कुलमान घिसिङं नेपाल विद्युत प्राधिकरणया कार्यकारी निर्देशकयागु नियुक्तिपत्र बुझे यागु दु।

सोमबाः च्वंगु मन्त्रिपरिषद् बैठकं घिसिङयात प्राधिकरण कार्यकारी निर्देशकय् नियुक्त यागु खः। बुधबाः ऊर्जा, जलस्रोत नाप सिँचाइमन्त्री पम्फा भुसालया उपस्थितिइ मन्त्रालयया सचिव देवेन्द्र कार्की न घिसिङयात नियुक्तिपत्र प्रदान यागु खः।

२०७७ भदौय् थःगु प्यदँया कार्यकाल पुरा याना विदा जुम्ह घिसिङ हाकनं प्राधिकरणय् लिहावंगु खः। २०७३ सालय् कार्यकारी निर्देशक नियुक्त जुम्ह घिसिङं थ्व स्वया न्ह्यया कार्यकालय् देशयात लोडसेडिङमुक्त यायेगुलि प्राधिकरणया नेतृत्वदायी भूमिका म्हितूगु खः।

वंगु साउन १९ गते हे ऊर्जा जलस्रोत तथा सिँचाइ मन्त्री पम्फा भुसालं प्राधिकरणया वर्तमान कार्यकारी निर्देशक शाक्ययात पदपाखे राजीनामा बिया ग्वहालि यायेत इनाप यागु खः।

मानुषी लघुवित्त वित्तीय संस्थां जारी याइगु सर्वसाधारणया लागि साधारण सेयर (आईपीओ) य् आवेदन खुला जुगु दु।

संस्था न ३ करोड ९३ लाख ७५ रुपैयाँ बराबरया ३ लाख ९३ हजार ७५० कित्ता सेयर सर्वसाधारणया लागि जारी यायेत्यंगु खः।

उकि मध्ये ०.५ प्रतिशत अथे धइगु ५ हजार ४६९ कित्ता शेयर कर्मचारीपिन्त व ५ प्रतिशत अर्थात १९ हजार ६८८ कित्ता शेयर सामुहिक लगानी कोषया लागि सुरक्षित याना बाँकि दुगु ३ लाख ६८ हजार ५९३ कित्ता शेयर सर्वसाधारणपिन्स आवेदन बिइ फइ धका धागु दु।

लघुवित्तया धितोपत्र निष्काशन व बिक्री प्रबन्धक नेपाल एसबिआई मर्चेण्ट बैंकिङ्ग लिमिटेडं यागु खःसा प्रत्याभुतकर्ता ग्लोवल आईएमई क्यापिटल लिमिटेडयात ल्यंगु खः।

साउन २७ गते निसे ३१ गते तक आवेदन बिइ फइ धका धागु दु।

लुँया भाः थौं तोलां प्यसः कुहावंगु दु।

थौं प्यसः कुहावया तोलां ८८ हजार ८ सय रुपैयाँ कायम जुगु दु। नेपाल सुनचाँदी व्यवसायी महासंघया कथं अन्तर्राष्ट्रिय बजारय् लुँया भाः कुहावंगुलि नेपालय् न कुहावंगु खः धका धागु दु।

थौं महासंघं तेजावी लुँया भाः ८८ हजार ३५० रुपैयाँ कायम यागु दु। अथेहे थौं वहः न झीन्यातका कुहावंगु दु।

वहः तोलां झीन्यातका कुहावया १ हजार १९० रुपैयाँ कारोबार जुगु धका महासंघ धागु दु।

सरकारं हितेन्द्रदेव शाक्ययात उपयुक्त थासय् बिया नेपाल विद्युत प्राधिकरणया कार्यकारी निर्देशकपाखे विदा बिगु दु। कुलमान घिसिङयात प्यदँया लागि कार्याकारी निर्देशक नियुक्त यागु दु।

