नेपाली कांग्रेसया उपसभापति विमलेन्द्र निधि, महामन्त्री शशांक कोइराला व पूर्वमहामन्त्री प्रकाशमान सिंह दथुइ थौं शनिबाः भेटवार्ता जुगु दु।

नेता सिंहया निवास चाक्सीबारीइ स्वम्ह नेतापि दथुइ भेट जुुगु खः। लच्छि न्ह्यः जक छम्ह नेता मेम्ह नेतापिनिगु निवासय् थःथे भेटवार्ता जुयावया च्वंगु खः।

आः महाधिवेशन न्ह्यने वंगुलि हाकन भेटघाट शुरु यागु खः। नेतापि दथुइ छु खँ जुल उगु खँ धासा सार्वजनिक यागु मदुनि। नेपाली कांग्रेसया संस्थापक नेतापि वीपी कोइराला, गणेशमान सिंह व महेन्द्रनारायण निधिया काय् स्वम्ह नेतापि भेट जुगुलि कांग्रेसय् अर्थपूर्ण रुपं कयाच्वंगु दु।

थ्व स्वया न्ह्यः हे थुपि स्वम्ह मध्ये छम्हेसिया जक सभापतिइ उम्मेदवारी बिइ धका धया वयाच्वंगु खः।

वंगु २४ घण्टाया दुने ३,१०६ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ९,२६३ म्हेसित पीसीआर परीक्षण यागुलि २,२८० म्ह व ४,२५६ म्हेसित एन्टिजेन परीक्षणय् ८२६ म्ह याना ३,१०६ म्हेसित संक्रमण पुष्टि जुगु दु।

वंगु २४ घण्टाय् कोरोना संक्रमणया कारण २३ म्ह सीगु दु सा १९१६ म्ह संक्रमणमुक्त जूगु दु।

महानगरीय प्रहरी परिसर ललितपुरया प्रमुख नाप वरिष्ठ उपरीक्षक किरण बज्राचार्य न प्रहरीयात नागरिक मैत्री प्रशासन दयकयेगु ज्याय् प्राथमिकता बिइगु धका धयादीगु खः।

परिसरं छगु अन्र्तक्रिया ज्याझ्वलय् वयकलं अथे धयादीगु खः। वंगु मंसिरया न्हापागु वाःनिसे परिसरया प्रमुखया रुपय् बज्राचार्य ज्या यानादीगु खः। नागरिक मैत्री प्रशासन दयकयेत प्रहरी कार्यालयय् गुवलय् मवपि गृहिणी मिसापि, लिउने लापि समूहया याउक पहुच स्थापित यायेगु थःगु ध्येय दु धका प्रहरी वरिष्ठ उपरीक्षक बज्राचार्य धयादीगु दु। वयकलं धयादीगु दु परिसर सःता छलफल यायेगु, समस्या न्यनेइगु विविध गतिविधि सञ्चालन यानागु खः।

उगु ज्यां प्रहरीप्रति अपनत्व भाव विकसित जुगु खनेदु। कोरोना संक्रमणया इलय् बुंगःद्यया रथयात्रा सञ्चालनय् सुरक्षा व्यवस्थापन मुख्य चुनौती दुगु धका धयादीसे वयकलं गुठीयार, स्थानीय, सरोकारवाला सकसिगु ग्वाहालि व समन्वयं उगु ज्या याउक क्वचाके फुगु का धयादीगु खः।

ज्याझ्वलय् नेवाः पत्रकार राष्ट्रिय दबूया महासचिव सुनील महर्जनं नेवाः समुदायय् अझ न प्रहरी प्रशासन धायेवं हे ग्याचिकू दनिइगु मनोविज्ञान दु धका धयादीसे थुकिया अन्त्यया लागि प्रहरी व समुदाय नाप अन्तरक्रिया यायेमाःगु खँय् बःबियादीगु दु। समुदाय प्रहरी साझेदारी अभियानय् थः छगु दशक स्वया अप्वो लगे जुयाच्वनागु दु धका धयादीसे महासचिव महर्जनं नेवाः समुदायपि प्रशासनया मनोवैज्ञानिक दुरी व दक्षिणी पहाडी भेगया भौतिक दूरी हटे यायेमाःगु व परिसरया प्रमुख छम्ह मिसा व उकि न नेवाः समुदाययाम्ह हे जुगुmि थुगु अवस्थायात अझ बालाक्क थुइ धका भलसा कयादीगु खः।

अथेहे पञ्चकन्या गुप्र्रया प्रमुख प्रदीपकुमार श्रेष्ठ, ललितपुर उद्योग वाणिज्य संघका अध्यक्ष मनोजबहादुर न्याछ्यो लगायतपिन्स न थःथःगु नुँगः खँ तयादीगु खः।

येँ महानगरया ६५ क्वःगु कार्यपालिका बैठक क्वचाल येँ महानगरया ६५ क्वंगु कार्यपालिका बैठक सम्पन्न जुगु दु। महानगरया मेयर विद्यासुन्दर शाक्यया अध्यक्षताय् जुगु उगु बैठकय् उपप्रमुख हरिप्रभा खड्गी श्रेष्ठया संयोजकत्वय न्याम्ह सदस्यीय ‘मध्यम दूरीका यातायात सञ्चालन सम्बन्धी अध्ययन कार्यदल’ गठन यागु दु।

