Display Style:
Column Style
मन्त्रिपरिषद्या निर्णय : नेपालय् नं खोप उत्पादन याकेगु
दिल्लागा दशमी ११४१,साउन १९ मंगलवाः
मन्त्रिपरिषद्या थौैं च्वंगु मुँज्यां ओली सरकारं निस्वंगु भूमिसम्बन्धी समस्या समाधान आयोग खारेज यायेगु निर्णय याःगु दु । देवीप्रसाद ज्ञवाली नेतृत्वया आयोग खारेज याःगु खः ।
मुँज्यां कोरोना खोपया लागि एसियाली विकास बैंकया १६५ मिलियन डलर अर्थात् १९ अर्ब ५८ क्वःति ध्येबा सहुलियतपूर्ण ऋण ग्वहालि स्वीकृत याना खोप उत्पादन याइगु कम्पनीयात अनुमति बिइगु निर्णय याःगु दु ।
अथेहे मन्त्रिपरिषद मुँज्यां कोभिड–१९ निषेधाज्ञाया जूगु ई बैशाख १६ थुखेया व्यक्तिगत घटना दर्ताया विलम्ब शुल्कय् छुट बिइगु निर्णय याःगु दु । शिक्षक सेवा आयोगया पदाधिकारीपिं नियुक्ति यायेगु गर्ने निर्णयलिसें मधु रेग्मी नायः लिसें डिल्लीराम रिमाल, नन्दकुमारी महर्जन दुजः जुयादिगु दु ।
अथेहे नेपाल रेल्वे कम्पनीया महाप्रबन्धक गुरुप्रसाद भट्टराईं आचरण विपरीत ज्या यागुलिं स्पष्टीकरण न्यनेगु निर्णय जूगु कानूनमन्त्री ज्ञानेन्द्रबहादुर कार्कीं न्ह्यथनादिल ।
मुँज्यां राष्ट्रिय चिकित्सा शिक्षा न्हापांगु संशोधन नियमावली २०७८ स्वीकृत याःगु दु धाःसा सहसचिव हरिप्रसाद मैनालीयात बढुवा याना अतिरिक्त समूहलय् पदस्थापन यायेगु निर्णय याःगु दु ।
देयन्यक थप ३३८३ म्ह संक्रमण पुष्टि
लहानान्युज | दिल्लागा दशमी ११४१,साउन १९ मंगलवाः
वंगु २४ घण्टाया दुने थप ३ हजार ३८३ म्ह कोरोना भाइरस संक्रमण पुष्टि जुगुु दु।
१० हजार ६३८ म्हेसिगु नमुना पीसीआर परीक्षणय् २ हजार ४४८ म्ह व ६ हजार ८० एन्टिजेन परीक्षणय् ९३५ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धागु दु।
अथेहे २४ घण्टाया दुने कोरोना संक्रमणं थप २४ म्ह सीगु दु सा १ हजार ९९४ म्ह कोरोनामुक्त जुगु दु।
२७ गते तक निषेधाज्ञा जारी
लहानान्युज | दिल्लागा दशमी ११४१,साउन १९ मंगलवाः
जिल्ला प्रशासन कार्यालय येँ न साउन २७ गते तक निषेधाज्ञा थप यागु दु।
प्रमुख जिल्ला अधिकारी कालीप्रसाद पराजुलीं थौं मंगलबाः छगु आदेश जारी यासे साउन २१ गते निसे २७ गते तक निषेधाज्ञा जारी यागु दु।
निषेधाज्ञाया इलय् सभा, सम्मेलन, पार्टी प्यालेस, सिनेमा हल, रेष्टुरेन्ट, डान्सबार, दोहोरी, नाचघर, क्लव, स्वीमिङ पुल, मनोरञ्जन स्थान, संग्रहालय, रंगशालाय् दर्शक सहितया कासा व मनूपिनिगु हुलमुल नाप मेमेगु ज्याझ्व सञ्चालन यायेत प्रतिवन्ध तःगु दु।
विद्युत प्राधिकरणया कार्यकारी निर्देशकय् कुलमान हयेगु तयारी
लहानान्युज | दिल्लागा दशमी ११४१,साउन १९ मंगलवाः
सरकारं नेपाल विद्युत प्राधिकरणया कार्यकारी निर्देशकय् हाकन कुलमान घिसिङयात हयेगु तयारी यागु दु।
