Display Style:
Column Style
थौं विश्व जनसंख्या दिवस
लहानान्युज | दिल्लाथ्व पारु ११४१,असार २७ आईतवाः
थौं विश्व जनसङ्ख्या दिवस । समाधानया नितिं अधिकार व छनोट : शिशु ल्याःखय् उच्च वृद्धि वा म्हो न्ह्यागु जूसा नं प्रजनन दर सुधार यायेत प्रजनन स्वास्थ्य व फुक्क नागरिकया अधिकारया प्राथमिकीकरण हे खः धइगु नारालिसें हनेज्या जुयाच्वंगु दु ।
कोभिडयात त्याकेत मुक्कं हलिंयात आह्वान यासें थ्वखुसिइ थी थी ज्याझ्व जुयाच्वंगु दु । सन् १९८९ निसें दँय्दसं जुलाई ११ तारिखय् हलिंयंकया जनसङ्ख्याया मुद्दायात सम्बोधन यायेगु आज्जुं थुगु दिवस हनेगु न्ह्यागु खः ।
सन्तुलित जनसङ्ख्या मदयेकं छुं नं देय्या सुरक्षा, विकास स्यल्लागु भविष्यया कल्पना नं याये फइमखु । हलिंया शक्तिकेन्द्र व हलिंया जनसङ्ख्याय् थःगु अधिकतम थाय् तइगु चीनं अप्वःगु जनसङ्ख्याया भय थुइका ‘छम्ह जक सन्तान प्रणाली’ लागू याःगु खः ।
तर लिपांगु ई जनसङ्ख्याया निश्चित स्तर चूलाकेत ताः ईया अध्ययन लिपा सन् २०१५ य् निम्ह सन्तान जन्म यायेत अनुमति जक मखु कि थः नागरिकयात आह्वान हे याःगु दु ।
नेपाल, भारत व बङ्गलादेशय् धाःसा ‘पपुलेसन बोनस’ जूगु नालेगु याः । थुकिया अर्थ क्रियाशील जनसङ्ख्या धायेकि १६गू निसें ४९ गू प्रतिशत तक्कया जनसङ्ख्या मुक्कं जनसङ्ख्याया ६० गू प्रतिशत सिवें अप्वः जूवनिगु खः ।
थुगु जनस्रोतया बाँलाक्क छ्यले फुूसा विकास तापाइ मखु । तर नेपाली जनशक्तिया चःति धाःसा स्वदेशय् सिवें विदेशय् बावानाच्वंगु खनेदु ।
थप स्वनिगलय् ४०४ म्ह कोरोना संक्रमित
शोभा श्रेष्ठ | बछलागा औंसी ११४१,असार २५ सनिवाः
वंगु २४ घण्टाया दुने स्वनिगलय् ४०४ म्ह कोरोना संक्रमित जुगु दु।
अथेहे थौं जक येँ ३०३ म्हेसित कोरोना सक्रमित जुगु दु।
यलय् ६० म्ह व ख्वपय् ४१ म्ह संक्रमित जुगु दु।
थप २१६९ म्हेसितसंक्रमण पुष्टि
शोभा श्रेष्ठ | बछलागा औंसी ११४१,असार २५ सनिवाः
वंगु २४ घण्टाया दुने थप २१६९ म्हेसित कोरोना भाइरस संक्रमण पुष्टि जुगु दु।
स्वास्थ्य तथा जनसंख्या मन्त्रालयया कथं ६५३० म्हेसित पीसीआर परीक्षण यागुलि १३५३ म्ह व ३८८७ म्हेसिगु एन्टिजेन परीक्षणय् ८१६ म्ह याना २१६९ म्हेसित संक्रमण पुष्टि जुगु दु धका धागु दु।
थ्व नाप आःतक नेपालय् कोरोना भाइरस संक्रमित जूपिनिगु ल्याः ६ लाख ५४ हजार २१२ म्ह थ्यंगु दु।
कोरोना संक्रमणं वंगु २४ घण्टाय् २२ म्ह सीगु दु। आःतक सीपिनिगु ल्याः ९ हजार ३६२ म्ह थ्यंगु दु।
वंगु २४ घण्टाय् १४३२ म्ह संक्रमणमुक्त जुगु दु सा आःतक संक्रमणमुक्त जूपिनिगु ल्याः ६ लाख १८ हजार ३६१ म्ह थ्यंगु दु।
नेष्डो समृद्ध लघुवित्तयात आईपीओ निष्काशनया लागि अनुमति बिल
शोभा श्रेष्ठ | बछलागा औंसी ११४१,असार २५ सनिवाः
नेष्डो समृद्ध लघुवित्त वित्तीय संस्थां साधारण सेयर (आईपीओ) निष्काशनया लागि अनुमतिया लागि नेपाल धितोपत्र बोर्डय् निवेदन बिगु दु।
संस्थां ८ लाख २८ हजार ७ सय ५० कित्ता अर्थात ८ करोड २८ लाख ७५ हजार रुपैयाँ आईपीओ जारी यायेत्यंगु खः। आईपीओ निष्काशनया लागि संस्थां ग्लोबल आइएमई क्यापिटलयात बिक्री प्रवन्धक नियुक्त यागु दु।
संस्थाया कार्यकारी अध्यक्ष विश्व प्रकाश प्रसाईं ठकुरीया कथं आईपीओ निष्काशनया लागि वंगु ६ गते हे बोडय् निवेदन बिगु खः।
आः बोर्डं अनुमति बिगुलि संस्थां सर्वसाधारणया लागि आईपीओ जारी यायेत्यंगु खः।
मेलम्ची खुसिइ बाःवया पीडित जुपिन्त ५० हजार राहत बिइगु घोषणा
लहानान्युज | बछलागा औंसी ११४१,असार २५ सनिवाः
प्रधानमन्त्री केपी शर्मा ओलीं मेलम्ची खुसिइ बाःवया पीडित जुपिनिगु छगु परिवार ५० हजार राहत बिइगु घोषणा यागु दु।
हेलम्बु गाउँपालिकाया गणेश बगरय् ग्वसाः ग्वंगु ज्याझ्वलय् अन खुसिइ बाःवया क्षति जुपिनिगु ३६६ परिवारयात सरकारं छगु परिवारयात ५० हजार बिइगु धका धागु दु।
“तत्काल पीडित परिवारयात ५० हजारं राहत बिइगु। निर्माणया लागि हिमाली भेगय् ५ लाख, पहाडी भेगय् ४ लाख व तराइ भेगय् ३ लाख उपलब्ध याना वयाच्वना दु,” धका प्रम ओलीं धागु दु।
असार १ गते मेलम्ची खुसिइ वं थाय् निरीक्षणया झ्वलय् अन वना च्वंगु खः। अथे पीडित परिवारयात १५ सय बण्डल जस्तापाता उपलब्ध यायेगु धका धयादीगु खः।