खुल्ला मञ्चपाखे बसपार्क हटे यागु बैशाख १६ पछि महानगरं सिटी यातायातयात ‘पिक एण्ड ड्रप’ यायेत व मध्यम दूरीया यातायातयात न्हुगु बसपार्कपाखे सञ्चालन यायेत धागु खः। महानगरं थुगु व्यवस्था कार्यान्वयनय् वयेव मध्यम दुरीया यातायात व्यवसायी न न्हुगु बसपार्क अपायक जुगु धासे मेगु व्यवस्था मजुतले न्हापागु थासय् यातायात सञ्चालन यायेत माग याना वयाच्वंगु खः। थुगु थासं मेगु थासय् यातायात लितः हये मफइगुलि मध्यम दुरीया यातायात लागि विकल्प अध्ययन यायेत कार्यदल गठन यानागु धका बैठकय् मेयर विद्यासुन्दर शाक्यं जानकारी बिगु खः। गुगु विकल्पया रुपय् व्यवसायीपिन्स मेगु विकल्प तःगु खः।

उगु विकल्पय् अध्ययन यायेगु जुइ। मेयर शाक्यं धागु दु। नेपाल यातायात व्यवसायी राष्ट्रिय महासंघं मेगु व्यवस्था मजूतलेया लागि खुल्ला मञ्चय् साविकबमोजिम बसपार्कया रुपय् प्रयोगया लागि यागु माग निवेदन सम्बन्धी विषय छलफल यासे उगु निर्णय यागु खः।  उगु समितिया सदस्यपि वडा २६ या अध्यक्ष ख्याम तिवारी, वडा ३२ या अध्यक्ष नवराज पराजुली, सहरी सुव्यवस्था विभागया प्रमुख ध्रुव काफ्ले व नगर प्रहरी बलया प्रमुख नगर प्रहरी उपरीक्षक धनपति सापकोटा च्वनादीगु खः। समितियात ट्राफिक प्रहरी व यातायात व्यवस्था विभागपि नापं सरोकारवाला निकायनाप छलफल याना सुझाव बिइत न्ह्यन्हुया ई बिगु दु।

अथेहे बैठकय् मेयर शाक्यं संयुक्त एम्बुलेन्स चालक संघ जुगु कोविडया इलय सहकार्यया विषय जानकारी यायेत सहरी स्वास्थ्य विभागया प्रमुख हरि कुँवरयात व खुल्ला मञ्चपाखे अस्थायी बसपार्क हटेयागु ‘पिक एण्ड ड्रप’ कार्यक्रमया विषय व यातायात व्यवसायपि नाप जुगु छलफलया विषय जानकारी यायेत नगर प्रहरी बलया प्रमुख नगर प्रहरी उपरीक्षक धनपति सापकोटायात ई बिगु खः।

थुगु विषय छलफल विविधय तगु खः। उगु बैठकय् १६ गु प्रस्ताव व विविधय् खुगु विषय तःगु खः। खोप कार्यक्रमया कारण कार्यपालिका सदस्यपि केन्द्र व्यवस्थापनय् वनेमागुलि प्रस्ताव मध्ये ‘इन्द्रजात्रा पर्व संरक्षण अक्षय कोष सञ्चालन कार्यविधि — ०७८’ या मस्यौदा जक पेश जुगु खः।

येँया क्षत्रपाटी निःशुल्क चिकित्सालय अस्पतालयात थीथी मनू नाप संघ संस्थापाखे न्हू दयकेत्यंगु माउ बद्रीमान मानन्धराया लुमन्ति भवनया लागि ९८ लाख ग्वाहालि यागु दु।

हाम्रो मित्र युवा समुह १७ वडा थौं छगु ज्याझ्वः यासे ग्वाहालियापिन्त नेपाली काँग्रेसया नेता प्रकाशमान सिंह नं हनापौ लल्हानादीगु खः।उगु भवनया लागि येँ महानगरपालिका न ५ करोड बजेत उगु भवन निर्माण जुइ त्यंगु खः। माउ बद्रीमान मानन्धराया लुमन्ति भवनया याकन हे शिलान्यास यायेत्यनागु दु धका अस्पतालया अध्यक्ष डा. मनोजमान श्रेष्ठ धागु दु।उगु ज्याझ्वलय् थःगु खँ तयेगु झ्वलय् नेता सिंहं छु न ज्याझ्वः यायेत स्थानीयपिनिगु समर्थन आवश्यक जुइ।

स्थानीयपिनिगु समर्थन मदु त तधःगु ज्या न स्यंगु दु थौं थुगु अस्पतालयापिन्त यक्को यक्को सुभाय् दु धका धयादीसे क्षत्रपाटी निःशुल्क चिकित्साल अस्पताल थः अबु सर्वमान्य नेता गणेशमान नाप न स्वापू दुगु खँ लुुमकादीगु खः।

अथेहे क्षत्रपाटी अस्पताल अध्यक्ष डा.मनोजमान श्रेष्ठं थुगु क्षत्रपाटी अस्पताल न्हापा सर्वमान्य नेता गणेशमान शिलान्यास याना न्ह्याना थन तक थ्यंगु दु धका धयादीसे थौं दातापि पाखे ग्वाहालि यागुलि सुभाय् देछानादीसे वयकल येँ महानगरपालिकाया ५ करोडया ग्वाहालि निमार्ण जुइत्यंगु थुगु भवन याकन हे शिलान्यास जुइ धका धयादीगु खः।

अस्पताल अध्यक्ष डा.श्रेष्ठं कोबिड जुपिन्त न बालाक्क व सितिक वासः यानाच्वनागु दु धका न धयादीगु खः। उगु ज्याझ्वलय् हाम्रो मित्र युवा समुहया अध्यक्ष कुमारदेव मानन्धरया सभाध्यक्षताय् जुगु खः।