक्ष माधवकुमार नेपालं नेपालय् राजतन्त्रया छु न सम्भावना मदु धका धाउगु दु।

नेपाली कांग्रेसया १४ क्वःगु महाधिवेशनय् वयकलं राजतन्त्र लित हयेगु दुस्साहस मयायेत चेतावनी बिउगु दु। ज्याझ्वलय् राप्रपाया अध्यक्ष राजेन्द्र लिड्देनं राष्ट्रप्रमुखया रुपय् राजसंस्था वयेमाःगु धका धाउगु खः। लिङ्देनयातलक्षित यासे नेता नेपालं लिसः बिइगु दु, “नेपाःया राजनीतिइ हाकूगु सुपाँय हयेगु स्वंगु धका धाःगु दु। सावधान !

प्रतिगामी तत्त्वयात धाये चाहेजु, छ्य धस्वाकेगु  दुस्साहस मयायेत धाउगु खः। खुसिइलः न्ह्यावने धुकल। हाकन लिउने वनिइ मखु। नेपालय् राजतन्त्रया भविष्य व सम्भावना मदु । सुना न दुस्साहस मयाये।” वयकलं जुजुयात न पार्टी चायकेत धाउगु दु। “बालाइगु छु खँ धासा जुगु छगु न्हुगु पार्टी चायकूसा ज्यू । मखुसा व्यापार याना च्वसा बालाइ,” वयकलं धाउगु दु। लोकतन्त्र, गणतन्त्रया संरक्षण यायेफु।

लोकतान्त्रिक समाजवादी पार्टीया अध्यक्ष महन्थ ठाकुरं न्यायालयया विवाद मेपिन्स हस्तक्षेप याये मिले मजु धका धाउगु दु।

नेपाली कांग्रेसया १४ क्वःगु महाधिवेशनय् न्ववायेगु झ्वलय् वयकलं अदालतं थःगु विवाद थम्हेसिया हे समाधान यायेमाः धका धयादीगु खः। “बेन्च व बारय् विवादं याना जनतां कायेमाःगु सेवाय् असर लागु दु।

उकियाना छिनोफानो यायेगु खः कि थः हे विवादय् फसे जुगु दु। सर्वोच्चं थःम्हेसिया हे छिानोफानो याना वनेमाः।

राष्ट्रिय प्रजातन्त्र पार्टी (राप्रपा)या अध्यक्ष राजेन्द्र लिङ्देनं राष्ट्र प्रमुखया रूपय् राज संस्था हयेमाः धका धाउगु दु।

कांग्रेसया १४ क्वःगु महाधिवेशनय् भिंतुना बिइगु झ्वलय् वयकल पूर्ण समानुपातिक संसदीय प्रणालीइ वनेमाः धका प्रस्ताव तःगु खः। “आ देशय् राष्ट्रप्रमुखया रूपय् राजसंस्था, जनतां तपिक हे निर्वाचित याइम्ह प्रधानमन्त्री, पूर्ण समानुपातिक संसद्, सांसदपि मन्त्री जुइ मदइगु न्हुग व्यवस्था लागू याना वनेमाः,“ धका वयकलं धयादीगु खः।

वयकलं आःतक सरकार सरकार थे मच्वंगुलि उकिया सुधार याना वनेमाः। “सरकार सरकार थे मच्वः। संसद् संसद् थे मच्व । अदालत अदालत थे मच्व। थुकियात  थिक गये याना यायेगु? थौं नेतापिनिगु जनता विश्वास मयागु अवस्था दु,” वयकलं धयादीगु खः।

नेपाली कांग्रेसया १४ क्वःगु महाधिवेशनय् स्वम्ह कम्युनिस्ट पार्टीया शीर्ष नेता छगु हे मञ्चय् खनेदुगु दु।

एमाले अध्यक्ष केपी शर्मा ओली, माओवादी केन्द्रया अध्यक्ष पुष्पकमल दाहाल प्रचण्ड व एकीकृत समाजवादीया अध्यक्ष माधवकुमार नेपाल कांग्रेसया महाधिवेशनय् भिंतुना बिइगु झ्वलय् थौं भृकुटीमण्डपय् थ्यःगु खः।

नेकपा भङ्ग जुइ धुका एमाले, माओवादी केन्द्र व नेकपा (एकीकृत समाजवादी) स्वंगु दल बने जुगु खः। माओवादी केन्द्र व एकीकृत समाजवादी गठबन्धनय् आबद्ध जुगु खः। एमाले प्रमुख प्रतिपक्ष दलया भूमिकाय् दु।

महाधिवेशनय् भिंतुना बिइत एमाले अध्यक्ष ओली, माओवादी केन्द्रया अध्यक्ष प्रचण्ड, नेकपा एकीकृत समाजवादीया अध्यक्ष नेपालनाप जनता समाजवादी पार्टीया अध्यक्ष उपेन्द्र यादव, लोकतान्त्रिक समाजवादी पार्टीया अध्यक्ष महन्थ ठाकुर, राप्रपा अध्यक्ष राजेन्द्र लिङ्देन, जनमोर्चाया उपाध्यक्ष दुर्गा पौडेल, मालेया महासचिव सिपी मैनालीपि अन थ्यकूगु खः।