नेकपा एमालेया झीक्वःगु राष्ट्रिय महाधिवेशन अन्तर्गत बन्द सत्रया ज्याझ्वः आःतक न जुगु मदुनि।

सुथय् ८ बजे हे बन्दसत्रया ज्याझ्वः सुरु जुइगु कार्यतालिका आःतक न बन्दसत्र सुरु जुगु मदुनि। म्हिगः चान्ह्यः केन्द्रीय कमिटीया बैठकं केन्द्रीय सदस्य, पदाधिकारी व आयोगया सदस्य ल्या थपे यायेगु व ९९ म्ह सदस्यीय पोलिटब्युरो दइगु निर्णय याउगु खः।

थुगु निर्णययात बन्द सत्रय् छलफल याना विधान संशोधन याये मालिइगु जुगु दु। तर आः तक बन्द सत्र हे सुरु जुगु मदुनि। फयाफतले दक्को पदय् सर्वसम्मत नेतृत्व ल्ययेगु निति नेतापि छलफलय् जुटे जुया च्वंगुलि बन्द सत्र ढिलाइ जुयाच्वंगु धका छम्ह नेतां जानकारी बियेउगु दु।

भेरी अस्पताल नेपालगन्जय् उपचार यानाच्वपि निम्ह कोरोना संक्रमितपि मन्त।

सीपि निम्ह बाँकेयापि खः। कात्तिक २२ गते संक्रमण पुष्टि जुम्ह २४ गते अस्पताल भर्ना जुया उपचार यानाच्वम्ह कोहलपुर ११ या ६४ दँ दुम्ह मिसाम्ह म्हिगः शुक्रबाः चान्ह्य ११ः५० बजे मदुगु धका अस्पतालं धाउगु दु।

अथेहे कोहलपुरया हे ६५ दँ दुम्ह मिजंम्ह शुक्रबाः मदुगु धका बांकेया कोरोना फोकल पर्सन तेज वलीं धाउगु दु। थ्व नाप बाँकय् कोरोना संक्रमणं सीपि ३४३ म्ह थ्यंगु दु।

नेपाःया न्हापाम्ह मिसा प्रहरी चैतमाया डङ्गोलयात थौं छगु ज्याझ्वः दथुइ सम्मान याःगु दु।

८८ दँ दये धुकुम्ह चैतमाया डङ्गोलयात ६६औँ प्रहरी दिवसय् थौं शुक्रवाः सम्मान याःगु खः।

वयकः नेपाल प्रहरीइ न्हापाम्ह मिसाम्ह प्रहरी जुगुलिं लाइफ एचिभमेन्ट अवार्ड पाखें सम्मान याःगु खः ।

वंगु २४ घण्टाया दुने देयन्यक थप २७० म्हेसित कोरोना भाइरस संक्रमण पुष्टि जुगु दु।

७ हजार ८ सय २९ म्हेसिगु पीसीआर परीक्षण याउगुलि २४२ म्ह व २ हजार ६ सय १७ म्हेसिगु एन्टिजेन परीक्षण याउगुलि २८ म्ह याना २७० म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं निम्ह सीउगु दु सा ३०२ म्ह कोरोनामुक्त जुगु दु।

नेपाली कांग्रेसया महाधिवेशन प्रतिनिधिइ संघीय सांसद रामबहादुर बिष्ट पराजित जुगु दु। कांग्रेसया १४ क्वःगु महाधिवेशन अन्तर्गत अछाम–२ य् जुगु निर्वाचनय् बराबर मत वयेव गोलाप्रथापाखे महाधिवेशन प्रतिनिधि ल्यगुलि सांसद विष्ट पराजित जुगु खः।

सांसद विष्ट व क्षेत्रीय सभापति लक्ष्मण शाहया बराबर मत वंगु खः। निम्हेसिया ३८७ मत वयेवं गोलाप्रथापाखे महाधिवेशन प्रतिनिधि ल्यःगु धका निर्वाचन समितिं धाउगु खः। अछाम क्षेत्र नम्बर २ पाखे अधिकांश महाधिवेशन प्रतिनिधि संस्थापन समूहया निर्वाचित जुगु खः।

महाधिवेशन प्रतिनिधिइ पुष्प शाह, नमबहादुर शाही, लक्ष्मण शाह, मानबहादुर शाही, वेदप्रकाश तिमिल्सिना, पदमराज अधिकारी, गणेशबहादुर विष्ट, सुरत बहादुर विष्ट, यज्ञप्रसाद ढकाल, अम्बिका चलाउने, अन्जु मल्ल शाह, भूमिशरण बजगाईं व अम्बिका कुमारी थापा महाधिवेशन प्रतिनिधिइ ल्यउगु खः।

अथेहे पूर्णा शाह, वसन्ती विष्ट, वेलुदेवी साउद, दुर्गा कुमारी विक, टेकबहादुर विक, कमल विक, नवराज चलाउने, ओमजंग रावल व कृष्णप्रसाद ढकाल ननमहाधिवेशन प्रतिनिधिइ विजयी जुगु खः। उपि दक्को हे संस्थापन समूहयापि खः।