निसः व १४ दँ पुलांगु नासःद्यः जिर्णेद्वारा सम्पन्न जूगु दु।

उगु नासः द्यः जिर्णेद्वारा सम्पन्न जुगु ज्याझ्वलय् थौं शनिबाः येँ महानगरपालिकाया मेयर विद्यासुन्दर शाक्यं नासः द्यःया उलेज्या यानादीगु खः। उलेज्यालिपा न्ववायेगु झ्वलय् मेयर शाक्यं सम्पदा संरक्षण व पुर्ननिर्माणया अभियानय् येँँ महानगरपालिका निरन्तर लगे जुयाच्वनागु दु धका धयादीगु दु।

मेयर शाक्यया हे वडा–२१ या सवल बहालय् थौं उगु नासः द्यःया उलेज्या जुगु खः। मेयर शाक्यं धयादीगु दु, ‘कला, संस्कृति व सम्पदाया संरक्षण व संर्वद्धनया अभियानय् जिपि योजना दयेका न्ह्या वनाच्वनागु दु।’ वयकलं २०७२ सालया भुखाचं ध्वस्त जुगु काष्ठमण्डप, देगः, चिभा नाप यक्को सम्पदा पुनर्निर्माणया अभियानय् येँ महानगरपालिकां यानाच्वनागु दु धका धयादीगु खः।

मेयर शाक्यं आर्थिक समृद्धि जुगु रैथाने थातथलोया छेँ मिया मेथाय् वने मागु अवस्था वइ मखु धका धयादीगु खः।

उगु ज्याझ्वलय् बागमती प्रदेशया माननीय डाक्टर अजयक्रान्ति शाक्य, पूर्वमन्त्री कृष्णगोपाल श्रेष्ठ न थःथःगु खँ तयादीगु खः।

वंगु २४ घण्टाया दुने येँ जक २३० म्हेसित कोरोना सक्रमण जूगु दु।

अथेहे यलय् ८५, झापाय् ७४, कास्कीइ ५५, ख्वपय् ४२, मोरङय् ३८, चितवनय ३०, सुनसरीइ २७, मकवानपुरय् २०, रुपन्देही व नवलपरसी पूर्वय् १३÷१३, काभय् ११ व दाङय् १० म्हेसित कोरोना संक्रमित जूगु दु।

वंगु २४ घण्टाया दुने येँ जक २३० म्हेसित कोरोना सक्रमण जूगु दु।

अथेहे यलय् ८५, झापाय् ७४, कास्कीइ ५५, ख्वपय् ४२, मोरङय् ३८, चितवनय ३०, सुनसरीइ २७, मकवानपुरय् २०, रुपन्देही व नवलपरसी पूर्वय् १३÷१३, काभय् ११ व दाङय् १० म्हेसित कोरोना संक्रमित जूगु दु।

वंगु २४ घण्टाया दुने देयन्यक ९९४ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं ६१३७ म्हेसिगु पीसीआर परीक्षणय् ७७७ म्ह व ३७०३ म्हेसिगु एन्टिजेन परीक्षणय् २१७ म्ह याना ९९४ म्ह संक्रमण पुष्टि जूगु दु।

अथेहे २४ घण्टाया दुने कोरोना संक्रमणया कारण १२ म्ह सीउगु दु सा १३६८ म्ह संक्रमणमुक्त जूगु दु। आःतक देयन्यक कोरोना भाइरसया सक्रिय संक्रमितपि २७ हजार ३५५ म्ह दु।

उकिमध्ये २५ हजार ७०८ म्ह होम आइसोलेसनय् व १६४७ म्ह संस्थागत आइासोसलय् च्वना च्वंगु दु।

मिलिनियम च्यालेन्ज कर्पोरेसन (एमसीसी) या उपाध्यक्ष फतिमा सुमारं अर्थमन्त्री जनार्दन शर्मा नापलाउगु दु।

उपाध्यक्ष सुमार व अर्थमन्त्री शर्मा दथुइ शनिबाः सिंहदरबारय् अर्थ मन्त्रालय नापलाउगु दु। थौं शनिबाः जुगु उगु भेटय् उपाध्यक्ष सुमारं संसदं याकन एमसीसी अनुमोदन याना कार्यान्वयनय् यकेत इनाप याउगु दु धका अर्थमन्त्रीया सचिवालयं धाउगु दु।

अर्थमन्त्री शर्मां एमसीसी अनुमोदन यायेगु वा मयायेगु धइगु विषय आः न छलफलय् दु धका धाउगु दु।