नोवेल कोरोना भाइरस (कोभिड–१९)या कारण स्थगित जूगु कक्षा १२ या परीक्षा थौंनिसे सुरु जुइगु दु।

राष्ट्रिय परीक्षा बोर्डं परीक्षा थौंनिसे सञ्चालन यायेगु निर्णय याउगु दु। परीक्षा असोज ८ गते तक सञ्चालन जुइगु धका बोर्डं सूचं बिया जानकारी बिउगु दु। परीक्षा ई सुथय् ११ बजे निसे न्हिनय् २ बजे तक तोके याउगु दु।

थ्व स्वया न्ह्यः वंगु साउन ३१ निसे भदौ ९ गते तक परीक्षा तालिका सार्वजनिक याउगु खः। तर कोरोना भाइरस संक्रमण अप्वोया वंगुलि हाकन स्थगित जुगु खः।

रष्ट्रिय परीक्षा बोर्ड हाकन विद्यार्थीपिन्त भौतिक रुप हे उपस्थित याना थौंनिसे परीक्षा सञ्चालन यायेगु निर्णय याउगु खः। परीक्षा केन्द्र सरकारं तोके याउगु स्वास्थ्य मापदण्ड पूरा यायेगु बोर्ड इनाप याउगु दु।

राष्ट्रिय ट्रमा सेन्टरया निर्देशकया जिम्मेवारी डा. प्रमोद जोशीयात बिउगु दु।

स्वास्थ्य तथा जनसंख्या राज्यमन्त्री उमेश श्रेष्ठं थौं मंगलबाः राज्यमन्त्री स्तरीय निर्णयपाखे जोशीयात ट्रमा सेन्टरय् छ्वंगु खः।

अथेहे, राष्ट्रिय स्वास्थ्य तथा सूचना केन्द्रया निर्देशकया जिम्मेवारी सुनील शर्मायात बिउगु दु धका मन्त्रालयया स्रोतं धाउगु दु।

वंगु २४ घण्टाया दुने देयन्यक १,५६२ म्हेसित कोरोना भाइरस संक्रमण पुष्टि जूगु दु।

१० हजार २६६ म्हेसित पीसीआर परीक्षण याउगुलि १ हजार १८० म्ह व ४ हजार १७७ म्हेसित एन्टिजेन परीक्षण याउगुलि ३ सय ८२ याना १ हजार ५६२ म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे वंगु २४ घण्टाया दुने कोरोना संक्रमणं १९ म्ह सीगु दु सा १ हजार ५८९ म्ह कोरोनामुक्त जुगु दु।

मंगलबाः थपे जूगुपि नाप नेपालय् कोरोना संक्रमित जूपिनिगु ल्याः ७ लाख ७९ हजार ४९२ म्ह थ्यगु दु। अथेहे १० हजार ९८४ म्ह सी धुकुगु द सा ७ लाख ४२ हजार ३०६ म्ह संक्रमणमुक्त जुइ धुकुगु दु।

शेयर बजाः थौं घटे जुगु दु। बजाः खुले जुइगु छु ई लिपा हे २० अङ्कं थहावंगु नेप्से बन्द जुगु इलय् तक १८ दशमलव ५४ अङ्कं घटे जुया २ हजार ९२९ दशमलव २८ विन्दुइ कुहावंगु खः।

थौं बैंक, विकास बैंक, जलविद्युत्, फाइनान्स, बीमा, व्यापार नाप दक्को समूहया शेयर घटे जुगु दु। राष्ट्रिय बीमा कम्पनीया शेयर दकलय् अप्वो साढे ५ प्रतिशतं घटे जूगु दु। समग्र बजार घटे जूसा थौं मनकामना स्मार्ट लघुवित्त व सानिमा लाइफ इन्स्योरेन्स कम्पनीया शेयर धासा १० प्रतिशतं थहावंगु दु।

२२२ कम्पनीया १ करोड ६ लाख कित्ता शेयर ५ अर्ब १९ करोड रुपैयाँ कारोबार जूगु दु। थौं दकलय् अप्वो अरुण भ्याली हाइड्रो कम्पनीया २७ करोड रुपैयाँ शेयर किनबेच जुगु दु।