प्रतिनिधि सभाया बैठक थौं च्वनेत्यंगु दु। उगु बैठक न्हिनसिया १ बजे सङ्घीय संसद भवन न्हुगु बानेश्वरय् च्वनेत्यंगुु दु।

बैठकया लागि सम्भावित कार्यसूची तय जुइ धुकुगु दु। संसद सचिवालयया कथं थौंया बैठकय् अर्थमन्त्री जनार्दन शर्मा न ‘विनियोजन विधेयक, २०७८ य् विचार याः’ धका प्रस्ताव प्रस्तुत याइगु कार्यसूची दु।

एमाले न अवरोध यागुलि विधेयक पास यायेगु सत्तारुढ दलया तयारी दु। एमालेया अवरोध जूसा सरकारं प्रतिस्थापन विधेयकपाखे वंगु शुक्रवाः न्हुगु बजेट हःगु खः।

स्वास्थ्य तथा जनसंख्या मन्त्रालयया कथं थौं दकलय् अप्वो येँ ३०१म्हेसित कोरोना सक्रमण जूगु दु।

अथेहे, झापाय् १२०, मोरङय् ११४, कास्कीइ ९६, सुनसरीइ ८२, चितवनय् ८१, यलय् ६८, ख्वपय् ५७ म्हेसित कोरोना संक्रमण पुष्टि जूगु दु।

अथेतु रुपन्देहीइ ४१, नुवाकोटय् २२, नवलपरासी पुर्वय् १९, स्याङजाय् १५ व मकवानपुरय् १० म्हेसित कोरोना संक्रमण पुष्टि जूगु दु धका मन्त्रालयं धाउगु दु।

वंगु २४ घण्टाया दुने देयन्यक १४८६ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं १२ हजार ५३२ म्हेसिगु पीसीआर परीक्षणय् ११४९ म्ह व ४००७ म्हेसित एन्टिजेन परीक्षण याउगुलि ३७ म्ह याना १४८६ म्हेसित संक्रमण पुष्टि जूगु दु।

अथेहे वंगु २४ घण्टाया दुने कोरोना संक्रमणमुक्त जूपि १२६० म्ह दु सा संक्रमणया कारण १६ म्ह सीगु दु।

शेयर बजाः परिसूचक नेप्सेय् थौं सोमवाः न्हिच्छियकं थहा कुहावंगु दु।

सुथय् ११ः३० बजे नेप्से २ हजार ९८४ विन्दुइ थ्यगु खः। लिपा २ः३० बजेनिसे कुहावया नेप्से बन्द जुगु इलय् तक हाकन भचा थहावंगु खः।

नेप्से थौं शून्य दशमलव २७ अङ्कं थहावना २ हजार ९४७ दशमलव ६९ विन्दुइ थ्यंगु खः। बैंक, विकास बैंक, फाइनान्स, होटल, व्यापार, जीवन बीमा व निर्जीवन बीमा समूहया शेयर सामान्य थहावंगु दु।

जलविद्युत्, उत्पादन, मेमेगु, माइक्रोफाइनान्स व लगानी समूहया शेयर घटे जुगु दु। अजोड इन्सोरेन्स, मनकामना स्मार्ट लघुवित्त व सानीमा लाइफ इन्सोरेन्स कम्पनीको शेयर १० प्रतिशतं थहावंगु दु।

कालिका पावर कम्पनीया शेयर दकलय् अप्वो साढे ६ प्रतिशतं घटे जुगु दु। थौं २२६ कम्पनीया १ करोड ५६ लाख ८१ हजार कित्ता शेयर ९ अर्ब २९ करोड रुपैयाँ बराबर कारोबार जूगु खः।

दकलय् अप्वो अरुण भ्याली हाइड्रोपावर कम्पनीया ६१ करोड ९३ लाख रुपैयाँया शेयर किनबेच जूगु दु।

लुँ वहःया भाः थौं भचा थहावंगु दु।

नेपाल सुन चाँदी व्यवसायी महासङ्घया कथं थौं लुँ तोलां ३ सय रुपैयाँ थहावंगु दु।

स्वसः थहावना तोलाया ९० हजार ६ सय रुपैयाँ थ्यंगु दु। अथेहे, वहः तोलाया न न्यातका थहावंगु दु।

थौं वहः न्यातका थहावना १२ रुपैया कारोबार जूगु दु धका महासङ्घं धाउगु दु।