अथेहे सरकारं शाक्ययात विज्ञताया आधारय् न्हुगु सम्मानजक नियुक्त यायेगु निर्णय यागु दु। शाक्ययात जल तथा ऊर्जा क्षेत्रय्े ‘थिंक ट्यांक’ माने यागु जल तथा ऊर्जा आयोगया सचिवालय प्यदँया लागि नियुक्त यागु दु।

सिंहदरबारय् ऊर्जा, जलस्रोत तथा सिँचाइ मन्त्रालय दकलय् सचिवालयया विशिष्ठ श्रेणीया पद (सचिव) सरहया पद दयका प्राधिकरणया कार्यकारी निर्देशकया पारिश्रमिक व सुविधा दइगु कथं आयोगय् पूर्णकालीन सदस्य नियुक्त यागु खः।

शाक्यया आः मासिक तलब २ लाख २१ हजार रुपैयाँ व कार्यसम्पादन मूल्याङ्कनया आधारय् प्रोत्साहन भत्ता दु। अथेहे ‘लिडरसिप एलाउन्स’ थप २ लाख याना शाक्यं मासिक ४ लाख रुपैयाँ स्वया अप्वो सुविधा दु। उगु सुविधा घटे मजुइगु कथं शाक्ययात आयोगया विज्ञ कथं नियुक्त यायेगु निर्णय यागु धका स्रोतं धागु दु। आयोगय् आः छम्ह सचिव दइगु व्यवस्था दु ।

सरकारं आयोगया गठन आदेश हे संशोधन याना शाक्ययात आयोगय् सचिव सहर हे नियुक्ति यागु खः।

नेपाल विद्युत प्राधिकरणया कार्यकारी निर्देशकय् कुलमान घिसिङ नियुक्त यागु दु।

सोमबाः च्वंगु मन्त्रिपरिषद् बैठकं घिसिङयात प्राधिकरणया कार्यकारी निर्देशकय् नियुक्त यागु खः। २०७७ भदौय् थःगु प्यदँया कार्यकाल पुरा याना विदा जुम्ह घिसिङयात सरकारं हाकनं प्राधिकरणया कार्यकारी निर्देशकय् नियुक्त यागु खः। सोमबाः च्वंगु मन्त्रिपरिषद् बैठकं घिसिङयात कार्यकारी निर्देशक दयकेगु निर्णय यागु दु धका ऊर्जा जलस्रोत तथा सिँचाइ मन्त्रालययात मन्त्रिपरिषदया कार्यालयं थौं मंगलबाः जानकारी बिगु खः।

मन्त्रालयं थौं बुधबाः घिसिङयात नियुक्ति पत्र बिइगु तयारी यागु दु। वंगु साउन १९ गते हे ऊर्जा जलस्रोत तथा सिँचाइ मन्त्री पम्फा भुसालं प्राधिकरणया वर्तमान कार्यकारी निर्देशक शाक्ययात पदं राजीनामा बिया ग्वाहालि यायेत इनाप यागु खः। मन्त्री भुसालं शाक्ययात सरकारं बालागु थासय् जिम्मेवारी बिइगु निर्णय यायेगु धासे शाक्ययात प्राधिकरणपाखे विदा जुइत इनाप यागु खः।

अथेहे घिसिङयात कार्यकारी निर्देशक यायेवं प्राधिकरणया वर्तमान कार्यकारी निर्देशक शाक्ययात जल तथा ऊर्जा आयोगय् विशिष्ठ श्रेणीया पद –सचिव) सरहया पूर्ण कालीन सदस्य पदय् पदस्थापन यायेगु निर्णय यागु खः। उकिया लागि आयोग गठन आदेश तक संशोधन यागु दु।

सरकारं शाक्य आः प्राधिकरणं कया वयाच्वंगु तलब सुविधा घटे मजुइगु कथं जिम्मेवारी बिइगु निर्णय यागु खः । थुकिया लागि अर्थ मन्त्रालय न सहमति बिइ धुकुगु दु।