कोविड १९ नं संक्रमितपिनिगु उपचारया लागि ‘कोविड अस्पताल’ सञ्चालन यायेगु बिउसे थौेया कार्यपालिका बैठक क्वचागु दु 

महानरया मेयर विद्यासुन्दर शाक्यया अध्यक्षताय् च्वंगु ६१ क्वंगु कार्यपालिका बैठकय् ‘कोविड १९ महामारी व्यवस्थापन’ सम्बन्धय् तःगु प्रस्तावय् छलफल यासे कोविड अस्पताल सञ्चालनय् बःबिगु दु ।

बैठकं सुविधा सम्पन्न आइसोलेसन व कोविड अस्पताल उपयुक्त विकल्प सहितया प्रस्ताव पेश यासे वडा ३ या अध्यक्ष दीपक के. सी. या संयोजकत्वय् ७ म्ह सदस्यीय समिति गठन यागु दु ।

उगु समितिया सदस्यय् वडा ६ या अध्यक्ष दिपेन्द्र लामा, ७ या अध्यक्ष शुद्धकुमार डंगोल, वडा २२ या अध्यक्ष चिनीकाजी महर्जन, ३० या अध्यक्ष दलबहादुर कार्की, ३१ या अध्यक्ष नारायण भण्डारीपि च्वनादीगु खः।

समिति गठन लिपा बैठकया अध्यक्ष यानादीम्ह अध्यक्ष नाप मेयर शाक्यं धयादीगु दु, ‘वंगु दँ स्वया थुगु दँय् अवस्थाय् फरकय् दु। शंका दुपि मनूतस जाँच याना क्वारेन्टीनय् च्वनिइगु प्रोत्साहित यायेमागु, पर्याप्त आइसोलेसन वार्ड तयार यायेमागु व महानगर थम्हेसिया हे कोविडया अस्पताल दयके मागु ।

क्वारेन्टीन निर्माण याये मागु, आइसोलेसन दयकेगु व आवश्यकताया आधारय् अस्पतालतक दयकेगु प्रयोजनया लागि जिमिसं महानगर दुने होटल, पार्टी प्यालेस, स्थापना जुगु चल जुगु व मजुगु छु न अस्पतालय् अवलोकन यायेगु । उपि नाप सहकार्यया लागि प्रस्ताव माग यायेगु धका धयादीगु दु । छु प्रस्ताव पेश जुगु दु।’ धका धयादीगु दु।’ समितिं आइसोलेसन सञ्चालन वडा तहपाखे यायेगु कि महानगर तहपाखे, विरामीयात अक्सिजन जक बिया सामान्य उपचार यायेगु इलय् व जटिल स्वास्थ्य समस्या जुपि उपचार यायेत आवश्यक उपकरणसहितया उपचार कक्ष निर्माण यायेगु विषया शिफारिस यायेगु धका मेयर शाक्य धयादीगु दु, ‘ पूर्वाधार व जनशक्ति दुगु स्वास्थ्य संस्थानाप सहकार्य याये वलय् याकन हे सेवा व्यवस्थापन याये फइ ।’

मेयर शाक्यं बैठकय् वंगु दँय् १० करोड रुपैयाँ तया स्थापना यानागु कोविड कोषपाखे करीब ५ करोड रुपैयाँ खर्च जुगु, एम्बुलेन्स सञ्चालनया लागि संयुक्त एम्बुलेन्स चालक संघनाप सहकार्य यानागु न जानकारी यानादीगु खः।

महानगरं महामारी नियन्त्रण ज्याझ्वलय् डा. गणेश गुरुङ्, डा. अर्जुन कार्की, डा. अनुप सुवेदी व डा. सरद वन्तयातपि स्वास्थ्यविज्ञया रुपमा आमन्त्रण यायेगु बैठकं निर्णय यागु दु। बैठकय् उपप्रमुख हरिप्रभा खड्गी श्रेष्ठ व प्रमुख प्रशासकीय अधिकृत राजेश्वर ज्ञवालीं, महामारी नियन्त्रणया लागि महानगरं तत्काल निर्णय याना सेवा व्यवस्थापन यायेगु धका धयादीगु खः।

वंगु २४ घण्टाया दुने थप ७४४८ म्हेसित कोरोना भाइरस संक्रमण पुष्टि जुगु दु ।

स्वास्थ्य तथा जनसंख्या मन्त्रालयया कथं १६ हजार ६५८ म्हेसिगु पीसीआर परीक्षणय् ७३८८ म्ह व ५१८ म्हेसित एन्टिजेन परीक्षणय् ६० म्ह याना ७४४८ म्हेसित संक्रमण पुष्टि जूगु दु ।

वंगु २४ घण्टाय् कोरोना भाइरस संक्रमणपाखे ३७ म्हेसिगु ज्याना वंगु दु । अथेहे वंगु २४ घण्टाय् संक्रमणमुक्त २०२१म्ह जुगु दु ।

नेपालय् आःतक कोरोना भाइरस संक्रमित जुपिनिगु ल्याः तीन लाख ४३ हजार ४१८ म्ह थ्यंगु दु। उकि मध्ये ५४ हजार ४१ म्ह सक्रिय संक्रमितपि दु ।

 वंगु २४ घण्टाया दुने स्वनिगः दुने ३ हजार ६६६ म्हेसित कोरोना संक्रमण पुष्टि जुग दु।

स्वास्थ्य मन्त्रालयया कथं थौं येँ जक २ हजार ९२२ म्हेसित कोरोना सक्रमित जुगु दु ।

अथेह, ख्वपय् २२२ म्ह व यलय् ५२२ म्हेसित कोरोना संक्रमित जूगु दु । देयन्यक थप ७ हजार ४४८ म्हेसित कोरोना भाइरस (कोभिड–१९)े संक्रमण पुष्टि जूगु दु ।

मन्त्रालयया कथं कोरोना संक्रमणं थप ३७ म्हेसिगु ज्यान वंगु दु। 

राष्ट्रपति विद्यादेवी भण्डारीं गण्डकी व सुदूरपश्चिम प्रदेशय् न्हुपि प्रदेश प्रमुख नियुक्त यानादीगु दु।

सोमवाः मन्त्रिपरिषद बैठकया सिफारिसं गण्डकी प्रदेशय् सीता पौडेल व सुदूरपश्चिम प्रदेशय् गंगाप्रसाद यादव प्रदेश प्रमुखय् नियुक्त जुगु दु।

गण्डकीइ अमिक शेरचन व सुदूरपश्चिमय् शर्मिला कुमारी पन्त प्रदेश प्रमुख जुयादीगु खः, उमित पदमुक्त यागु दु ।

थ्व  स्वया न्ह्यः एमाले व माओवादी केन्द्र दथुइ एकीकरण जुइवं प्रदेशप्रमुख नियुक्त जुपि निम्ह माओवादी केन्द्रय् आवद्ध दुपि खः।

माओवादी केन्द्रय् आवद्ध दुम्ह तिलक परियार प्रदेश २ य् प्रदेश प्रमुखपाखे पदमुक्त जुइ धुकुगु खः।