नेपालया लागि अमेरिकी राजदुत ¥यान्डी बेरीं अर्थमन्त्री जनार्दन शर्मा नापलागु दु।

मंगलवाः मन्त्रालय जूगु भेटय् अर्थमन्त्री शर्मा न भुखाय् ब्बयेधुका उद्धार व य्कोभिड महामारीया इलय् यागु अमेरिकी ग्वाहालि अविश्मरणीय जुगु धका धासे सरकारया पाखे सुभाय् बिगु दु।

वयकलं कोभिड विरुद्धया खोप नेपालं न्हापागु प्राथमिकताया विषय जूगु धका धयादीसे उकिया आपूर्तिइ अमेरिकी सरकारपाखे थप ग्वाहालि व सहजीकरण जुइगु विश्वास यागु दु। मन्त्री शर्मां अमेरिकी सरकारया ग्वाहालि नेपालमा संचालित परियोजना कार्यन्वयनय् अनुगमन याना तदारुकता बिया सरकारं ध्यान छ्वयेगु प्रतिवद्धता यानादीगु दु।

उगु भेटय् राजदूत बेरीं कोभिड विरुद्धया लडाईं अमेरिका नेपाः नाप दु धका धागु अर्थमन्त्रीया सचिवालय धागु दु। वंगु ७० दँ निसे अमेरिकां नेपालया स्वास्थ्य व शिक्षा क्षेत्रय् ग्वाहालि दु धका खँ न्ह्यथनादीसे वइगु दिनय न थुकिया निरन्तरता बिइगु धका प्रतिवद्धता यानादीगु दु।

शेयर बजाःया कारोबार मापक नेप्से परिसूचक थौं दकलय् अप्वो विन्दुइ थ्यका न्हुगु कीर्तिमान दयकूगु दु।

वंगु आइतवाः ३ हजार ५८ विन्दु) थ्यंका कीर्तिमान दयकूु खःसा नेप्सेय् थौं मङ्गलवाः ३ हजार ७९ विन्दुइ थ्यका न्हुगु कीर्तिमान जुगु दु। थौं बैंकिङ, व्यापार, होटल व माइक्रोफाइनान्स बाहेक मेगु समूहया शेयर थहावना नेप्से २९ दशमलव २४ अङ्कं थहावना ३ हजार ७९ दशमलव ६७ विन्दुइ थ्यंगु दु।

थौं विकास बैंक समूहया शेयर साढे ३५ अङ्क थहावंगु दु। अथेहे जलविद्युत् समूह ११९ अङ्क, फाइनान्स समूहया ७१ अङ्क, जीवन बीमा समूह २६० अङ्क, निर्जीवन बीमा समूह १२० अङ्क, उत्पादन समूह ३०५ अङ्क, मेमेगु ६० व लगानी समूहया शेयर ३ अङ्क थहावंगु दु। थौं २२५ कम्पनीया ३ करोड २३ लाख कित्ता शेयर १५ अर्ब १७ करोड रुपैयाँ कारोबार जुगु खः।

दकलय् अप्वो एनआईसी एसिया बैंकया ४९ करोड १५ लाख रुपैयाँया शेयर किनबेच जूगु खः। थौं मल्टिपर्पोज फाइनान्स, खानी खोला हाइड्रो, युनाइटेड मर्दी हाइड्रो, नेपाल हाइड्रो, सिनर्जी पावर, जोशी पावर, घलेम्दी हाइड्रो, हिमालय ऊर्जा विकास कम्पनी, युनिभर्सल पावर व जानकी फाइनान्स याना झीगु कम्पनीया शेयर १० प्रतिशतं थहावना सकारात्मक सर्किट थ्यंगु दु। समग्र बजार जूसा सर्पोट माइक्रोफाइनान्सया शेयर ५ प्रतिशत स्वया अप्वो घटे जूगु दु।

स्वास्थ्य मन्त्रालयया कथं थौं दकलय् अप्वो येँ ४७५ म्हेसित कोरोना सक्रमण जूगु दु।

अथेहे कास्कीइ २७८, झापाय् २६१, मोरङय् २४९, चितवनय् १९३, सुनसरीइ १८९ व यलय १६७ व ख्वपय् १३२ म्हेसित कोरोना संक्रमण पुष्टि जुगु दु।

अथेतु मकवानपुरय् ७९, नवलपारसी पूर्वय् ६६, दोलखाय् ५५, कैलालीइ ४९, नुवाकोटय् ३९, तनहुँइ ३६, काभ्रेपलाञ्चोकय् ३३ व धनकुटाय् ३१ म्ह कोरोना संक्रमितपि थपे जूगु दु।

बागलुङय् २८, पाँचथरय् २३, धादिङ, स्याङजा , रुपन्देही व सुर्खेतय् १९÷१९ म्ह, बर्दियाय् १६, रामेछापय् १४, दाङय् १३, गोरखा व बाँकेय् १२÷१२ म्ह, सर्लाही, सिरहा व सिन्धुपाल्चोकय् ११÷११ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाया दुने देयन्यक ३ हजार ८९९ म्हेसित कोरोना संक्रमण पुष्टि जूगु दु।

१२ हजार ६५५ म्हेसिगु पीसीआर परीक्षण यागुलि २ हजार ७२६ म्ह व ४ हजार ८६३ म्हेसिगु एन्टिजेन परीक्षण यागुलि १ हजार १७३ याना ३ हजार ८९९ म्हेसित कोरोना भाइरसया संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमण जूया २० म्ह सीगु दु। अथेहे १ हजार ७७८ म्ह कोरोनामुक्त जूगु दु।

मंगलबाः थपे जूपि नाप नेपालय् कोरोना संक्रमित जूपि आः ६ लाख ८५ हजार ५७३ म्ह थ्यंगु दु। उकि मध्ये ९ हजार ७५८ म्ह सी धुकुगु दु सा ६ लाख ४७ हजार ७९ म्ह संक्रमणमुक्त जुइ धुकुगु दु।

मेगा बैंक नेपाल व नेपाल सरकारया नागरिक एप दथुइ सहकार्य याइगु जुगु दु।

नागरिकपिनिगु ल्हात ल्हातं हे सरकारी सेवा उपलब्ध यायेगु उद्देश्यं सरकार सार्वजनिक यागु नागरिक एपनाप बैंकं सहकार्य यायेत्यंगु खः।

डिजिटल नेपाल फ्रेमवर्क अन्तर्गत थुगु सरकारं महत्वपूर्ण ज्याझ्वः जुगुलि बैंकया ग्वाहालि जुइलि हरेक नागरिकयात प्रविपिाखे सरकारी सेवा याउक मोबाइलपाखे कायेफइगु व्यवस्था यानागु दु धका धागु दु।

बैंकया डिजिटल एन्ड ईबैंकिङ विभाग प्रमुखया कथं नागरिक एपया छ्यला याउक खाता खोले यायेफइ। नाप, नागरिक एप छ्यला बैंकया ग्राहकपिन्स प्रविधिपाखे सरकारी सेवा याउक काये फइ धका धागु दु।