वंगु २४ घण्टाया दुने ९०७० म्हेसित कोरोना भाइरस संक्रमण पुष्टि जुगु दु ।

स्वास्थ्य तथा जनसंख्या मन्त्रालयया कथं २० हजार ३६७ म्हेसिगु पीसीआर परीक्षणय् ८९७० म्ह व ७७५ म्हेसित एन्टिजेन परीक्षणय् १०० म्ह याना ९०७० म्हेसित संक्रमण पुष्टि जूगु दु ।

वंगु २४ घण्टाय् कोरोना भाइरस संक्रमणं ५४ म्हेसिगु ज्यान वंगु दु ।

अथेहे २७०७ म्ह संक्रमणमुक्त जुगु दु ।

शेयर बजार परिसूचक नेप्से थौं बिहीवाः १२ अङ्क स्वया अप्वो घटे जुगु दु ।

नेप्से थौं १२ दशमलव ४७ अङ्क घटेर जुया २६ सय ३७ दशमलव १३ अङ्कं थ्यंगु दु ।

थौं व्यापार समूहया शेयर ६२ दशमलव ९९ अङ्क, होटल व पर्यटनया ४४ दशमलव ४, हाइड्रोपावरया ४९ दशमलव ३९, निर्जीवन बीमाय् १३० दशमलव ३१, माइक्रोफाइनान्सया ६३ दशमलव ८५ व जीवन बीमा समूहया शेयर २३९ दशमलव ३३ अङ्क घटे जुगु दु । थौं बैंकिङ समूहया शेयर सात दशमलव ११ अङ्क, फाइनान्सया तीन दशमलव ५ व लगानी समूहया शेयर धाःसा शून्य दशमलव १५ अङ्कं बढे जुगु दु ।

थौं २१६ कम्पनीया छगु करोड ५९ लाख कित्ता शेयर ६ अर्ब १ करोड रुपैयाँया कारोबार जुगु दु।

दकलय् अप्वो हाइड्रोइलेक्ट्रिसिटी इन्भेस्टमेन्ट व विकास कम्पनीया ४६ करोड रुपैयाँया शेयर कारोबार जुगु दु। थौं विशाल बजार कम्पनीया शेयर १० प्रतिशत घटे जुगु दु । सिंगटी हाइड्रोया शेयर गुंगु प्रतिशत स्वया अप्वो घटे जुगु दु ।

बाँकेय् ९२७ म्हेसिगु नमुना परीक्षणय् ७०० म्ह संक्रमण पुष्टि बाँकेय् वंगु २४ घण्टाया दुने ७०० म्हेसित कोरोना भाइरस (कोभिड–१९) संक्रमण पुष्टि जुगु दु।

स्वंगु ल्याबय् ९२७ म्हेसित यागु नमुना परीक्षणय् ७०० म्हेसित संक्रमण पुष्टि जुगु दु धका बाँकेया कोरोना फेकल पर्सन तेज ओलीं धागु दु ।

उकि मध्ये ३०१ म्ह मिसा व ३९९ म्ह मिजंपि खः। वयकःया कथं भेरी अस्पतालया ल्याबं ५३५म्हेसिगु नमुना परीक्षणय् ४२७म्ह, मेडिकल कलेज कोहलपुरया ल्याबं १०९ म्हेसिगु नमुना परीक्षण यागुलि ८६ म्ह व बागेश्वरी ल्याबय् २८३ म्हेसिगु नमुना परीक्षण यागुलि १८७ म्हेसित संक्रमण पुष्टि जुगु दु ।

बाँकेय् जक संक्रमितपिनिगु ल्याः ५०० म्ह थ्यंगु दु । उकि मध्ये २२३ म्ह मिसा व २७७ म्ह मिजंपि खः।

गोल्डेन भ्वाइस नाप वरिष्ठ गायक व संगीतकार प्रेमध्वज प्रधान ८५ दँय् थौं मन्त ।

छातीइ समस्या जुइवं न्यूरो अस्पताल भर्ना जुयादीम्ह वयकः थौं  १ः३० मदुगु धका वयकःया परिवारं धागु दु ।

अचानक मुटुइ समस्या खनेवं अस्पताल भर्ना जुयादीगु खः ।  वरिष्ठ गायक प्रधानया यक्को हे म्ये लोकह्वा।

‘गोरेटो त्यो गाउँको’, ‘घुम्तीमा नआउ है’, ‘तिमीलाई अचेल कहाँ देखुँ’, ‘पर लैजाउ फूलहरु’ लगायत वयकःया  लोकंह्वागु म्ये खः।

अथेहे वयकःयागु राजमती कुमती, बालाबाल चिंगु मिखा व उपहार थ्व मतिना धइगु म्ये न तसक लोकंह्वा ।

वयकयात लहना मिडियापाखे न बिशेष सम्मान याये धुकुगु खः।

कास्कीइ प्यम्ह कोरोना मन्तकास्कीया पोखराय् उपचार याना च्वपि प्यम्ह कोरोना संक्रमितपि मन्त ।

गण्डकी प्रदेश कोरोना नियन्त्रण तथा रोकथाम कार्यक्रमया प्रवक्ता डा. विनोद विन्दु शर्माया कथं बुधवाः चान्ह्य व बिहीवा सुथया दुने प्यम्ह कोरोना सक्रमितपिनिगु ज्याना वंगु दु।

सीपि पोखरा महानगरपालिकाया स्वम्ह व म्याग्दी धौलागिरि गाउँपालिकाय् च्वम्ह छम्ह खः । चरक अस्पताल पोखरा महानगरपालिका–३ या ८७ दँ दुम्ह मिजंम्ह वैशाख २२ गते बुधवा मदुगु खः। वयात वैशाख २१ गते संक्रमण पुष्टि जुगु खः ।

मणिपाल शिक्षण अस्पताल पोखरा महानगरपालिका–२९ या ४१ दँ दुम्ह मिजंम्ह, वडा नम्बर १७ या ७३ दँ दुम्ह मिजंम्ह व म्याग्दीया धौलागिरि गाउँपालिका–२ या ७२ दँ दुम्ह मिसा मदुगु धका धागु खः।

अथेहे डा. शर्माया कथं ४१ दँ दुम्ह मिजंम्ह उपचारया झ्वलय् बिहीवा सुथय् ६ः५५ बजे मदुगु धका धागु खः। पोखराय् हे च्वम्ह ७३ दँ दुम्ह मिजंम्ह बुधवाः चान्ह्य मदुगु खः। वयात वैशाख १८ गते संक्रमण पुष्टि जुगु खः । अथेहे म्याग्दीया ७२ दँ दुम्ह मिसाम्ह बिहीवाःसुथय् ७ः१० बजे मदुगु धका धागु दु ।