पर्सा जगरनाथपुरय् थप २५ म्हेसित कोरोना भाइरस संक्रमण पुष्टि जुगु दु।

शुक्रवाः पर्साय् थपे जूपि ७५ संक्रमितमध्ये २५ म्ह जगरनाथपुर गाउँपालिकायापि खः।

गाउँपालिकाया वडा नम्बर ४, ५ व ६ य् ४० म्हेसिगु स्वाब नमुना संकलन यागुलि पीसीआर परीक्षणय् २५ म्हेसित कोरोना संक्रमण पुष्टि जुगु खः।

वडा नम्बर ४ य् छम्ह, वडा नम्बर ५ य् गुम्ह, वडा नम्बर ६ य् १५ म्हेसित कोरोना संक्रमण पुष्टि जुगु दु धका गाउँपालिकाया स्वास्थ्य शाखां धागु दु ।

ख्वप् कोभिड–१९ या सङ्क्रमण व सीपि अप्वोया वंगु दु। सङ्क्रमण जूपि मध्ये ९५ प्रतिशत होमआइसोलेशनय् च्वनाच्वंगु दु।

कोरोना भाइरस सङ्क्रमणया कारण बिहीवा छन्हु हे १४ म्हेसिगु ज्यान वंगु दु। ख्वपय् शुक्रवाः तक २७१ म्ह कोरोना भाइरस सङ्क्रमणया कारण सी धुकुगु दु धका जिल्ला स्वास्थ्य कार्यालय भक्तपुरं धागु दु।

न्हुु भेरियन्ट नाप निक्वःगु लहर कोरोना भाइरस सङ्क्रमण फैलै जुगुलि ख्वपय् सङ्क्रमण व सीपिनिगु ल्याः अप्वोया वंगु दु धका कार्यालयया प्रमुख कृष्ण मिजारं जानकारी बिगु दु।

वयकःया थाय् जिल्लाय् आःतक १७ हजार ५७६ कूल सङ्क्रमित दु सा ४५५५ सक्रिय सङ्क्रमितपि दु । अस्पताल नाप थीथी आइसोलेसनय् २३९ म्ह सङ्क्रमितपि दु। अथेहे होमआइसोलेशनय् ४१३४ म्ह च्वनाच्वंगु दु। आःतक १२ हजार ९९० म्ह सक्रमणमुक्त जुइ धकुगु दु।

सङ्क्रमणया कारण ख्वपय् छन्हु हे १४ म्ह तक मदुगु दु। वंगु निवाः निसे लगातार सङ्क्रमितपि सीनाच्वंगु दु। सक्रिय सङ्क्रमित व सीपि दकलय् अप्वो मध्यपुरथिमि, वया लिपा सूर्यविनायक, वया लिपा ख्वप नगरपालिकाय् दु।

‘वा व सहकालया द्य’ बुंगद्यःया थौं विचाः पूजा खः ।

दँय् दँसं बुंगद्यः बुङ्मती यकूगु प्यन्हु लिपा अथे पूजा यायेगु चलन कथं थौं पुजाः जुइगु खः ।

बुंगद्यःयात यलं बुङ्मती यकिइगुु प्यन्हु दकयका गुकथं तयातःगु येँ, यल व ख्वपय् बुङ्मती वइगु चलन दु धका पानेजु सङ्घया अध्यक्ष यज्ञरत्न शाक्यं धागु दु ।

वयकलं धयादीगु दु, बुंगद्यःयात आः तयातःगु अस्थायी देगलय् सुथंनिसे स्थानीयपिन्स पूजाया दर्शनया शुरु जुइ धुकुगु दु धका वयकल धयादीगु दु ।

थौंकन्ह्य देशय् निक्वंगु लहर न्हुगु कोभिड भेरियन्टया कारण थुगु पटक भक्तजनपि पूजाया लागि वइमवइगु धासा सिइमदु धका शाक्यं धयादीगु दु।

वंगु मङ्सिय् वृष्टिदेवयात बुङ्मतीइ यलया तःबहाल मन्दिर हया तःगु खः ।

स्वनिगः दुने दकलय् ताहाकःगु जात्राया रूपय् बुंगःद्यःया जात्रा हिन्दू नाप बौद्ध धर्मावलम्बीपिन्स न माने यानावया च्वंगु दु ।

जनता समाजवादी पाटीया अध्यक्ष डा. बाबुराम भट्टराई न सरकारया सिफारिसय् राष्ट्रपतिं न्हुगु चुनावया तिथि संविधान खारेज यायेगु प्रपञ्च खः धका धागु दु।

शुक्रवाः चान्ह्यः संसद् भंग यासे राष्ट्रपति विद्या भण्डारीं कात्तिक २६ व मंसिर ३ या लागि तोके ,यागु चुनावया तिथिइ टिप्पणी यासे भट्टराई न थ्व मध्यावधि चुनाव मखुसे संघीय लोकतान्त्रिक गणतन्त्र व संविधान खारेज यायेगु प्रपञ्च खः धका धयादीगु दु।

‘दुने÷पिने प्रतिगामी शक्तिपिनिगु षडयन्त्र÷सेटिंगय् वंगु पुस ५ पाखे गु अलोकतान्त्रिक÷असंवैधानिक÷प्रतिक्रान्तिकारी यायेगु शुरू जुगु दु ।

उकिया कडी खः ओली–विद्या कुकर्म !’ धका वयकः न ट्वीटरय् च्वयादीगु खः। वयकः न च्वयादीगु दु ‘थ्व गुन मध्यावधि चुनाव मखु संघीय लोकतान्त्रिक गणतन्त्र व संविधान खारेज यायेगु प्रपञ्च खः। छप्प जुइ, प्रतिवाद याये !’