Display Style:
Column Style
चीनं हःगु भेरोसेल खोप थौं निसें बिइगु
चिल्लागा, प्रतिपदा ११४१, चैत्र ३१ गते मंगलबाः
चीनं हःगु कोरोनाविरुद्धया खोप भेरोसेल ४०दँ निसें ५९दँया सर्वसाधरणयात थौंनिसें न्ह्याकूगु दु ।
थौंनिसें चालक व सहचालकलिसें अत्यावश्यक सेवाय् जुयाच्वंपिं १८दँनिसें ६०दँया नेपालीपिन्त खोप बिइगु निर्णय याःगु स्वास्थ्य तथा जनसंख्या मन्त्रालयं न्ह्यथंगु दु ।
स्वास्थ्यकःमी फार्मेसीया कर्मचारी, सार्वजनिक यातायातया चालक व सहचालकलिसें अत्यावश्यक सेवाय् जुयाच्वंपिं मनुतय्त चिनियाँ खोप बिइगु ज्याझ्वः दु ।
अथेहे ४०दँनिसें ५९दँया सर्वसाधरणपिन्सं नं खोप केन्द्रय् वना कोरोनाविरुद्धया खोप कायेफइगु मन्त्रालयं न्ह्यथंगु दु । थ्व खोप थौंनिसें वैशाख ५ गतेतक्क थीथी २३गू केन्द्रपाखें कायेफइगु मन्त्रालयं धाःगु दु ।
चीन अनुदानकथं बिउगु च्यागू लखः डोज खोप चैत १६ गते यँ थ्यंगु खः ।
नेपालय् कोरोना संक्रमण अप्वःल
चिल्लागा, प्रतिपदा ११४१, चैत्र ३१ गते मंगलबाः
नेपालय् कोरोना भाइरसया संक्रमण जुयाः लिपांगु २४घौदुने १३म्ह सीगु दु । लिपांगु छुं ई थुखय् संक्रमितया ल्या अप्वःगु क्यंगु दु ।
आतक कोरोनाया हुनिं ३द्व व ५३म्ह सीधुंकूगु दु । म्हिगः जक ५सः व ५९म्हेसिके संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं ४द्व ३सः व ७८म्हेसिया पीसीआर परीक्षण याःबलय् ४सः व ९६म्ह अले ७सः व २७म्हेसिया एन्टिजेन परीक्षण याःबलय् ६३म्हेसिके संक्रमण पुष्टि जूगु क्यंगु दु । थ्व ल्या लिपांगु लाया दकले उच्च खः ।
थप जूपिं मध्ये स्वनिगलय् जक २सः व ११म्ह दु । उकिइ मध्ये येँय् सछि व ५९म्ह, यलय् ४४म्ह अले ख्वपय् ८म्ह दु । थ्वहेदथुइ बाँकेया ४१म्ह, रुपेन्देहीया २९, पर्साया २५ अले मोरङया १३म्ह संक्रमित थप जूगु दु ।
नेपालय् आःतक २गु लख ८०द्व ५सः व २४म्हेसिके संक्रमण पुष्टि जूगु दु । आःतक संक्रमणमुक्त जूपिनिगु ल्या २गु लख ७४द्व सछि व ६५म्ह थ्यंगु दु । आः ३द्व ३सः व ६म्ह सक्रिय संक्रमित दु ।
कलाकार रामकृष्ण महर्जन धिनाः आकाझाकां मन्त
लहनान्युज | चौलाथ्व पारु ११४१,चैत्र ३१ मंगलवाः
किपूया कलाकार नाप च्वमि कलाकार रामकृष्ण महर्जन धिनाः थौं आकाझाकां मन्त ।
योग गुरु जुयाः योगायात निरन्तरता बियाः वयाच्वनादीम्ह धिनाः थौं मंगलवाः किपूया त्रिभुवन विश्वविद्यालयया गान्धी भवनय् योग स्यनाच्वंगु इलय् आकाझाकां ग्वःतुलेवं वय्कः छुं ईलिपा हे मदुगु खः ।
