नरदेवीस्थित आयुर्वेदिक अस्पतालय् जेठ १ गतेनिसें ५० वेडया आइसोलेसन न्ह्याइगु जूगु दु ।

येँ महानगरपालिया मेयर विद्यासुन्दर शाक्यं खँ ल्हासेदीसे अस्पताल व्यवस्थापन पक्षं थथे निर्णय याःगु खः ।

गु सहलहया नितिं महानगर मेयर  शाक्य नाप उपमेयर हरिप्रभा खड्गी श्रेष्ठ, १८ वडाध्यक्ष न्हुच्छेकाजी महर्जन, २२ वडाध्यक्ष चिनीकाजी महर्जनपि अस्पतालय् वंगु खः । उगु इलय् मेयर शाक्यं महामारीया सामना यायेत अस्पतालयाके भौतिक संरचनाया नापं जनशक्ति नं दुगुलिइ थुकियात थप व्यवस्थित यायेत महानगरं ग्वाहालि उपलब्ध याकेगु धयादिल ।

‘आइसोलेसनय् दुपिं विरामीयात थप वासः यायेमाःसा अस्पताल छ्वयेगु व अस्पतालय् अक्सिजन थेरापी जक यानां गाःपिं विरामीयात थुखे हयेज्यूगु संजाललिसेंया आइसोलेसन दयेकेनु, थुकिं अस्पतालया चाप कुहांवइ’ शाक्यं धयादिल ।

अस्पतालया निर्देशक डा. प्रदीप केसीं उपकरण अले मेगु सामाग्रीया लागिं व नियमित खर्च यायेमाःगु ज्याया लागिं महानगरं स्रोत उपलब्ध याकाब्यूसा अस्पतालय् आइसोलेसन न्ह्याकेफइगु धयादिल ।

‘अस्पतालया क्षमता ११८ वेडया खः, शुरुवातय् झीसं ५० वेडनापं सेवा न्ह्याकेफइ । आवश्यकताया लिधंसाय् थुकियात विस्तार यायेफइ’ निर्देशक केसीं धयादिल ।

अक्सिजन थेरापिलिसेंया आइसोलेसन न्ह्याकेत १८ वडाया वडाध्यक्ष न्हुच्छेकाजी महर्जनं संयोजन यानादीगु धाःगु दु ।

वंगु २४ घण्टाया दुने स्वनिगलय् ३९७२ म्हेसित कोरोना भाइरस संक्रमण पुष्टि जूगु दु ।

स्वास्थ्य तथा जनसंख्या मन्त्रालयया कथं  थौं येँ जक ३१६३ म्हेसित कोरोना सक्रमण पुष्टि जूगु दु।

अथेहे यलय् ५६७ म्ह व ख्वपय् २४२ म्ह याना स्वनिगलय् जम्मा ३९७२ म्हेसित संक्रमण पुष्टि जूगु दु ।

अथेहे येँ जक आःतक २४ हजार ५३३म्ह, यलय् ४९७४ म्ह व ख्वपय् २९४५ म्ह सक्रिय संक्रमितपि दु।

थौं चान्ह्य १२ बजेनिसे नेपालय् अन्तर्राष्ट्रिय हवाई उडान बन्द जुइगु दु।

सरकारं नेपालय् महामारी नियन्त्रणया लागि धासे भारत नाप वाःा निगु उडान त्वता दक्को अन्तर्राष्ट्रिय हवाई उडान बन्द यायेगु निर्णय यागु दु।

न्हापागु चरणय् वैशाख मसान्ततक हवाई उडान बन्द जुइ। त्रिभुवन अन्तर्राष्ट्रिय विमानस्थल कार्यालयया कथं लिपागु कथं अन्तर्राष्ट्रियपाखे ५१ गु उडान–अवतरणया तालिका तय जुगु खः 

थौं नेपालपाखे २६ गु उडान जुइगु व २५ गु अवतरणया तालिका दुगु खः।

 वंगु २४ घण्टाया दुने ९०७० म्हेसित कोरोना भाइरस संक्रमण पुष्टि जुगु दु ।

स्वास्थ्य तथा जनसंख्या मन्त्रालयया कथं २० हजार ३६७ म्हेसिगु पीसीआर परीक्षणय् ८९७० म्ह व ७७५ म्हेसित एन्टिजेन परीक्षणय् १०० म्ह याना ९०७० म्हेसित संक्रमण पुष्टि जूगु दु ।

वंगु २४ घण्टाय् कोरोना भाइरस संक्रमणं ५४ म्हेसिगु ज्यान वंगु दु ।

अथेहे २७०७ म्ह संक्रमणमुक्त जुगु दु ।

शेयर बजार परिसूचक नेप्से थौं बिहीवाः १२ अङ्क स्वया अप्वो घटे जुगु दु ।

नेप्से थौं १२ दशमलव ४७ अङ्क घटेर जुया २६ सय ३७ दशमलव १३ अङ्कं थ्यंगु दु ।

थौं व्यापार समूहया शेयर ६२ दशमलव ९९ अङ्क, होटल व पर्यटनया ४४ दशमलव ४, हाइड्रोपावरया ४९ दशमलव ३९, निर्जीवन बीमाय् १३० दशमलव ३१, माइक्रोफाइनान्सया ६३ दशमलव ८५ व जीवन बीमा समूहया शेयर २३९ दशमलव ३३ अङ्क घटे जुगु दु । थौं बैंकिङ समूहया शेयर सात दशमलव ११ अङ्क, फाइनान्सया तीन दशमलव ५ व लगानी समूहया शेयर धाःसा शून्य दशमलव १५ अङ्कं बढे जुगु दु ।

थौं २१६ कम्पनीया छगु करोड ५९ लाख कित्ता शेयर ६ अर्ब १ करोड रुपैयाँया कारोबार जुगु दु।

दकलय् अप्वो हाइड्रोइलेक्ट्रिसिटी इन्भेस्टमेन्ट व विकास कम्पनीया ४६ करोड रुपैयाँया शेयर कारोबार जुगु दु। थौं विशाल बजार कम्पनीया शेयर १० प्रतिशत घटे जुगु दु । सिंगटी हाइड्रोया शेयर गुंगु प्रतिशत स्वया अप्वो घटे जुगु दु ।