स्वास्थ्य तथा जनसख्या मन्त्रालयया कथं थौं दकलय् अप्वो येँ ४१० म्हेसित कोरोना सक्रमित जुगु दु।

अथेहे झापाय् १४८, कास्कीइ १४६, सुनसरीइ १११ व यलय् ९७ म्हेसित कोरोना सक्रमित पुष्टि जुगु दु।

अथेतु, ख्वपय् ८०, मोरङ व नुवाकोटमा ६०÷६० म्ह, चितवनय् ५३, दोलखाय् ४५, कञ्चनपुरय् ३५, मकवानपुरय् ३१, कैलालीइ २९, काभ्रेपलाञ्चोय् २३, रुपन्देही व सल्यानय् २२÷२२ म्हेसित कोरोना संक्रमित पुष्टि जुगु दु।

नवलपरासी पूर्व, बागलुङ व सुर्खेतय् २१÷२१ म्ह, पाल्पाय् २०, धादिङ व तनहँुइ १४÷१४ म्ह, बाराय् १२ म्ह व स्याङजाय् ११ म्हेसित कोरोना संक्रमण पुष्टि जुगु दु धका मन्त्रालयं धागु दु । 

वंगु २४ घण्टाया दुने २,३९८ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ७०५८ म्हेसिगु पीसीआर परीक्षणय् १६३९ म्ह व ३९५४ म्हेसिगु एन्टिजेन परीक्षणय् ७५९ म्ह याना २,३९८ म्हेसित संक्रमण पुष्टि जुगु दु।

मन्त्रालयया कथं वंगु २४ घण्टाय् २०७८ म्ह संक्रमणमुक्त जुगु दु। कोरोना संक्रमणया कारण १२ म्ह सीगु दु।

नेपाली कांग्रेसया सभापति शेरबहादुर देउवां प्रधानमन्त्री पदया शपथ कायेमखु धका धागु दु।

राष्ट्रपति विद्यादेवी भण्डारीं प्रधानमन्त्री नियुक्त यागुलि संविधानया धारा उल्लेख मयागुलि देउवां असन्तुष्टि प्वकूगु दु। मंगलबाः बहनिया ६ बजे शपथया तयारी दुगुलि राष्ट्रपति कार्यालय वंगु मदुनि।

देउवां राष्ट्रपतिपाखे नियुक्ति मभिंकुतले संविधानया धारा ७६ (५) कथं उल्लेख याये मागु अडान कागु धका स्रोतं धागु दु।

नेकपा माओवादी केन्द्रं जनार्दन शर्मा प्रभाकर व पम्फा भुसालयात मन्त्री दयकिगु जुगु दु। माओवादी केन्द्रया अध्यक्ष पुष्पकमल दाहाल प्रचण्डं निम्ह नेतापिनिगु नां बिगु धका छम्ह नेता धागु दु ।

शमायात अर्थ व भुसालयात ऊर्जा, सिँचाई तथा जलस्रोत मन्त्रालयया जिम्मेवारी बिइ त्यगु खः। थौं मंगलबाः सुथय् च्वंगु स्थायी कमिटी बैठकं सरकारयात सुयात छ्वयगु क्वछिगु मदुनि । छम्ह नेताया कथं अध्यक्ष प्रचण्डं नां सिफारिस मयायेत इनाप यागु खः व नेतापिन्स समावेशी व सक्षम टिम सरकारय् छ्वयेमाःगुलि बःबिगु खः।

बैठकय् प्रचण्डं नेपाली कांग्रेसया सभापति शेरबहादुर देउवा नाप छलफल लिपा जक पार्टीपाखे सुयात सरकारय् छ्वयेगु धका धागु खः। देउवायात नाप लाये धुका स्थायी कमिटी बैठक च्वनेगु, मखुुसा नेतापि नाप परामर्श याना नां छ्वयेगु आश्वासन बिगु खः। तर मन्त्रीया लागि शर्मा व भुसालया नां बिगुलि थःपिके परामर्श मयागु धका नेतापिन्स गुनासो यागु दु ।

असार २९ मंगलवाःमाओवादी केन्द्रं जनार्दन शर्मा व पम्फा भुसालयात मन्त्री दयकिइगु नेकपा माओवादी केन्द्रं जनार्दन शर्मा प्रभाकर व पम्फा भुसालयात मन्त्री दयकिगु जुगु दु। माओवादी केन्द्रया अध्यक्ष पुष्पकमल दाहाल प्रचण्डं निम्ह नेतापिनिगु नां बिगु धका छम्ह नेता धागु दु ।

शर्मायात अर्थ व भुसालयात ऊर्जा, सिँचाई तथा जलस्रोत मन्त्रालयया जिम्मेवारी बिइ त्यगु खः। थौं मंगलबाः सुथय् च्वंगु स्थायी कमिटी बैठकं सरकारयात सुयात छ्वयगु क्वछिगु मदुनि । छम्ह नेताया कथं अध्यक्ष प्रचण्डं नां सिफारिस मयायेत इनाप यागु खः व नेतापिन्स समावेशी व सक्षम टिम सरकारय् छ्वयेमाःगुलि बःबिगु खः। बैठकय् प्रचण्डं नेपाली कांग्रेसया सभापति शेरबहादुर देउवा नाप छलफल लिपा जक पार्टीपाखे सुयात सरकारय् छ्वयेगु धका धागु खः।

देउवायात नाप लाये धुका स्थायी कमिटी बैठक च्वनेगु, मखुुसा नेतापि नाप परामर्श याना नां छ्वयेगु आश्वासन बिगु खः। तर मन्त्रीया लागि शर्मा व भुसालया नां बिगुलि थःपिके परामर्श मयागु धका नेतापिन्स गुनासो यागु दु ।

नेपाली कांग्रेसया सभापति शेरबहादुर देउवाया नेतृत्वया सरकारय् जनता समाजवादी पार्टी न थौं मन्त्रीें मछ्वथु जुगु दु।

जनता समाजवादी पार्टीया सोमबाः यलय् क्वचागु केन्द्रीय कार्यकारिणी समितिया अनौपचारिक बैठकय् पार्टीयात वइगु मन्त्रालय निश्चित जुइव जक मन्त्री ल्ययेगु धका निर्णय यागु दु।

बैठकं अदालतया फैसलां लोकतन्त्रयात पुनश्चः ट्र्याकय लित हःगु निष्कर्ष पिकागु धका पार्टीया प्रचार विभाग प्रमुख डम्बर खतिवडां जानकारी बिगु दु।