प्रमुख प्रतिपक्षी नेकपा एमालें सभामुख अग्निप्रसाद सापकोटा न आह्वान याउगु सर्वदलीय बैठक ब्बति मकाइगु जुगु दु।

एमाले केन्द्रीय कार्यालयया सचिव शेरबहादुर तामाङं बैठकय् एमाले सहभागिता जुइ मखु धका जानकारी बिउगु दु।

“थौं सःतुगु उगु बैठकय् जिमिगु पार्टी सहभागी जुइ मखु,” वयधलं धयादीउगु । सभामुखं थौंसंसदया प्रतिनिधित्व याइगु दलयात सःतूगु खः।

एमाले न लगातार संसद् बैठकय् बिरोध याना वयाच्वंगुलि निकासया लागि सभामुखं सर्वदलीय बैठक सःतूगु खः।

बागमती प्रदेश प्रहरी कार्यालय हेटौंडाय् २०७८ तक बस्तुस्थिति प्रतिवेदन प्रस्तुत याउगु दु।

बागमती प्रदेश प्रहरी प्रमुख प्रहरी नायव महानिरीक्षक डिआइजी प्रकाशजगं कार्कीया नेतृत्वय् बागमती प्रदेशया एसपी नवराज अधिकारी व मेम्ह एसपी ईश्वर थापां बागमती प्रदेशया आन्तरिक मामिला तथा कानून मन्त्री डा. अजयक्रान्ति शाक्ययात उगु प्रतिवेदन प्रस्तुत याउगु खः।

प्रतिवेदन प्रस्तुत याये धुका सम्वोधन यासे मन्त्री शाक्यं भौतिक संरचनां सुसज्जित जुइवं जक अपराध म्हो जुइ मखु धका धयादीसे मनू तयेगु अपराध मानसिकता, व्यवहार व वातावरण नाप निर्भर जुइ धका धयादीगु दु । ‘मानसिक रुपय् हे चेतनशील, विवेकशील, करुणा व मैत्री भावनां जालकि जक बालापि नागरिक दयकेगु निति लगे जुइमाः,’ मन्त्री शाक्यं धयादीगु दु, ‘अथे जूसा जक सुखी नेपालीया अभियान ताः लाइ धका धाउगु दु।’ मन्त्री शाक्यं आन्तरिक ममिला मन्त्रालयं वइगु दिं बजेट निर्माण याये वलय् प्रदेश प्रहरीनाप न सम्वन्वय यायेगु प्रतिवद्धता व्यक्त यासे अपराध न्यूनिकरण यायेत व आदर्श समाज निर्माण यायेगु सन्र्दभय् प्रदेश प्रहरीयात माःगु ग्वाहाल यायेगु जुइ धका धयादीगु दु।

सभामुख अग्निप्रसाद सापकोटाया आह््वानय् थौं संसदय् प्रतिनिधित्व याइपिनिगु दलया मंकाः बैठक च्वनिइगु जुगु दु।

उगु बैठक न्हिनय् २ः३० बजे संघीय संसद भवनया ल्होत्से हलय् सःतूगु खः। उगु बैठक संसद जारी गतिरोध अन्त्य लगायतया महत्वपूर्ण समसामयिक विषय केन्द्रित जुइ धका सभामुखया प्रेस विज्ञ श्रीधर न्यौपाने न जानकारी बिउगु दु।

छलफलय् प्रधानमन्त्री नाप कांग्रेस संसदीय दलया नेता शेरबहादुर देउवा, विपक्षी दलया नेता केपी शर्मा ओली, माओवादी केन्द्रया सभामुख अग्निप्रसाद सापकोटाया आह््वानय् थौं संसदय् प्रतिनिधित्व याइगु दलया मंकाः बैठक च्वनेत्यंगु खः।

उगु छलफलय् प्रधानमन्त्री नाप कांग्रेस संसदीय दलया नेता शेरबहादुर देउवा, विपक्षी दलया नेता केपी शर्मा ओली, माओवादी केन्द्रया संसदीय दलया नेता पुष्पकमल दाहाल ‘प्रचण्ड’, नेकपा एकीकृत समाजवादीया संसदीय दलया नेता माधव कुमार नेपाल, जसपा संसदीय दलया नेता उपेन्द्र यादव व लोसपाया नेता महन्थ ठाकुरपिन्त सःतूगु खः।

समाजसेवी नाप ललितपुर उद्योग वाणिज्य संघया पूर्वअध्यक्ष अजरमान जोशीया मां मन्त।

मदुम्ह रमादेवी जोशी ८३ दँय् थौं आइतबाः सुथय् मदुगु खः। वयकः उच्चरक्त चाप व चिनी ल्वय् जुयाच्वम्ह खः।

मदुम्ह जोशीया पार्थिव शरीरयात थौं न्हिनय् हे पशुपतिया आर्यघाटय् धार्मिक विधिपूर्वक दाहसंस्कार याउगु खः।

वयकःयात पार्थिव शरीरय् चिधीइम्ह काय् अमरेश जोशीं दागबती बियादीगु खः।

वयकःया जहान व अमरमान जोशी, छोेरा अजरमान जोशी व अरुमान जोशीयाना स्वम्ह काय् दी। 

येँ महानगरपालिका प्रमुख विद्यासुन्दर शाक्यं मरुसतः (काष्ठमण्डप)पुनर्निर्माणया ज्या लिपांगु चरणय् थ्यंगु धयादीगु दु।

काष्ठमण्डप परिसरय् हे ‘न्यकू बाजा र गुंला’ सफूया विमोचन यासें मरुसतःया पुनर्निर्माणया ज्या ९५ प्रतिशत ज्या क्वचाःगु धयादिल।

आः मरुसतःया पलिं चीगु ज्या जुयाच्वंगु जानकारी ब्युसें शाक्यं बागमति प्रदेश सांसद राजेश शाक्य व वय्कःया टीमयात सुभाय् नं देछानादिल।

मरुसतः पुनर्निर्माणया ज्या येँ महानगरपालिकाया आर्थिक ग्वाहालिं प्रदेश सांसद राजेश शाक्यया नेतृत्वय् जुयाच्वंगु दु। पुर्खां न्यंकावंगु इतिहास लिपिबद्ध मजूबलय् विदेशी सफूया बः काय्माःगु धासें शाक्यं दुःख प्वंकादिल।

थनया फोटो काय्मज्यू धाःगु हे संस्कृति, सम्पदाको फोटोलिसें कनेमज्यू धाःगु खँत दक्वं विदेशी सफुतिइ ब्वनेमालाच्वंगु धासें वय्कलं असन्तुष्टि प्वंकादिल।

वय्कलं महानगरपालिका दुनेया दक्वं विद्यालयय् १ निसें १२ कक्षातक्कय् स्थानीय पाठ्यक्रम लागू याय्माःगु माग वयाच्वंगु धासें शाक्यं थुखेपाखे महानगर सचेत दुगु धयादिल।

ज्याझ्वलय् बागमति प्रदेश सांसद राजेश शाक्यं मरुसतःया पलिं चीगु ज्या जुयाच्वंगु धासें आः याकनं हे ज्या क्वचाइगु दावी यानादिल।