Display Style:
Column Style
शेरबहादुर देउवायात प्रधानमन्त्री नियुक्ति
लहानान्युज | दिल्लाथ्व तृतीया ११४१,असार २९ मंगलवाः
सर्वोच्च अदालतं तोकेयागु २८ घण्टा स्वया १ घण्टा बाँकी खुगु इलय् राष्ट्रपति विद्यादेवी भण्डारीें शेरबहादुर देउवायात प्रधानमन्त्री नियुक्ति यागु दु।
सर्वोच्चं सोमबाः न्हिनय् संसद पुनःस्थापना यासे १४९ सांसदया समर्थन दुगु देउवायात २९ गते बहनिया ५ बजे तक प्रधानमन्त्री नियुक्त यायेत परमादेश बिगु खः।
मंगलबा ४ बजे राष्ट्रपति कार्यालयं विज्ञप्ति पिकया देउवायात प्रधानमन्त्री नियुक्त यागु जानकारी बिगु दु। राष्ट्रपति कार्यालयया सहायक प्रवक्तां जारी यागु विज्ञप्तिइ धागु दु, ‘सम्माननीय राष्ट्रपति श्रीमती विद्यादेवी भण्डारीपाखे श्री सर्वोच्च अदालत, संवैधानिक इजलासया मिति २०७८÷०३÷२८ या फैसला बमोजिम प्रतिनिधिसभाया सदस्य नाप नेपाली कांग्रेस संसदीय दलया नेता माननीय श्री शेरबहादुर देउवाजुयात प्रधानमन्त्री पदय् नियुक्त यागु दु।’
सर्वोच्चया फैसला धुंकाः देय्न्यंक सुरक्षा सतर्कता थकाल
दिल्लाथ्व तृतीया ११४१,असार २९ मंगलवाः
लिपांगु राजनीतिक घटनाक्रमलिसें येँ लिसें देय्न्यंक सुरक्षा सतर्कता थकाःगु दु ।
सर्वोच्च अदालतया फैसला धुंकाः तरंगित जूगु राजनीतिक ज्याखँया हुनिं विरोध प्रदर्शन व थीथी ज्याखँ अप्वया वयेधुंकाः सुरक्षा तैनाथी थकयागु महानगरीय प्रहरी ज्याकुथिं न्ह्यथंगु दु ।
कोरोना महामारी न्ह्यानाच्वंसां सर्वोच्चया फैसला धुंकाः देय्या थीथी क्षेत्रय् जुलुस व प्रदर्शन जुयावःबलय् सुरक्षाकःमिया उपस्थिति थकाःगु खः । थुकिया लागिं स्वनिगः दुने तँसा सुरक्षाकःमि परिचालन यानाः हाइ अलर्टय् तःगु दु ।
प्रहरीं सुरक्षाया लागिं सादा वसःया सुरक्षाकःमि नं परिचालित यानागु न्ह्यथंगु दु । सुरक्षा थ्रेट जुइफुपिं व्यक्ति, छेँ व ज्याकुथिइ सुरक्षाकःमिया निगरानी थकाःगु दु ।
नापं, राजनीतिक दलया नेता, सर्वोच्च अदालतया न्यायाधीश, अधिवक्तालिसेंयात नं सुरक्षा निगरानी थकयागु प्रहरी प्रशासनं न्ह्यथंगु दु ।
माओवादी केन्द्रया स्थायी कमिटी बैठक जारी
लहानान्युज | दिल्लाथ्व तृतीया ११४१,असार २९ मंगलवाः
सरकारय् छ्वयेगु बारे मन्त्रीपिनिगु निर्णय यायेत नेकपा माओवादी केन्द्रया स्थायी कमिटी बैठक जारी जुगु दु।
केन्द्रीय कार्यालय पेरिसडाँडाय् जारी बैठकय् शेरबहादुर देउवा नेतृत्व यायेत सरकार थःपिनिगु पार्टीपाखे मन्त्रीपिनिगु निर्णय यायेत बैठक जुगु धका छम्ह नेतां जानकारी बिगु दु।
कांग्रेस सभापति शेरबहादुर देउवां था प्रधानमन्त्रीया शपथ ग्रहण याइगु जुगु दु। थौं विपक्षी गठबन्धनपिनिगु चिधःगु आकारया मन्त्रिपरिषद गठन यायेगु तयारी देउवां यागु दु।
थौनिसे ७७ गु जिल्लाय् कोरोना भाइरसविरुद्धया खोप बिइगु
लहानान्युज | दिल्लाथ्व तृतीया ११४१,असार २९ मंगलवाः
सरकारं थौनिसे ७७ गु जिल्लाय् कोरोना भाइरसविरुद्धया खोप यागु न्हापागु मात्रा बिइगु जुगु दु।
चीनं वंगु भेरोसेल व अमेरिकां वंगु जोन्सन एन्ड जोन्सनया खोप थौनिसे बिइगु धका स्वास्थ्य तथा जनसङ्ख्या मन्त्रालयं धागु दु। भेरोसेल व जोन्सन एन्ड जोन्सन खोपया लागि लक्षित समूह छुटे यागु दु।
भेरोसेल ५५ दँ व वस्वया च्वयापि दक्को नागरिकपिन्त बिइत्यंगु खः। अथेहे भेरोसेल विश्वविद्यालय, विद्यालयया प्राध्यापक, शिक्षक व कर्मचारीपि, सार्वजनिक यातायातया कार्यरत चालक व सहचालकपिन्त बिइगु धका स्वास्थ्य सेवा विभागया महानिर्देशक डा. दीपेन्द्ररमण सिंहं जानकारी बिगु दु।
सरकारं तोकेयागु अत्यावश्यक सेवाय् संलग्न खोप लगे याये माःपि ल्यंदनिपिन्त, खोप अनिवार्ययापि नेपाली नागरिकपिन्त भेरोसेल बिइत्य.गु खः। म्हिगः नेपाल वगु १५ लाख जोन्सन एन्ड जोन्सन खोप ५० निसे ५४ दुपि दँ दुपिन्त दक्को नागरिक, पूर्ण व अति अशक्त अपाङ्गता जूपि नागरिक व नेपालय बसोबास यानाच्वंपि शरणार्थीपिन्त बिइत्यंगु खः।
कांग्रेसया सभापति शेरबहादुर देउवा थौं प्रधानमन्त्री नियुक्त जुइगु
लहानान्युज | दिल्लाथ्व तृतीया ११४१,असार २९ मंगलवाः
नेपाली कांग्रेसया सभापति शेरबहादुर देउवां थौं प्रधानमन्त्री नियुक्त जुइत्यंगु दु।
राष्ट्रपति कार्यालय न थौं देउवायात नियुक्ति व शपथया तयारी यागु दु। शपथ ग्रहणया ज्याझ्वः सनिलय ५ बजे तोके यागु दु धका राष्ट्रपति कार्यालयया छम्ह अधिकारीं धागु दु।
सर्वोच्च अदालतं सोमबाः देउवा यात प्रधानमन्त्री नियुक्त यायेत परमादेश बिगु खः। सर्वोच्चं मंगलबाः ५ बजे दुने देउवायात प्रधानमन्त्री नियुक्त यायेत धागु खः।
थ्व स्वया न्ह्यः देउवा प्यकः तक प्रधानमन्त्री जुइ धुकुगु खः।