ऊर्जा, जलस्रोत तथा सिञ्चाइ मन्त्री पम्फा भुसालं मंगलबाः जक प्राधिकरणया कार्यकारी निर्देशक हितेन्द्रदेव शाक्ययागु राजीनामा बिया ग्वाहालि यायेत इनाप यागु खः। मन्त्री भुसालं बालुवाटारय् प्रधानमन्त्री शेरबहादुर देउवाया हे उपस्थितिइ कार्यकारी निर्देशक शाक्ययात सःता राजीनामा फ्वंगु खः।
कार्यकारी निर्देशक शाक्यं धासा छु न लिसः बिगु मदुनि। तर प्रधानमन्त्री देउवा राजीनामा मफ्वतले बिइ मखु धका स्रोत पाखे धागु दु। प्रधानमन्त्रीया निजी सचिवालयं धासा शाक्य हटे जुलकि कुलमान घिसिङयात नियुक्त यायेगु प्रक्रिया न्ह्यने यकेत उर्जा मन्त्रीयात निर्देशन बिगु दु धका धागु दु।
कुलमान घिसिङयात प्राधिकरणय् लित हयेत नेकपा माओवादीया अध्यक्ष पुष्पकमल दाहाल ‘प्रचण्ड’ न प्रधानमन्त्री देउबा नाप छलफल याये धुकुगु दु।
मेलम्ची खानेपानी आयोजनाया भविष्य संकटय् लाःगु सरकारया स्वीकारोक्ति
दिल्लागा दशमी ११४१,साउन १९ मंगलबाः
प्रतिनिधिसभा अन्तर्गतया विकास तथा प्रविधि समितिं खुसि बाः वयाः मेलम्ची खानेपानी आयोजनाय् लाःगु क्षतियात अध्ययन यायेत सरकारया ध्यानाकर्षण याकूगु दु ।
सिंहरदरबारय्च्वंगु समितिया मुँज्यां आयोजनाय् लाःगु क्षतिया अध्ययन यायेत विज्ञतय्गु पुचः दयेकाः दीर्घकालीन समाधान ज्यंकेत सरकारयात निर्देशन ब्यूगु दु । खानेपानी आयोजना सञ्चालनया नितिं २१दँनिसें न्ह्यानाच्वंगु कुतः अले लगानी सुनिश्चित यायेत सिन्धुपाल्चोकया भौगर्भिक अवस्था अध्ययन यायेत विज्ञत दुथ्याःगु संरचना दयेकेत समितिं धागु दु ।
आयोजनाय् लाःगु क्षतिलिपाया पुनर्निर्माणया नितिं अन्तरमन्त्रालय समन्वय यायेत अले उकिया नितिं माःकथंया बजेट फ्यायेत न समितिं प्रधानमन्त्री व मन्त्रिपरिषद्या ज्याकूलिसे सरोकारवाला मन्त्रालयतय्त निर्देशन ब्यूगु दु ।
अथेहे याङ्ग्री व लार्के खुसिया लः मेलम्चीइ क्वफाये न्ह्यः अनया भौगर्भिक अवस्थाया विस्तृत अध्ययन यानाः प्रतिवेदन तयारी जूगु लिधंसाय् जक निगूगु चरणया ज्या न्ह्याकेत समितिं धागु दु । अथेहे मेलम्ची व हेलम्बु लागाय् खुसि बाः वयाः प्रभावित जूपिनिगु माःकथंया व्यवस्थापन, राहत व पुनस्र्थापना यायेत न समितिं सरकारयात निर्देशन ब्यूगु दु ।
मुँज्याय् समितिया दुजःपिन्सं विस्तृत अध्ययन मयाःसें आयोजनाया ज्या याःगु धासें सरकारप्रति तं प्वंकूगु खः । मुँज्याय् खानेपानी मन्त्रालयया छ्यान्जे अले उगु आयोजना विकास समितिया नायः प्रमिला देवी शाक्य बज्राचार्यं आयोजना स्वयां च्वयेया लागाया भौगोलिक अवस्थाबारे अध्ययन यायेत एडीबीयात पौ च्वयेधुंकूगु जानकारी बियादिल ।
वय्कलं आयोजनाया भविष्य हे संकटय् लाःगुलिं अन खनेदुगु समस्या ज्यंकेत सम्बन्धित फुक्क पक्षया ग्वहालि आवश्यक जुइगुलिइ बः बियादिल ।
