बाँकेय् कोरोना संक्रमणं थप ८ म्ह मन्त ।

जिल्ला कोभिड–१९ संकट व्यवस्थापन केन्द्र, बाँकेया फोकलपर्सनया कथं सीपि नेपालगन्जया खुम्ह, बर्दिया व कैलालीइ च्वपि छम्ह छम्ह मदुगु खः ।

नेपालगन्ज उपमहानगरपालिका वडा नं. ६ या ३४ दँ दुम्ह मिजंम्ह शुक्रवाः सुथय् १ः३० बजे भेरी अस्पतालय् मदुगु खः ।

अथेहे नेपालगन्ज उपमहानगरपालिका वडा नं. १८ या ५६ दँ दुम्ह मिसाम्ह चान्ह्य २ बजे मदुगु खः । नेपालगन्ज उपमहानगरपालिका वडा नं. ३ या ५२ दँ दुम्ह मिजंम्ह सुथय् ३ बजे भेरी अस्पतालय् मदुगु खः । नेपालगन्ज उपमहानगरपालिका वडा नं. १२ या ६० दँ दुम्ह मिसाम्ह सुथय् ३.३० बजे भेरी अस्पतालय् मदुगु खः।

अथेहे नेपालगन्ज उपमहानगरपालिका वडा नं. १० या ५४ दँ दुम्ह मिसाम्ह सुथय् ६ बजे मदुगु खः। नेपालगन्ज उपमहानगरपालिका वडा नं. ६ या ५४ दँ दुम्ह मिजंम्ह शिक्षण अस्पताल, नेपालगन्जय् सुथय् बिहान ६.५० बजे मदुगु खः । बर्दिया बारबर्दियाया ४७ दँ दुम्ह मिजंम्ह भेरी अस्पतालय् मदुगु खः ।

कैलाली टीकापुरया ४८ दँ दुम्ह मिसाम्ह चान्ह्य ११ः३० बजे भेरी अस्पतालय् हे मदुगु खः ।

नेपालय् आःतक ६५० म्ह पत्रकारपिन्त कोरोना सङ्क्रमण पुष्टि जुगु दु।

नेपाल पत्रकार महासङ्घया कथं देयन्यकं आःतक ६५०म्ह पत्रकार कोरोना भाइरस जुइ धुकुगु दु ।

उकि आः न २५२ म्ह सक्रिय सङ्क्रमित जुइ धुकुगु दु ।

प्रदेश नम्बर१ य् १८ म्ह, प्रदेश २ य् गुम्ह, वाग्मती प्रदेशय् १४म्ह, गण्डकीइ ७ म्ह, लुम्बिनीइ २७ म्ह, कर्णालीइ ३०म्ह, सुदूरपश्चिममा ३० म्ह व स्वनिगलय् ११७ म्ह पत्रकारपि सक्रिय सङ्क्रमित जुयाच्ंवगु दु ।

सङ्क्रमितपि ३२ म्ह अस्पतालय् उपचार जुयाच्वंगु दु सा प्यम्ह आईसीयूलय् उपचार जुयाच्वंगु दु ।

आःतक न्ह्यम्ह पत्रकारपिनिगु ज्यान वने धुकुगु दु ।

खसंसद सचिवालयया उपसचिव कोराना संक्रमणं मन्त ।

तनहुँ छेँ दुम्ह ५० दँ दुम्ह उपसचिव थौं शुक्रवाः सुथय् शहिद मेमोरियल अस्पताल कलंकीइ मदुगु धका परिवारं धागु दु ।

वयागु २२ गते स्वाब संकलन यागुलि कोरोना संक्रमण पुष्टि जुगु खः ।

छु ई न्ह्यः वयागु पत्थरीया अपरेशन जुगु खः ।

लुँया भाः तोलां छन्हु हे ११सय रुपैयाँ थहा वंगु दु ।

बिहीवाः  ९० हजार ६ सय रुपैयाँ कारोबार जुगु छापावाल लुँ थौं शुक्रवाः ९१ हजार सात सय रुपैयाँ थ्यंगु दु।

अन्तराष्ट्रिय बजारय् लुँया भाः नेपाली बजारय् प्रभावित जुगु धका नेपाल सुन चाँदी व्यवसायी महासंघं धागु दु ।

अथेहे थौं शुक्रवाः तेजाबी लुँया भाः ९१ हजार दुई सय रुपैयाँ तोके यागु दु । बिहीवाः छापावल लुँया भाः ९० हजार एक सय रुपैयाँ तोलां कारोबार जुगु खः।

थौं वहः तोलाय् झीन्यातका थहा वंगु दु । म्हिगः १३१५ रुपैयाँ कारोबार जुगु वहः थौं तोलाया १३३० रुपैयाँ तोक यागु दु ।

सघीय सांसद जीवनराम श्रेष्ठं थम्हं ५० बेड क्षमताया आइसोलेसन तयार यायेधुनागु धका धयादीगु दु ।

नेपाल सरकारं डाक्टर व नर्सया व्यवस्था यानाब्यूसा ५० शैय्याया आइसालेसन तयारी अवस्थाय् दुगु धका श्रेष्ठं धयादिगु खः। सासद श्रेष्ठं येँया स्वयम्भूस्थित आनन्दकुटी विद्यापीठया प्रयोगविहिन अवस्थाय् लानाच्वंगु भवनय् ५० बेड क्षमताया उगु आइसोलेशन दयेकादीगु खः ।

सांसद श्रेष्ठं थःगु क्षेत्र विकासया लागिं फ्याःगु ४ करोड मध्ये १ करोड ५० लाख ४० हजार तका छ्यलाः येँ क्षेत्र नम्बर ८ य् आइसोलेसन दयेकादीगु खः ।

अथेहे सांसद श्रेष्ठं थःगु क्षेत्रय् मास्क व ल्हाः सिलेगु साब्वं वितरणयात नं निरन्तरता बियाच्वनादीगु दु ।

कोरोना भाइरसबारे सचेतना थनाः चःमति, क्वयया विजेश्वरी व मखं त्वालय् यानाः ३ हजार मास्क व साब्वं इनेधुनागु श्रेष्ठं धयादिल ।

मास्क अले साब्वं वितरणया झ्वलय् १५ वडाया वडाध्यक्ष लिसें येँ महानगरपालिकाया प्रवक्ता ईश्वरमान डंगोल, सदस्य निमा घ्याम्चो, आनन्दराम गौतम, मैयाँलक्ष्मी महर्जन व अनिता परियारया नं उपस्थिती दुगु खः ।