मदुम्ह धिनाःया च्वसां आपालं हे भिडियो संकिपाया नितिं बाखं जीवनयात्रा, मनू मखुम्ह मनू, चरित्र नांया भिडियो संकिपा लिसेलिसें आपालं भिडियो संकिपात भाजु धिनाः नं च्वयादीगु दु । मदुम्ह महर्जन धिनाः नं अतिकं बय् बय् जूगु संकिपा बांलाःम्ह मय्जु, बसन्त ऋतु संकिपा नं च्वयादीगु दुसा थःम्हं म्हूगु गांलिसें थीथी संकिपा व थीथी नेपालभाषाया म्यूजिक भिडियोय् स्यल्लाःगु जीवन्त अभिनय नं यानादीगु दु ।
नेपालभाषा साहित्य, संगीत, संकिपा ख्यःयात ल्यंकातयेमाःगु विचाः ज्वनाः आपालं धयाथें नेपालभाषा ख्यःयात हे प्राथमिकता बियाः पलाः न्ह्याकाः वया च्वनादीम्ह मदुम्ह महर्जन धिनाःया समकालीन कथं थौंकन्हय् अतिकं नांजाःम्ह बरिष्ठ निर्देशक च्वमि लिसें कलाकार पवन जोशीलिसे जानाः आपालं संकिपा निर्माण ज्याय् न्ह्यचिलादीगु खः ।
कमलपूखुया पुननिर्माणया ज्या सन्तोषजनक मजु, मेयर शाक्य
शोभा श्रेष्ठ | चौलाथ्व पारु ११४१,चैत्र ३१ मंगलवाः
येँ महानगरपालिकाया मेयर विद्यासुन्दर शाक्यं कमलपूखुया पुननिर्माणया ज्या सन्तोषजनक मजु धका धयादीसे ठेकेदार कम्पनीयात याकन ज्या सम्पन्न यायेत निर्देशन बियादीगु दु ।
येँ महानगरपालिका वडा–१ या अध्यक्ष भरतलाल श्रेष्ठ, सहरी पूर्वाधार विभागका इञ्जिनियर प्रेम श्रेष्ठ लगायतपि नाप कमलपूखली निरीक्षण यायेगु झ्वलय् मेयर शाक्यं अथे धयादीगु खः । निरीक्षणया झ्वलय् मेय।र शाक्यं जय धनञ्जय कडेँल निर्माण सेवा जेभीया आधिकारिक प्रतिनिधियात अथे धयादीगु खः। मेयर शाक्यं डिजाइन कथं ज्या जुइ माःगु निर्देशन न बियादीगु खः ।
मेयर शाक्यं निरीक्षणया झवलय्् कमलपूखुलि लः ज्याय्केगु ज्या जुयाच्वःगु जानकारी बिःगु दु। ‘चैत मसान्ततक ज्या क्वचायेकेत हामीले ठेकेदार कम्पनीयात अन्तिम मौका बियागु खः,’ शाक्यं पूखुलि क्यना, ‘छु दिं दुने हे पूखुलि लः ज्यायेकेगु तयारी दु धका धयादीगु खः। जिमिसं पुननिर्माणया झ्वलय् आकाश वइगु लः जायकेगु व्यवस्था यानागु दु धका धयादीगु खः।’
सहरी पूर्वाधार विभागया इञ्जिनियर प्रेम श्रेष्ठं आः पूखुलि करीब २० लाख लिटर लः तये धुकागु दु धका जानकारी बियादीगु खः। मेयर शाक्यं पूखुया प्यगु थासय् आकर्षक व संस्कृति खने दयक प्यगु मन्द व पूर्वपाखे मुल लुखाय् याना न्यागु मण्डप दइगु जानकारी बियादीगु दु।
उगु कमल पूखुलि चिल्ड्रेन पार्क, ल्वहिति, अपाङ्गमैत्री चःबि, जिम हल, उधान व सार्वजनिक थाय्या डिजाइन तयार यागु खः। करीब ६ करोड ३६ लाखया लगानीइ निर्माण जुगु उगु पूखुलि बास्तुशास्त्रया आधारय् निर्माण जुयाच्वःगु महानगरपालिकां धाःगु दु।
