Display Style:
Column Style
थौंनिसें एस्ट्राजेनिका खोप बिइगु
लहनान्यूज | गुँलाथ्व पारु ११४१, साउन २५ गते सोमबाः
थौंनिसें देय्न्यंकं एस्ट्राजेनिका खोप अभियान न्ह्याःगु दु ।
कोभिशिल्ड खोपया न्हापांगु डोज काःपिं ६५दँ अले वस्वयां च्वयेया दँपुचःयात खोप तयेकीगु जूगु दु । थौं मेमेगु दँपुचःयात न दुथ्याकाः करिव १४गु लख मनूतय्त थ्व खोपया निगूगु डोज तयेकीगु धागु दु ।
स्वास्थ्य सेवा विभाग अन्तर्गतया परिवार कल्याण महाशाखां फुक्क प्रदेश स्वास्थ्य निर्देशनालय, प्रदेश स्वास्थ्य आपूर्ति केन्द्र अले स्वास्थ्य ज्याकूतय्त खोप अभियान न्ह्याकेत धायेधुंकूगु दु ।
भुटान व जापान सरकारं कोभ्याक्स सुविधामार्फत अनुदान कथं ब्यूगु छसिकथं २गू लख ३०द्व व १६गू लख डोज एस्ट्राजेनिका खोप चूलाःगु खः ।
चन्द्रागिरी हिल्स २५ करोड स्वया अप्वो घाटा
शोभा श्रेष्ठ | गुंलाथ्व पारु ११४१,साउन २५ सोमवाः
चन्द्रागिरी हिल्स २५ करोड स्वया अप्वो घाटा कोरोनाया कारण ताःईनिसे बन्द जुयाच्वंगु चन्द्रागिरी हिल्स लिमिटेड घाटाय् वंगु दु।
कम्पनीें सोमबाः सार्वजनिक यागु वित्तीय विवरण कथं वंगु आर्थिक वर्षया अन्त्यतक २५ करोड ३८ लाख ४२ हजार रुपैयाँमा घाटा जुगु दु धका धागु दु। वंगु आर्थिक वर्ष न चन्द्रागिरी हिल्स साढे १० करोड रुपैयाँ स्वया अप्वो घाटामा जुगु खः।
कोरोना भाइरस महामारी नियनत्रणया लागि सरकारं वंगु दँय् न लकडाउन यागु खः। वंगु दँय् ताः ई तक व थुगु दँय् आःतक न चन्द्रागिरी केवलकार व रिसोर्ट खुला याये फुगु मदुनि। ताःई तक बन्द यायेमाःगुलि चन्द्रागिरीया आम्दानी घटे जुया नोक्सान जुगु खः।
वित्तीय विवरण कथं कम्पनीं वंगु आर्थिक वषय् २२ करोड १५ लाख रुपैयाँ सञ्चालन आम्दानी यागु खः।
देय् दबूया जात्रा पर्व सम्बन्धि विज्ञप्ति
गुँलाथ्व पारु ११४१, साउन २५ गते सोमबाः
देय्न्यंकंया नेवाःतय्गु मंका संस्था नेवाः देय् दबुलिं सचेत जुयाः जात्रापर्व हनेत इनाप याःगु दु ।
दबुलिं विज्ञप्ति सार्वजनिक यानाः कोरोना भाइरसया ग्याचिकू अझ न दुगु धासें धार्मिक व सांस्कृतिक ज्यापहः सुरक्षित जुयाः यायेत इनाप याःगु खः । नेवाःतय् दच्छियंकं नखःचखः व जात्रापर्व दइगु जूसां औपचारिक रुपं गथांमुगःनिसें न्ह्याइगु धकाः विज्ञप्तिय उल्लेख यानातःगु दु ।
