आदिवासी जनजाति पत्रकार महासंघ (फोनिज) नं झीम्ह सञ्चारकःमि व निगु मातृभाषाया पत्रिकायात आदिवासी जनजाति राष्ट्रिय पत्रकारिता पुरस्कार (फोनिज अवार्ड) लल्हागु दु।

फोनिजया २२ क्वःगु स्थापना दिवसया लसताय् येँ जुगु छगु ज्याझ्वलय राष्ट्रिय सूचना आयोगया प्रमुख आयुक्त महेन्द्रमान गुरुङं अवार्ड लल्हागु खः। कुमार यात्रु, सन्त गाहामगर, भवानी बराल, रचना श्रेष्ठ, राजकुमार दिक्पाल, टेकराज थामी, आङदावा शेर्पा, तिलक पुन, इन्द्रजित मुखिया व मौसम रोक्कापिन्त उगु अवार्ड लल्हागु खः।

फोनिजं थुगु दँनिसे शुरु यागु मातृभाषा पत्रकारिता पुरस्कार तान्छोक्पा मासिक (लिम्बु) व पहुरा दैनिक –थारु) यात लल्हागु दु।

स्वनिगलय् २४ घण्टाया दुने थप १ हजार १३३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं येँ जक ८११ म्हेसित कोरोना सक्रमण पुष्टि जुगु दु। अथेहे ख्वपय् १३० म्ह व यलय् १९२ म्हेसित कोरोना संक्रमण खनेदुगु धका धागु दु।

आः येँ ८ हजार ११० म्ह, ख्वपय् १ हजार ३२९ म्ह व यलय् १ हजार ८८७ म्ह संक्रिय संक्रमितपि दु धका मन्त्रालयं धागु दु। अथेहे येँ आःतक २ हजार १ म्ह, ख्वपय् ३९८ म्ह व यलय् ६१८ म्ह सी धुकुगु दु। गुंलाथ्व चतुर्थी ११४१,साउन २८ बिहीवाःस्वनिगलय् थप ११३३ म्ह कोरोना संक्रमण पुष्टि स्वनिगलय् २४ घण्टाया दुने थप १ हजार १३३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं येँ जक ८११ म्हेसित कोरोना सक्रमण पुष्टि जुगु दु। अथेहे ख्वपय् १३० म्ह व यलय् १९२ म्हेसित कोरोना संक्रमण खनेदुगु धका धागु दु। आः येँ ८ हजार ११० म्ह, ख्वपय् १ हजार ३२९ म्ह व यलय् १ हजार ८८७ म्ह संक्रिय संक्रमितपि दु धका मन्त्रालयं धागु दु।

अथेहे येँ आःतक २ हजार १ म्ह, ख्वपय् ३९८ म्ह व यलय् ६१८ म्ह सी धुकुगु दु।

वंगु २४ घण्टाया दुने देयन्यक ३,२६० म्हेसित कोरोना भाइरस संक्रमण पुष्टि जूगु दु।

१० हजार ८ सय ६ म्हेसिगु पीसीआर परीक्षण यागुलि २ हजार ४७३ म्ह व ४ हजार ६५६ एन्टिजेन परीक्षण यागुलि ७ सय ८७ याना ३ हजार ३,२६० म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमणं ३२ म्ह सीगु दु सा २ हजार २९४ म्ह कोरोनामुक्त जुगु दु। थौं नाप थपेजुलि आःतक नेपालय् कोरोना संक्रमित जूपि ७ लाख २५ हजार ७६९ म्ह थ्यंगु दु।

अथेहे सीपि १० हजार २१२ म्ह थ्यंगु दु सा ६ लाख ७७ हजार ३७७ म्ह संक्रमणमुक्त जुइ धुकुगु दु।

पूर्वअर्थमन्त्री विष्णुप्रसाद पौडेलं अर्थमन्त्री जनार्दन शर्मां सार्वजनिक यागु श्वेतपत्रय् कोरोना महामारीया प्रतिकुल अवस्थाय् विवरण उल्लेख यासे न्हापायागु सरकारप्रति ह्यसः तगुलि पूर्वाग्रह जुगु धका टिप्पणी यागु दु।

बिहीबाः प्रतिनिधिसभाया दुने श्वेतपत्रय् टिप्पणी यासे न्हायागु सरकारया अर्थमन्त्री पौडेलं कोरोना महामारीया कारण आर्थिक गतिविधि व विकास खर्च जुइ मफुगु प्रतिकुल अवस्थायात विगतया अनुकुल अवस्थाय् नाप तुलना यागु धका धागु दु।

‘कोभिड महामारीया कारण दकलय् अप्वो प्रतिकुल अवस्थायात अनुकुल अवस्थानाप तुलना यागु दु, दथुइ यागु ई बारेय् सम्कं च्वंगु दु’ धका वयकलं धागु दु। वयकल धागु दु आर्थिक वर्ष २०७६–७७ या यलय् विश्व अर्थतन्त्र साढे ३ प्रतिशतं ऋणात्मक जुगु इलय् नेपाली अर्थतन्त्र २ प्रतिशत जक ऋणात्मक जुगु लसताया खँ खः।

‘कोभिड इलय् वृद्धिदरया ग्वाहालि आर्थिक वर्ष ०७५–७६ य् जुगु ७ प्रतिशत थहा वंगु ल्वमकूगु दु’ पूर्वअर्थमन्त्री पौडेलं धागु दु।

मन्त्रिपरिषदयात पूर्णता मबिगु विषय सत्तारुढ नेपाली कांग्रेसया हे सांसदपिन्स न्ह्यसः तःगु दु। थौं बिहीबाः प्रतिनिधिसभाया विशेष ई कया न्ववायेगु झ्वलय् कांग्रेस सांसद गगन थापां मन्त्रिपरिषद विस्तार छाय् मजुगु धका न्ह्यसः तःगु खः।

‘मन्त्रिपरिषदयात पूर्णता छाय् मबियागु ? दुने छु जुयाच्वन थ्व जनता सिइमखु’ वयकलं धागु दु। न्हुगु सरकारं ज्यापाखे जनतापिन्त लिसः बिगु मागु धासे साझा न्यूनतम कार्यक्रम कथं ज्यान्हया वनेत सरकारयात इनाप यागु खः।

सांसद थापां प्रमुख विपक्षी दल नेकपा एमालेया अध्यक्ष केपी ओलीं सशस्त्र युद्धय् घाइते जूपिन्त उपचार थःगु पार्टी कार्यालय वयेत इनाप यागुलि आपत्ति यागु दु।