नेवाःतयेगु तःधंगु नख: पाहाँचह्रे क्वचाल
राम डंगोल | चिल्लागा, प्रतिपदा ११४१, चैत्र ३१ गते मंगलबाः
नेवाःतय्गु तःधंगु नखः पाहाँचह्रे असनय् द्यः ल्वाकुसें म्हिगः क्वचाल । पिशाच चर्तुदर्शी नं धाइगु पाहाँचः¥हे नखः स्वन्हूतक्क न्ह्याइगु या ।
न्हापांगु दिं त्वाः त्वाः पतिकं जमिनय् दुने च्वंगु लुकामाद्यः यात पितहया पूज्याना भ्वय् नयाँ न्ह्यइपुस्सेच्वंका हन । अथेहे निगूग दिं तान्त्रिक विधिकथं पुज्याना दयेकातःगु जाः मरःजा नकल । न्यादँ सिबें क्वःया मस्तय्त उगु मरःजा नकल धाःसा रोग ब्याधी मलाइगु जनविश्वास दु ।
पाहाँचः¥हे नखःया स्वन्हूया दिं म्हिगः असनय् द्यः ल्वाकल । पाहाँचःर्हेया स्वन्हुगु दिनय् असनय् वतु लुँमधि अजिमा, तेबहाः लुँमधि अजिमा व कंग अजिमाया खः ल्वाकूगु खः । असनय् असंभुलु अजिमाया न्ह्यःने खः ल्वाकूगु खः । असंमरु अजिमा लागाय् लुँमरि अजिमाया वतु खः व तेबाहाः खःयात दिकातइ अले कंग अजिमाया द्यःखतं चाःहिलेगु याइ । अनं लिपा तेबाहाः खःलिसे कंग अजिमालिसे मिप्वाः हिलाबुला याना काइगु खः । अथे मिप्वाः हिलाबुला याना काइगुयात हे द्यःखः ल्वाकेगु धाइगु खः ।
द्यः ल्वाकेगु भ्mवलय् असंया छेँ चतामरी, ल्वंचामरी ह्वलाहःगु खः । लिपांगु दिं असंया भिन्तुना गुथिं चतांमरी ह्वलिगु परम्परायात न्ह्याकावचयाच्वंगु दु । थ्वयां न्ह्यः पाहाँचः¥हेया निगूगु दिं चान्ह्य् तिन्ख्यलय् द्यः ल्वाकल । उगु इलय् लुँमरि अजिमा खः कथं वतुया लुँमरि खः व तेबाहाःया लुँमरि खः नापं कंग अजिमायात जात्रा यानाः यंकीगु खः ।
जात्राया झ्वलय् तिंख्यलय् लुँमरि अजिमाया वतु खः व तेबाहाया खः नापं दिकातइ । अले कंग अजिमाया खतं निगः हे द्यःखः चाःहिलेगु नापं वतु खःलिसे मिप्वाः हिलाबुला याना काइगु खः । उकियात हे द्यः ल्वाकेगु धाइ । अथे जात्रा याना हाकनं द्यःखः थःथःगु थासय् यंकेगु चलन दु ।
पाहां चःह्रेया झ्वलय् येँया थीथी द्यःपिनिगु जात्रा याइगु चलन दु । मूल रुपं लुँमरि अजिमा तेबाहा खः, लुँमरि अजिमा वतु खः व कंग अजिमाया जात्रा खःसा मेमेगु द्यःया नं खः कुबियाः जात्रा याना वयाच्वंगु दु । थ्व हे झ्वलय् येँया तक्ति अजिमा, लुँचुभुलु अजिमा, न्हाय्कंत्वाःया अजिमा, नरसिंह आजु, गणेद्यः नापं त्यंगः गणेद्यःया नं जात्रा यात । थःथःगु त्वाःया द्यःयात जात्रा यानाः थाय्थासय् चाःहिइकेगु याना वयाच्वंगु दु ।
