इन्द्रजात्रा व्यवस्थापन समितिया प्रतिनिधिपिन्त ‘इन्द्रजात्रा’ सफू लल्हागु दु। महानगरया मेयर विद्यासुन्दर शाक्यं उगु सफू लल्हागु दु।

डा. अजय क्रान्ति शाक्य व सुरेश किरण मानन्धर व सन्ध्या बज्राचार्यया सहलेखन दुगु उगु सफू सहरी योजना आयोगं प्रकाशन यागु खः। ०७७ भदौय न्हापागु संस्करण तयार याना मंसिर २९ गते २६ क्वःगु महानगर दिवसया लसताय् सार्वजनिक यागु खः।

उगु सफूतिइ जात्रा सञ्चालन जुइगु रुट लगायतया विषय रजिता शाक्य उदासं नक्सा व जात्राया सामाजिक, सांस्कृतिक पक्षय् मदुम्ह एकाराम सिंहं चित्र तयारा यानादीगु खः।  सफू लल्हानादीसे महानगरया मेयर शाक्यं, इन्द्रजात्राया व्यापकताया विषय थःगु खँ तयादीसे, राष्ट्रिय पर्वया रुपं हनिइगु जात्रायात नेवाः समुदाय सञ्चालन यागु धका धयादीगु खः। जात्राया तजिक हनेगु कथ अन्तरराष्ट्रियकरण यायेगु कुतः महानगरं यागु खः।

मेयर शाक्यं धयादीगु, ‘०७६ सालय् महानगरं भगिनी सम्बन्ध दुगु सहरया प्रमुख व प्रतिनिधिपिन्त सःता जात्रायात अवलोकन याकूगु खः। उगु जात्राया थीथी गतिविधिइ थःथःपिनिगु हे सुरय् जात्रा यानागु खंगुलि । सामाजिक सद्भावया दृष्टिं न छगु तधःगु उदाहरण जुगु दु।’ धका धयादीग्ु खः।  उगु ज्याझ्वलय् मेयर शाक्यं, येँया दक्को वडाया जात्रा व पर्व सञ्चालन यायेत महानगरं थःगु दायित्वयागु ज्या खँ धका धयादीसे, मूर्त अमूर्त सम्पदा ल्यका तयेत पर्यटन व्यवस्थापननाप अन्तरसम्बन्धित दयकेगु योजना कार्यान्वयनय् गुठीयारपिनिगु तधःगु महत्वपूर्ण भूमिका दु धका धायदीगु दु।

उगु ज्याझ्वलय् च्वमि नाप प्रदेश सभा सदस्य डा. अजय क्रान्ति शाक्यं, इन्द्रजात्रानाप सम्बन्धि मनूपि व सरोकारवालापिनिगु खँयात न्हापागु तथ्य व शिलालेख, आलेख, ग्रन्थ नाप प्रकाशनयात निगुगु तथ्यया रुपय् कया अनुसन्धानया प्रक्रियापाखे सफू तयार यानागु धका उल्लेख यानादीगु खः। जिमिसं इन्द्रजात्रायात ३ सय बर्ष स्वया न्ह्यनिसे हनावया च्वंगु खनेदु। तर, अनुसन्धानं थुगु नखः वैदिक कालनिसे न्ह्यानाच्वंगु खनेदु। सिन्धुघाँटीया सभ्यतानाप ज्वलागु खनेदु। डा. शाक्यं थुकिया ऐतिहासिकताया विषयय् कनेगु झ्वलय्, ‘थुकियात येँ जक हनेगु धका थुइका च्वंगु खनेदु। तर थ्व येँ ना स्वया इन्दनाप सम्बन्धित नखः खः।

शुरुनिसे आःतक इन्द्रध्वज उत्थानया मू क्रियाकलाप माने याना थीथी सांस्कृतिक व सामाजिक पक्ष नाप स्वाना थपे याना यकूगु खनेदु।’ वयकल धयादीगु दु कुमारीया रथ सालेइगु, थीथी तान्त्रिक प्याँख क्यनेगु चलन करीव ३ सय दँ निसे न्ह्यागु खनेदु व हनावःगु दु ।महानगरं सांस्कृतिक चालचलन व सम्पदा बचे यायेगु थुगु कुतः बारेय् चर्चा यानादीसे वयकलं धयादीगु दु अनुसन्धानय् आधारय् सफू प्रकाशन याना सम्पदाया तथ्यगत अभिलेखीकरणया प्रशंशा यानादीगु दु । 

ज्याझ्वलय् इन्द्रजात्रा व्यवस्थापन समितिया अध्यक्ष गौत्तम शाक्य, प्रदेश सभा सदस्य राजेश शाक्य, सहरी योजना आयोगया उपाध्यक्ष सरोज बस्नेत, हनुमान ढोका दरबार हेरचाह अड्डाया प्रमुख सन्दीप खनाल, शार्दुलजङ्ग गुल्मया गुल्मपति असीम श्रेष्ठ नाप व्यवस्थापन समितिया प्रतिनिधिपिनिगु न सहभागिता दुगु खः।