अथेजूगुलिं साउन २२ गते दबूलिं सामाजिक सञ्जालमार्फत विज्ञप्ति सार्वजनिक यानाः पर्व हनेबलय् सुरक्षित जुयाः हनेत इनाप याःगु खः । झीसं हनावयाःगु गौरवमय नखःचखः, गुंलाधर्म, लाखेजात्रा, गुंपुन्हिलिसे फुक्क कथंया जात्रापर्व हनेगु झ्वलय् सम्भावित कोरोनाया महामारी व संक्रमणयात ध्यानय् तयाः हनेमाः धकाः विज्ञप्तिइ उल्लेख याःगु दु ।
नेपाल सरकार व विश्व स्वास्थ्य संगठनं तकं थ्व ईलय् स्वास्थ्य सुरक्षायात मध्यनजर यानाः जात्रापर्व हनेत धाःकथं दबुलिं उकियात मनन यानाः जात्रापर्व हनेत इनाप याःगु खः ।
थौंनिसें गुँला पर्व न्ह्यात
गुँलाथ्व पारु ११४१, साउन २५ गते सोमबाः
नेपाल संवत् तिथि कथं झिगुगु लायात गुंला धाइगु खः ।
थौंनिसें लच्छि तक सुथं निसें बुद्धया उपासना यानाः गुंलायात तःजिक्क हनेगु चलन दु । विशेषयाना गुंला लच्छि बुद्धयात विस्कं पहलं उपसाना यायेगु चलन दु ।
बौद्धमार्गीपिन्सं बुद्ध बिहार, बही, चुकः, चैत्य निसें थीथी थासय् मौलिक धाः बाजं थाना नेकू व म्वाय्ली पुया परिक्रमा याइगु खः । दैनिक सुथय् धाः बाजँनाप येँच्वंपिं स्वयम्भूइ परिक्रमा याइगु खःसा मेमेगु थासय् न अन्यागु ढंगया गतिविधि जुइ ।
गुंला लच्छि अमेय् बस्तुया कथं ला, खेँय्, प्याजनापया नसाज्वलं बार याना शुद्ध च्वनी । थ्वहे सन्दर्भ लाका येँया असनय् बहिद्यः ब्वइगु निसें थँहिती अवस्थित स्वर्णाक्षर अवलोकन, यलय्् मत्याःजात्रा, विस्कं नेवाः बस्ती पञ्चदाननापया बज्रयानी बुद्धधर्म कथंया पूजाविधि याइ ।
थुगुसिइ न हलिंन्यंकं न्यनाच्वंगु कोरोना भाइरसया ग्याचिकूया हुनिं भीडभाड मयाःसें गुँला पर्व हनेमाःगु खनेदु ।
एचआईडीसीएलया हकप्रद सेयर आवेदन बिइगु ई थपेयात
शोभा श्रेष्ठ | गुंलाथ्व पारु ११४१,साउन २५ सोमवाः
हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड ( एचआईडिसीएल) न हकप्रद सेयरया लागि आवेदन बिइगु ई थप यागु दु।
वंगु ५ साउन निसे थुगु कम्पनीया हकप्रद सेयरयात आवेदन खुला यागु खः। निर्धारित इलय् आईपीओया लागि पर्याप्त आवेदन मवगुलि ई थपे यागु दु। हकप्रद निष्काशनया लागि कम्पनीं जेठ २८ गते सेयर दाखिला खारेजी (बुकक्लोज) यागु खः।
वंगु २५ साउननिसे कम्पनीया हकप्रदया लागि आवेदन बिइ दइगु धासा आः भदौ ८ गते तक आवेदन बिइ दइगु जुगु दु। एचआईडीसीएलया सेयरधनीपिन्स छगु बराबर छगु कित्ताया दरं आवेदन बिइ दइगु खः।
सच्छिया दरं ११ अर्ब रुपैयाँ बराबरया ११ करोड कित्ता खुला जुगु हकप्रदया लागि जेठ २७ गते तक कायम सेयरधनीपिन्स आवेदन बिइ दइ।
