वंगु २४ घण्टाया दुने देयन्यक ५ हजार २८५ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं मंगलवाः बिगु जानकारी कथं थीथी जिल्लाय् १७ हजार १४७ म्हेसिगु पीसीआर परीक्षणय् ५ हजार २८५ म्हेसित कोरोना पुष्टि जुगु दु।

थ्व नाप अःतक नेपालय् कोरोना संक्रमितपि ५ लाख ६६ हजार ५८७ म्ह थ्यंगु दु। अथेहे, २४ घण्टाय् ६ हजार ८९८ म्ह कोरोना संक्रमणमुक्त जुगु दु ।

थ्व नाप कोरोना संक्रमण जुया कोरोनामुक्त जुपि ४ लाख ५४ हजार ३४४ म्ह थ्यंगु दु। नेपालय् सक्रिय संक्रमितपि १ लाख ४ हजार ७८९ म्ह थ्यंगु दु।

क्वारेन्टाइनय् ७२५ म्ह थ्यंगु दु। स्वास्थ्य तथा जनसंख्या मन्त्रालयं बिगु जानकारी कथं देयन्यक थप ६८ म्ह सीगु दु। थ्व नाप नेपालय् कोरोना सीपि ७ हजार ४५४ म्ह थ्यंगु दु।

विवेकशील साझा दलया नेता उज्वल थापा मन्त।

वयकःया उपचार झ्वलय् थौं मंगलवाः ४ बजे जुया २५ मिनेटय् मदुगु खः।

कानुन व्यवसायपि नाप छलफल लिपा प्रधानन्यायाधीश चोलेन्द्रशम्सेर जबरा संवैधानिक इजलास गठनया मापदण्ड हिलेगु तयार जुग दु।

आ नियमावली संशोधन जूसा वरिष्ठता आधारय् संवैधानिक इजलास गठन जुइ। अथे जूसा प्रतिनिधीसभा विघटनया मुद्दाय् सू सू न्यायाधीश दुरु प्रधानन्यायाधीश चोलेन्द्रशम्सेर जबरा स्वतः संवैधानिक इजलासमा दइ।

संविधानय् प्रधानन्यायाधीशया नेतृत्वय् ५ सदस्यीय संवैधानिक इजलास गठन जुइगु व्यवस्था दु। अथेहे आः मापदण्ड फेरबदल लिपा वरिष्ठतम न्यायाधीश दीपककुमार कार्की प्रधानन्यायाधीश लिपा वरिष्ठतम न्यायाधीश खः।

अथेहे मेपि न्यायाधीश मीरा खड्का, न्यायाधीश हरिकृष्ण कार्की, न्यायाधीश विश्वम्भरप्रसाद श्रेष्ठ व न्यायाधीशमध्ये हरिकृष्ण कार्की इजलासय् मच्वनेगु खःसा न्यायाधीश ईश्वरप्रसाद खतिवडा जुइफु।

सरकारं वातावरणीय प्रदूषण म्हो यायेत साउन १ गतेनिसें ४०गू माइक्रोन सिबें सालू प्लाष्टिक प्रतिबन्ध याःगु दु ।

सोमबाः वातावरण विभागया महानिर्देशक मुकुन्द प्रसाद निरौलां न्ह्यब्वःगु विज्ञप्तिइ सपिङ मल लिसें डिपार्टमेन्टल व दक्व प्रकारया व्यापारी प्रतिष्ठानं प्लाष्टिकया झोला छ्यलिगु सट्टा जुट व सुतीया झोजा छ्यलेत तकं इनाप यानादिल।

सरकारं ४०गू माइक्रोन सिबें सालू प्लाष्टिक वा सिट उत्पादन याइगु कम्पनी वा उद्योगपिन्त पुलाँगु मेसिन सट्टा न्हूगु मेसिन जडान यायेत प्रोत्साहन कथं पूँजी अनुदान उपलब्ध यायेगु व्यवस्था आर्थिक वर्ष २०७८÷७९ या बजेटय् याःगु दु।

सोमवाः ४५ अंक घटे जुगु सेयर कारोबार मापक नेप्से परिसूचक सोमवाः दोहोरो अंकं घटे जुगु खः। ११ दशमलव ६८ प्रतिशतं घटेर नेप्से परिसूचक २ हजार ७ सय ७१ दशमलव १५ अंकय् क्वहावगु दु।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ३ दशमलव ६९ अंकं कहावंगु दु। मंगलवमः नेप्से परिसूचक नाप सेयर कारोबार रकम न कुहावंगु दु। आइतवाः १७ अर्ब रुपैयाँ थ्यंगु कारोबारया ऐतिहासिक रेकर्ड कायम जुगु खःसा सोमवाः १३ अर्ब च्वय् कारोबार जुगु खः । मंगलवाः ९ अर्ब रुपैया न कारोबार जुइ मफुत ।

मंगबवाः न्हिच्छि यक ९८ हजार ६ सय ७ कारोबारपाखे २१६ कम्पनीया १ करोड ९७ लाख ८३ हजार ३५४ कित्ता सेयर किनबेच जुगु खः। कारोबार रकम धासा ८ अर्ब ५९ करोड ८१ लाख ६० हजार ११७ रुपैयाँय् रोके जुगु दु। मंगलवाः विकास बैंक व फाइनान्स कम्पनीया समूहगत सबइन्डेक्स अप्वोगु दु धासा बाँकी सबइन्डेक्स घटे जुगु दु।

सोमवाः थे यक्को गुमे यागु शिर्ष थासय् हाइड्रोपावर कम्पनीपिनिगु सेयर भाः खनेदुगु खः। लुम्बिनी विकास बैंक, समिट माइक्रोफाइनान्स, महालक्ष्मी विकास बैंक, नेपाल पुनर्बिमा कम्पनी लगायतया सेयर थहावंगु दु।