नेकपा एमालेया केन्द्रीय कमिटीको बैठक शुरु जुगु दु।

तुलसीलाल प्रतिष्ठान च्यासलय् शुरु जुगु उगु बैठकं स्थायी कमिटी पास याउगु राष्ट्रिय महाधिवेशनया मापदण्ड व कार्यतालिका अनुमोदन याइु पार्टी कार्यालयया सचिव शेरबहादुर तामाङं जानकारी बिउगु दु।

बिहीबाः च्वंगु स्थायी कमिटी बैठकं चितवनय् जुइगु राष्ट्रिय महाधिवेशन प्रतिनिधि संख्या क्वछिइत्यःगु खः। थौं केन्द्रीय कमिटी बैठकय् वडा व पालिका अधिवेशनया रिपोर्टिङ नाप समीक्षा जुइ धका कार्यालय सचिव तामाङं जानकारी बिउगु दु।

नेकपा एमाले वडा अधिवेशन कात्तिक ६ गते व पालिका अधिवेशन कात्तिक ९ गते जुगु खः। गुलिइ वडा व पालिकाया धासा आःतक न अधिवेशन जुगु मदुनि।

मध्य भोटेकोशी जलविद्युत कम्पनीया आईपीओ बाँडफाँट जुगु दु। कम्पनीं सर्वसाधारणया लागि ८१ लाख ९० हजार कित्ताया आईपीओ निष्काशन याउगु खः।

स्वीकृत आवेदनमध्ये ८ लाख १९ हजार आवेदकपिन्त १० कित्ताया दरं लागु दु धका कम्पनी बिक्री प्रवन्धक ग्लोबल आइएमई क्यापिटलं धाउगु दु। आईपीआय् २३ लाख ९० हजार २१८ लगानीकर्तापिन्स ३ अर्ब ४१ करोड ८३ लाख २९ हजार रुपैयाँ बराबरया शेयर खरिदया लागि आवेदन बिउगु खः।

उकि मध्ये ९५ हजार ७२२ आवेदनपिनिगु रद्द जुगु दु, कुल निश्कासन मध्ये ४ प्रतिशत अर्थात ३ लाख ६० हजार कित्ता शेयर कम्पनीया कर्मचारीपिन्त व ५ प्रतिशत अर्थात ४ लाख ५० हजार कित्ता शेयर सामूहिक लगानी कोषयात छुटे याउगु दु।

मध्य भोटेकोशी जलविद्युत कम्पनीं सिन्धुपाल्चोकया भोटेकोशी गाँउपालिकामा रन अफ रिभरय् आधारित जलविद्युत आयोजना निर्माण यानाच्वंगु खः। थुगु आयोजनापाखे १०२ मेगाबाट बिजुली पिकायेत्यःगु खः।

सवारी चालक अनुमतिपत्र (लाइसेन्स) या अनलाइन आवेदन प्रणाली बन्द जूगु दु । यातायात व्यवस्था विभागं फुक्क कथंया सवारी लाइसेन्सया नितिं आवेदन चायेकूगु प्यन्हुलिपा बन्द याःगु खः ।

अनलाइन प्रणालीइ प्राविधिक समस्या वःगु धासें बन्द याःगु दु । अनलाइन प्रणाली सुधार यायेमाःगु धासें बिहीवाःनिसें आवेदन बन्द याःगु दु । विभागं न्हूगु लाइसेन्सया आवेदन सोमवाः सनिलय् ५ताः ईलंनिसें चायेकूगु खः ।

तर, खुलालिपा आवेदन चाःगुनाप छक्वलं उप्वः चाप जूबलय् अनलाइन प्रणालीइ हे समस्या वःगु विभागया सूचना अधिकारी लोकनाथ भुसालं जानकारी बियादिल । वय्कलं लाइसेन्स आवेदन चायेकूगुलिसे थ्यंमथ्यं १०गू लखम्हेसिनं छक्वलं फाराम जायेकेगु कुतः याःबलय् बुधवाःनिसें पूर्णरुपय् सर्भर डाउन जूगु जानकारी बियादीगु दु ।

