Display Style:
Column Style
डब्लुएचओ नेपाःयात माःगु ग्वहालि यायेत तयार
लहानान्युज | कछलाथ्व तृतीया ११४१,जेष्ठ १ सनिवाः
विश्व स्वास्थ्य संगठन डब्लुएचओं कोरोना भाइरसया महामारीलिसे ल्वानाच्वंगु नेपालयात आपतकालिन ग्वहालि माःगु धाःगु दु ।
शुक्रबाः नियमित पे्रस ब्रिफिङय् न्ववासें डब्लुएचओया प्रमुख टेड्रोस आदानोम ग्रेविसएससं नेपाललिसें भियतनाम, कम्बोडिया, थाइल्याण्ड व इजिप्ट थें जाःगु देय्तयेत नं ग्वहालि माःगु धायादिगु खः ।
वय्कलं नेपाललिसेंया देशय् संक्रमण लिसें ल्वायेत यक्वः हे संघर्ष यायेमालेफु नं धइदिल । वय्कलं सम्भव जुतेल माःगु ग्वहालि डब्लूएचओ नं यानाहे च्वनि धइदिल ।
चीनं सगरमाथा गइपिन्त रोक यात
कछलाथ्व तृतीया ११४१,जेष्ठ १ सनिवाः
चीनं तिब्बतपाखें सगरमाथा गय्गुलिय अस्थायी रुपं रोक याउगु दु ।
नेपालय् कोरोना संक्रमण अप्वःयावंगु व नेपालपाखेया आधार शिविरय् नं छुं छुं आरोहीपिं संक्रमण खनेदूगुलिं चीनं सावधानी यासें आरोहणय् रोक याःगु समाचार संस्था सिन्ह्वां न्ह्यथंगु दु ।
चिनिया सरकारी निकायं म्हिगः छगू सूचं पिथना सगरमाथा आरोहणया अनुमति बन्द यानागु जानकार बिउगु खः । चीनं थ्व सिजनय् ३८म्ह सगरमाथा गइपिन्त अनुमति बिउगु दु ।
गुकिइ दक्वले अपाः चिनिया नागरिक दु । तर नेपालं धाःसा थ्व सिजनय् ४०८म्हेसित अनुमति बिउगु दु ।
महामारीया हुनिं वंगु दँय् निगुली देशं सगरमाथा गयेगुलिइ अनुमति मबिउगु खः । मे महिना सगरमाथा गयेया नितिं बाँलागु ईकथं कयावयाच्वंगु दु ।
कोरोना वीरगञ्जया थीथी अस्पतालय् थप ११ म्ह मन्त
लहानान्युज | कछलाथ्व तृतीया ११४१,जेष्ठ १ सनिवाः
वीरगञ्जया थीथी अस्पतालय् कोरोना संक्रमणं थप ११ म्ह मन्त ।
नारायणी अस्पतालय् च्याम्ह, नेशनल मेडिकल बाबा होटलय् सञ्चालन जुयाच्वंगु कोरोना अस्पताल, प्रभु अस्पताल व स्पर्श मल्टी स्पेस्यालीटी हस्पिटलय् छम्ह छम्हेसिगु ज्यान वंगु दु । सीपि पर्साय् न्ह्यम्ह, बाराय् स्वम्ह व रौतहटय् १ छम्ह मदुगु खः।
नारायणी अस्पतालरौतहटया गढीमाई नगरपालिका–५ या ४८ दँ दुम्ह मिजंम्ह, वीरगञ्ज–१६ नगवाया ८५ दँ दुम्ह मिसाम्ह, बाराया जीतपुर सिमरा उपमहानगरपालिका–७ या ५० दँ दुम्ह मिसा, पर्साया बहुदरमाई नगरपालिका–४ डकैला बहुअरीया ५० दँ दुम्ह मिसाम्ह मदुगु खः ।