स्वास्थ्य तथा जनसंख्या मन्त्रालयया कथं थौं दकलय् अप्वो येँ ७४० म्हेसित कोरोना सक्रमण जुगु दु।

अथेहे, कास्कीइ १८९, यलय् १५५, मोरङय् १४९ व झापाय् १०६ म्हेसित कोरोना संक्रमण पुष्टि जुगु दु। अथेहे सुनसरीइ ९५, नुवाकोटय् ७४, काभ्रेपलाञ्चोकय् ५९, ख्वपय् ५६, रुपन्देहीइ ५३, सिन्धुपाल्चोकय् ४८ म्ह कोरोना संक्रमितपि थपे जुगु दु।

मकवानपुरय् ४१, गोरखाय् ३१, कपिलवस्तुइ २६, सुर्खेतय् २१, इलामय् २०, पाँचथर व स्याङजाय् १८÷१८ म्ह, चितवनय् १७, धादिङय् १६, दाङय् १५, तनहुँ, नवलपरासी पश्चिम व जुम्लाय् १२÷१२ म्ह व लमजुङ व गुल्मीइ ११ ÷११ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाया दुने देयन्यक २ हजार ५४८ म्हेसित कोरोना भाइरस संक्रमण पुष्टि जुगु दु।

९ हजार ३३ म्हेसिगु पीसीआर परीक्षण यागुलि २ हजार १३७ म्ह व ३ हजार ३४५ एन्टिजेन परीक्षण यागुलि ४११ म्ह याना २ हजार ५४८ म्हेसित कोरोना भाइरस संक्रमण खनेदुगु दु धका स्वास्थ्य तथा जनसंख्या मन्त्रालयं धागु दु।

अथेहे २४ घण्टाया दुने कोरोना संक्रमणं ५५ म्ह सीगु दु सा २ हजार २९ म्ह कोरोनामुक्त जुगु दु।

घरजग्गा व सम्पत्ति कर मपुपिं ५२म्ह करदातापिन्त लच्छिया सूचं बिया यँे महानगरपालिकां नां धलः सार्वजनिक याःगु दु ।

महानगरपालिकां नां धलः सार्वजनिक याःगु दु । थौं नां सार्वजनिक यासें राजस्व विभागं ताःईनिसें वडापाखें जूगु ताकेतायात अटेर याःगुलिं नां सार्वजनिक यायेमाःगु धाःगु दु ।

विभागया प्रमुख डा. शिवराज अधिकारीया कथं नां सार्वजनिक याःपिं करदातापिन्सं लच्छि दुने करया विवरण, कर व जरिवाना मपुल धाःसा सेवा बन्द यायेगु, सम्पत्ति रोक्का यानाबिइगु लगायतया कानूनी प्रक्रिया न्ह्याका कर असुली यायेगु धयादिल । वय्कया कथं वंगु असार १६ गते नां सार्वजनिक जूपिं करदातामध्ये यक्वः करदातापिं सम्पर्कय् वःगु धयादिल ।

छुं छुं करदातापिन्सं कर पुले ल्यंदनिगु व उपिन्सं ई प्mवना कर पुलेत मञ्जुर जूगुलिं उमित मौका नं बियागु वय्कलं धयादिल । अथेहे सम्पर्कय् मवपिं करदातापिन्त विभागं सेवा बन्द यानाबिइगु व नां सार्वजनिक जूपिन्त लिखित व मौखिक कथं सूचं बियाच्वनागु नं धयादिल । महानगरं ई क्वचाइगु ईलय् कार्यस्थलय् हे वना माइकिङ नं यानाच्वनागु दु 

थथे याना नं अटेर यात धाःसा कानूनी कारबाही कथं छेँ, पसः व लजगायात शिलबन्दी याना कर असुलि यायेगु महानगरं न्ह्यथंगु दु ।

सरकारं न्यूनतम साझा कार्यक्रम सार्वजनिक यागु दु।

गठबन्धनय् आबद्ध शीर्ष नेतापिनिगु उपस्थितिइ थौं आइतबाः प्रधानमन्त्री तथा मन्त्रिपरिषद् कार्यालय ग्वसाः ग्वंगु पत्रकार सम्मेलनय् सरकारया न्यूनतम साझा कार्यक्रम सार्वजनिक यागु दु।

स्वास्थ्य सामग्री खरिदय् जुगु अनियमितता छानबिन यायेगु व दोषी खनेदुपि व्यक्ति व संस्थायात कारबाही यायेत न्यूनतम साझा कार्यक्रमय् उल्लेख यागु दु।