प्राविधिकनापया पुचलं मर्मतया ज्या न्ह्याकेधुंकूगु हुनिं फक्व याकन आवेदन चायेकेगु वय्कलं धयादिल । सवारी चालक अनुमतिपत्र लाइसेन्सया नितिं आवेदन बियाःच्वंपिं अझं स्वंगूत्या लख झ्वः छुनाच्वंगु दनि ।

थ्व ल्या स्वनिगलय् दुगु ज्याकूथी दुगु दकले उप्वः खः । स्वनिगलय् ४गू अले स्वनिगलंपिने २१गू यातायात व्यवस्था ज्याकूत दु । विभागया सूचना अधिकारी भुसालं थ्वसिवे न्ह्यः हे आवेदन बियाःच्वंपिनिगु पाः न्हापालाक्क वइगु न धयादीगु दु ।

वयकलं आःतिनि आवेदन ब्यूपिनिगु पाः धाःसा स्वनिगलय् प्यला अले स्वनिगलंपिने लच्छिदुने वइगु जानकारी बियादिल । विभागं आः न्हूगु मापदण्ड कथं लाइसेन्सया परीक्षा कायेगु ज्या न्ह्याकूगु दु ।

न्हूगु मापदण्ड कथं लिखितय् ६०गू प्रतिशत अले प्रयोगात्मक परीक्षाया नितिं थीथी चरणय् यानाः ७०गू ल्या हःसा जक पास जुइगु व्यवस्था याःगु दु ।

ओमबहाः त्वाः खलःया निबर्तमान नायः नाप दापा गुरु शंकर महर्जन मदुगुलि छगु बिचाः मुज्या जुगु दु।

उगु ज्याझ्वः ज्यापु पुच ओमबहाःया ग्वसालय् येँया ओमवहालय् छगु मुँज्या जुदापागुरु शंकर महर्जन मदुगुलि बिचाः मुज्या ओमबहाः त्वाः खलःया निबर्तमान नायः नाप दापा गुरु शंकर महर्जन मदुगुलि छगु बिचाः मुज्या जुगु दु।

ज्याझ्वः ज्यापु पुच ओमबहाःया ग्वसालय् येँया ओमवहालय् छगु मुँज्या जुगु खः। कौलागा अष्टमी ११४१, कार्तिक १२ शुक्रवाःगु खः। 

जलवायु परिवर्तनसम्बन्धी राष्ट्रसंघीय सम्मेलन कोप– २६ य् ब्वति कायेत प्रधानमन्त्री शेरबहादुर देउवा थौं बेलायत झायादिगु दु ।

प्रधानमन्त्रीया उच्चस्तरिय भ्रमण टोली २०म्ह दुजःया जुइ । उकिइ ६म्ह सचिवत दु । स्कटल्याण्डया ग्लास्गोय् जुइगु कोप– २६ या सम्मेलन सोमवाःनिसें न्ह्याइ । अनलिं प्रधानमन्त्री देउवा लण्डनय् नेपाली समुदायया ज्याझ्वलय् ब्वति कयाः कुटनीतिक नापलाये ज्याय् न जुइगु ज्याझ्वः क्वःज्यूगु दु ।

भ्रमणया झ्वलय् देउवां कन्हय् नेपाःया नितिं सर्वदलीय संसदीय पुचः, बेलायत–नेपाल व्यापार व लगानी मञ्चं लण्डनय् ग्वसाःग्वइगु लसकुस ज्याझ्वलय् ब्वति काइ । आइतवाः न प्रधानमन्त्री देउवाया सम्मानय् लण्डनस्थित नेपाली दूतावासं लसकुस ज्याझ्वः याइ ।

वय्कलं भूतपूर्व गोर्खा संगठनया प्रतिनिधि, बेलायती संसद्या दुजः अले नेपाली प्रवासीत नापलाइगु ज्याझ्वः दु । प्रधानमन्त्री देउवां कात्तिक १५ गते सोमवाः कोप–२६ या औपचारिक उलेज्याय् ब्वति काइ ।