अथेहे ६५ दँ दुम्ह, वीरगञ्ज– १५ या ५९ दँ दुम्ह मिजंम्ह, पर्साया सखुवाप्रसौनी गाउँपालिकाया– २ या ३८ दँ दुम्ह मिजम्ह व बारा कलैया उपमहानगरपालिका– १७ ब्रम्हपुरीया ३४ दँ दुम्ह मिसाम्ह नारायणी अस्पतालय मदुगु खः। अथेहे नेशनल मेडिकल कलेजं बाबा होटलय् सञ्चालन याना तःगु कोरोना अस्पतालय् जीतपुर सिमरा–४ च्वम्ह ५५ दँ दुम्ह मिजंम्ह मदुगु खः। वीरगञ्ज–१० च्वम्ह ४६ दँ दुम्ह प्रभु अस्पतालय् उपचार यायेगु झ्वलय् मदुगु खः ।
स्पर्श मल्टी स्पेस्यालिटी हस्पिटलय् वीरगञ्ज–१३ या ६८ दँ दुम्ह मिजंम्ह मदुगु खः।
सिभिल अस्पतालय् १५० बेड कोभिड अस्पतालय् रुपान्तरण
लहानान्युज | कछलाथ्व तृतीया ११४१,जेष्ठ १ सनिवाः
सिभिल अस्पतालय् १५० बेड कोभिड अस्पतालय् रुपान्तरण जूगु दु ।
शुक्रवाः वाग्मती प्रदेशया सामाजिक विकास मन्त्रालय व अस्पताल दथुइ छगु सम्झौता जुगु कथं अस्पतालय् कोभिडया बिरामीपिनिगु उपचार यायेगु निति दुई करोड २४ लाख ५० हजार रुपैयाँ अनुदान ग्वाहालि यागु दु। उगु रकम अख्तियारीया उल्लेख जुगु कथं अस्पतालं याइ ।
सम्झौता कथं १५० बेदया अस्पताल सञ्चालन यायेगु लागि मागु आर्थिक, भौतिक(बासः, उपकरण, भवन आदि) जनशक्ति लगायतया व्यवस्था अस्पतालं याइ। नाप अस्पतालं नियमित तोके याइगु ढाँचाय् बिरामीपिनिगु न्हिन्हि अवस्थाया विश्लेषण याना मन्त्रालयं स्वास्थ्य कार्यालय काठमाडौंयात प्रतिवेदन पेस याये मागु सम्झौताय् उल्लेख दु ।
उगु सम्झौताय् मन्त्रालयपाखे वरिष्ठ स्वास्थ्य प्रशासक डा.अर्जुनप्रसाद सापकोटा व अस्पतालपाखे कार्यकारी निर्देशक डा विद्यानिधि पौडेलं हस्ताक्षर यागु दु । थुगु सम्झौता शुक्रवाः निसे लागु जुइ धका अस्पतालं धागु दु ।
काँग्रेसया उपसभापति गच्छदारया जहान कोरोना संक्रमण मन्त
लहानान्युज | कछलाथ्व तृतीया ११४१,जेष्ठ १ सनिवाः
नेपाली काँग्रेसया उपसभापति विजयकुमार गच्छदारया जहान निर्मला कोरोना संक्रमण मन्त ।
शनिवाः सुथय् नर्भिक अस्पतालय् उपचार यायेगु झ्वलय् मदुगु धका काँग्रेस केन्द्रीय कार्यालयया मुख्यसचिव कृष्णप्रसाद पौडेलं जानकारी बिगु दु।
वयकः ताःईनिसे फोक्सो सम्बन्धी समस्यापाखे पीडित जुयादीम्ह खः। वयकःयात भारतया न्हुगु दिल्लीइ यकां न उपचार याये धुकुगु खः।
लोकतान्त्रिक आन्दोलनय् वयकःया महत्वपूर्ण योगदान दु धका मुख्यसचिव पौडेल धयादीगु दु ।
