राष्ट्रपति विद्यादेवी भण्डारीं राष्ट्रियसभा बैठकय् सम्बोधन याइगु जुगु दु। नेकपा एमाले राष्ट्रियसभा प्रमुख सचेतक खिमलाल भट्टराईया कथं राष्ट्रपतिं सम्बोधन याइगु मिति धासा तय जुगु मदुनि।

‘असारया २० वा २१ गते जुइफु’ धका वयकलं धागु दु। बिहीवाःया कार्यव्यवस्था परामर्श समितिया बैठकं राष्ट्रियसभा अध्यक्ष गणेश तिमिल्सिनां राष्ट्रपति सम्बोधन याइगु धका सरकारपाखे जानकारी वंगु दु धका धागु दु।

राष्ट्रपतिं संघीय संसदया मंका बैठकय नीति तथा कार्यक्रम प्रस्तुत यायगु प्रचलन दुगु प्रतिनिधिसभा विघटन जुगुलि थुगु दँय् संसदय् सम्बोधन यागु मदु।

कोरोना भाइरस (कोभिड–१९) संक्रमण नियन्त्रया लागि निषेधाज्ञा जारी भएपछि जुया बन्द जुयाच्वंगु आन्तरिक उडान थौनिसे शुरु जुइत्यंगु दु।

मन्त्रिपरिषदया निर्णय अनुसार संस्कृति, पर्यटन तथा नागरिक उड्डयन मन्त्रालयं थौंनिसे आन्तरिक उडान नियमित रुपं शुरु यायेगु निर्णय यागु खः।

आःयात साविक तुलनाय् ५० प्रतिशत उडान जक जुइ। नेपाल नागरिक उड्डयन प्राधिकरणं न्हि ६४ गु उडान जक यायेगु तयारी यागु दु।

बुद्ध एयरं न्हि ३१ उडानया अनुमति बिगु दु सा यति एयरलाइन्सं १५, श्री एयरलाइन्सं ७, सौर्य एयरलाइन्सं ३ उडान याये दइगु जुगु दु।

बोधिसत्व बिहारपाखे पत्रकार मञ्चयात स्वास्थ्य सुरक्षा सामाग्री हस्तान्तरण बोधिसत्व बिहार बुढानिलकण्ठं नेपाल पत्रकार मञ्चयात कोविड संक्रमणं बचे जुइगु लागि स्वास्थ्य सुरक्षा सामग्री प्रदान यागु दु।

मञ्चया केन्द्रीय कार्यालय बिहारया अध्यक्ष हुई गुआङं मञ्चया अध्यक्ष युवराज विद्रोहीयात उगु सामग्री हस्तान्तरण यागु खः। उगु सामग्रीइ व्यक्तिगत सुरक्षा सामाग्री –पीपीई) २००, केएन ९५ माक्स २००, सर्जिकल माक्स १० हजार, पञ्जा ५०० व सेनिटाइजर ५०० मि.लि.या २०० उपलब्ध यागु खः। सामग्री हस्तान्तरण यासे विहारया अध्यक्ष हुई गुआङं महामारीपाखे मानव जगतय् जुइगु  क्षति घटे यायेत व मनय् त्रास हटे यायेगु हे सकसिगु न्हापागु दायित्व खः धका धयादीगु खः।

सामग्री व उपकरणया अभावं गुलि अस्पतालय् अझ न सेवायात गुणस्तरीय दयकेफुगु मदुनि। अज्यागु संस्थायात व महामारी इलय् नय्गु हे समस्या दुपिनिगु परिवारपिन्त थःपिन्स नियमित ग्वाहालि याना च्वनागु दु धका धयादीगु दु। अथेहे मञ्चया अध्यक्ष युवराज विद्रोहीं, आम नागरिकपिन्त सुसूचित यायेगु ज्याय् न्ह्यने च्वना करीव ३ हजार पत्रकार कोरोना संक्रमण जुगु व करीव २० म्ह सीगु दु धका धयादीगु खः।

पत्रकारपिन्त कोविडं आर्थिक, सामाजिक व पारिवारिक समस्या सिर्जना जुगु दु। थुगु कारण गुलि ला पेशाकर्मी पेशापाखे विस्थापित जुइगु अवस्था तक वंगु दु। अथेहे मञ्चया कोविड समन्वय समितिया संयोजक चन्द्रमणि भट्टराई न प्राप्त सामाग्री प्राथमिकताया आधारय् पत्रकारपिन्त वितरण यायेगु जानकारी बियादीगु खः। जिमिसं पत्रकारपिनिगु पेशाय् टिके याना उमिगु पारिवारिक व्यवस्थापनया ज्या न यायेमागु अवस्था दु धका भट्टराई न धयादीगु दु।

उगु ज्याझ्वलय् इन्टरनेशनल यूथ सोसाइटीया अध्यक्ष डा. प्रियरत्न महर्जन, मञ्चया महासचिव विमलकुमार थापापिनिगु न ब्बति दुगु खः।