भाषा आयोगपाखें नेपाल सरकारयात लःल्हाःगु प्रतिवेदनय् बागमति प्रदेशय् सरकारी ज्याखँय् औपचारिक ल्याखं छ्यलाबुला यायेगु कथं नेपालभाषा उपयुक्त धकाः गुगु खँ सिफारिश याःगु दु उकियात कयाः नेपालभाषा एकेडमिं अतिकं सकरात्मक धकाः च्वछासें आयोगया उगु प्रतिवेदनयात लसकुस याःगु दु।

संघीय लोकतान्त्रिक गणतन्त्र कथं नेपाः देया शासन संरचनाय् वःगु राजनीतिक ह्यूपाःया झ्वलय् उकथं भाषिक अधिकार सुनिश्चित यायेगु कुतः जुइमाः धकाः भाषा आयोगया जिम्मेवार पदाधिकारीपिं नापं औपचारिक ल्याखं च्वनाः थुगु नेपालभाषा एकेडमिपाखें थःगु आधिकारिक धारणा न्ह्यब्वयेगु व माःगु सहलह जूगु खँ थन लुमंकाच्वना ।

थुगु एकेडमिं न्ह्यब्वःगु थीथी सुझावत मध्ये नेपालभाषायात प्रादेशिक सरकारया ज्याखँय् आधिकारिक छ्यलाबुलाय् हयेमा धैगु नं छता मू खँ खःसा राज्यपाखें आयोगया थुगु सुझावयात याकनं ब्यवहारय् नालेत माःगु पलाः ल्ह्वनेगु ज्या जुइ धका नेपालभाषा एकेडमिया सदस्य सचिव मल्ल के सुन्दरं भलसा दु धका धयादीगु दु।

नेवाः समुदायया मांभाय् नेपालभाषा थें देय्या मेमेगु समुदायपाखें छ्यलावयाच्वंगु थीथी भाय्यात नं थीथी प्रदेशया आधिकारिक ज्याय् नालेत भाषा आयोगपाखें याःगु सिफारियात कयाः थुगु एकेडमिपाखें आपालं लसता प्वंकागु जुल धका नं सदस्य सचिव मल्लं न्ह्यथना दिल।

विशेषतः नेपालभाषायात सरकारी ज्याखँय् छ्यलेगु सम्बन्धय् गुगुं नं सम्वन्धित निकाययात छुं नं कथंया ग्वहालि व सुझाव माःसा नेपालभाषा एकेडमिपाखें माःथाय् माःकथं ग्वाहालि यायेत तयार दु धका वयकलं न्ह्यथना दिल।

वंगु २४ घण्टाया दुने थप ३५४ म्ह स्वनियलय कोरोना सक्रमण जूगु दु।

मन्त्रालयया कथं प्रदेश १ य् २८०, प्रदेश २ य् ३१, बागमती प्रदेशय् ४३४ व गण्डकी प्रदेशय् १२२ म्ह संक्रमितपि थपे जूगु दु।

अथेहे लुम्बिनीइ ७१, कर्णालीइ १५ व सुदूरपश्चिम प्रदेशय् थप ८ म्हेसित कोरोना भाइरस संक्रमण खनेदूगु दु।

वंगु २४ घण्टाया दुने देयन्यक थप १ हजार १४६ म्हेसित कोरोना संक्रमण पुष्टि जूगु दु।

८ हजार ५४९ म्हेसिगु नमुना पीसीआर परीक्षणय् ९६१ म्ह व २ हजार ३६७ नमुना एन्टिजेन परीक्षण यागुलि १८५ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाया दुने कोरोना संक्रमणं २१ म्ह सीउगु दु सा १ हजार ६६० म्ह संक्रमणमुक्त जूगु दु। थौं थपे जूपि नाप नेपालय् कोरोना संक्रमितपि ८ लाख ६१ हजार ९५२ म्ह थ्यंगु दु।

उकि मध्ये ७ लाख ३६ हजार ६६६ म्ह कोरोनामुक्त जूगु दु सा आःतक १० हजार ९२४ म्ह सी धुकुगु दु।

सरकारं सहरी विपन्न नागरिकपिन्त येँ झीगु थासय् जा नकेयेगु जुगु दु।

थौं शुक्रबाः प्रमुख विपक्षी नेकपा एमालेया सांसदपिन्स नाराबाजीया दगुइ बजेट अध्यादेशया प्रतिस्थापन विधेयक संसदय् पेश यासे अर्थमन्त्री जनार्दन शर्मा प्रभाकरं सामाजिक संस्थाया ग्वाहालिं सहरी विपन्न नागरिकया लागि झीगु थासय् जा नकेयगु बन्दोबस्त यायेगु घोषणा याउगु दु।

सरकारं राजनीतिक ह्यूपाः हयेगुलि आन्दोलनय् बलिदानयाःपिन्त लय् ३ हजार रुपैयाँ भत्ता बिइगु घोषणा याउगु दु।

संसदय् बजेट अध्यादेशया प्रतिस्थापन विधेयक प्रस्तुत यासे अर्थमन्त्री जनार्दन शर्मा प्रभावकरं शहीद परिवारपिन्त ३ हजार भत्ता उपलब्ध याकेगु घोषणा याउगु दु।

थुगु कथं जनयुद्ध, जनआन्दोलन लगायतय् ज्यान गुमे याःपि परिवारं मासिक भत्ता वइगु जुगु दु। न्हापानिसे नेकपा माओवादी केन्द्रं थज्याउगु व्यवस्थाया माग याना वयाच्वंगु खः।