पूर्वअर्थमन्त्री विष्णुप्रसाद पौडेलं अर्थमन्त्री जनार्दन शर्मां सार्वजनिक यागु श्वेतपत्रय् कोरोना महामारीया प्रतिकुल अवस्थाय् विवरण उल्लेख यासे न्हापायागु सरकारप्रति ह्यसः तगुलि पूर्वाग्रह जुगु धका टिप्पणी यागु दु।

बिहीबाः प्रतिनिधिसभाया दुने श्वेतपत्रय् टिप्पणी यासे न्हायागु सरकारया अर्थमन्त्री पौडेलं कोरोना महामारीया कारण आर्थिक गतिविधि व विकास खर्च जुइ मफुगु प्रतिकुल अवस्थायात विगतया अनुकुल अवस्थाय् नाप तुलना यागु धका धागु दु।

‘कोभिड महामारीया कारण दकलय् अप्वो प्रतिकुल अवस्थायात अनुकुल अवस्थानाप तुलना यागु दु, दथुइ यागु ई बारेय् सम्कं च्वंगु दु’ धका वयकलं धागु दु। वयकल धागु दु आर्थिक वर्ष २०७६–७७ या यलय् विश्व अर्थतन्त्र साढे ३ प्रतिशतं ऋणात्मक जुगु इलय् नेपाली अर्थतन्त्र २ प्रतिशत जक ऋणात्मक जुगु लसताया खँ खः।

‘कोभिड इलय् वृद्धिदरया ग्वाहालि आर्थिक वर्ष ०७५–७६ य् जुगु ७ प्रतिशत थहा वंगु ल्वमकूगु दु’ पूर्वअर्थमन्त्री पौडेलं धागु दु।

मन्त्रिपरिषदयात पूर्णता मबिगु विषय सत्तारुढ नेपाली कांग्रेसया हे सांसदपिन्स न्ह्यसः तःगु दु। थौं बिहीबाः प्रतिनिधिसभाया विशेष ई कया न्ववायेगु झ्वलय् कांग्रेस सांसद गगन थापां मन्त्रिपरिषद विस्तार छाय् मजुगु धका न्ह्यसः तःगु खः।

‘मन्त्रिपरिषदयात पूर्णता छाय् मबियागु ? दुने छु जुयाच्वन थ्व जनता सिइमखु’ वयकलं धागु दु। न्हुगु सरकारं ज्यापाखे जनतापिन्त लिसः बिगु मागु धासे साझा न्यूनतम कार्यक्रम कथं ज्यान्हया वनेत सरकारयात इनाप यागु खः।

सांसद थापां प्रमुख विपक्षी दल नेकपा एमालेया अध्यक्ष केपी ओलीं सशस्त्र युद्धय् घाइते जूपिन्त उपचार थःगु पार्टी कार्यालय वयेत इनाप यागुलि आपत्ति यागु दु।

नेकपा माओवादी केन्द्रया सांसद मातृका यादवं परमादेशपखे सरकार दयकल धाइपि सांसदपिन्स राजीनामा बिइत सुझाव बिगु दु।

थौं बिहीबाः प्रतिनिधिसभाया विशेष ई कया न्ववायेगु झ्वलय अथे सुझाव बियादीगु दु। ‘जिपि हाउसय् परमादेशपाखे वयागु मखु धासे, जनादेशपाखे वयागु खः। संवैधानिक विवाद वा कानुनी विवाद वःगु ब्याख्या यायेगु अधिकार सर्वोच्चयात हे बिगु दु संविधानं’ यादव धागु दु, ‘वयकःपिन्त उगु भुत सवार दु सा राजीनामा बिउसा ज्यू ।

परमादेश धासे जनादेशया अपमान यायेगु? सू सूयात लगे जू, राजीनामा बिउसा ज्यू। थुगु सरकारं खुला लिपा चुनाव याना हे बिइ।’ सूयागु मेन्टल्ली स्यंगु दु वं धाइ परमादेश।’ अथेह वयकलं एमाले अधयक्ष केपी ओलीयात न राजीनामा बिइत इनाप यागु दु।

उदयपुरया पोखरी जःखः केन्द्रविन्दु जुया भुखाय् ब्बःगु दु।

राष्ट्रिय भूकम्पमापन तथा अनुसन्धान केन्द्रया कथं थौं सुथय् ९ः५४ बजे ४.३ रेक्टर स्केलया भुखाय् ब्बःगु खः।

प्रधानमन्त्री शेरबहादुर देउवां सरकारया साझा न्यूनतम कार्यक्रमय् अमेरिकी सहायता परियोजना, मिलिनियम च्यालेन्ज कर्पोरेसन, (एमसीसी) दुथ्याकेगु माओवादी केन्द्रया अध्यक्ष पुष्पकमल दाहाल ‘प्रचण्ड’ तयार मजुगु धका धागु दु।

प्रचण्ड तयार मजुगुलि न्यूनतम कार्यक्रमय् एमसीसीबारे छु न उल्लेख मयानागु धका प्रधानमन्त्री देउवां धागु दु। नेपाली काँग्रेसका संस्थापन पक्षीय पदाधिकारी व पूर्वपदाधिकारीपिनिगु भेलाय् उपसभापति विमेन्द्र निधिले एमसीसीबारे न्ह्यसः तःगु खः।

‘एमसीसी व हुम्लाय् चीनं सीमा अतिक्रमण यागु बारेय् साझा न्यूनतम कार्यक्रमय् छाय् दुमथ्याकगु?’, धका निधिं न्ह्यसः तःगु खः। उकिया लिसः बिइगु झ्वलय् देउवां धागु दु, ‘तयेगु स्वयागु खः। तर प्रचण्डं माने मजुगु खः।’ प्रचण्ड संशोधन विना एमसीसी अनुमोदन याये मज्यू धका धया वयाच्वंगु खः।