नेवाः पत्रकार राष्ट्रिय दबूया नायः सुरजबीर बज्राचार्यं छगु बिज्ञप्ति जारी यासे येँ महानगरपालिकायात दँनिसें थःगु क्षेत्रया दक्वं ब्वनेकुथिइ १ गू तगिंनिसें ८ तकब्वंकेगु नितिं पाठ्यक्र मदयेकेगु झ्वलय् १ निसें ४ गू तगिंतकया पाठ्यक्रम“येँ देय् म्हसीके” सार्वजनिक याःगु अतिकं लसताया प्वकूगु दु ।

“मथां आखः सयेकेगु जूसामां भासं ब्वङ दिसँ ।” १३७दँन्ह्यःथुगु धर्तीइ पलाःतयाः राणकालीन व इलय् मांभाय् शिक्षायामहत्वया सः तयादीम्ह, हलिमय् लोकंह्वाःगु बाखंयात नेवाःभासं भाय् हिलाः“इसपं दयेकातःगु बाखं”पिथनादीम्ह नेपालभाषायाप्यंगःथौं मध्ये छगः थां मास्टर जगतसुन्दर मल्लं तयादीगु सः व म्हगसःथौं पूवनाच्वंगु अनुभव समाजं याःगु दु । नेपालभाषायाथुगु पाठ्यक्र मदयेकेगु ज्याय् योगदान यानादीपिन्त पत्रकार राष्ट्रिय दबूपाखें यक्वः यक्वः सुभाय् नं देछानागु जुल ।

अझ थुकीथुगु दबुलिं सकल आदिवासी जनजाति, मधेसी पत्रकारपिनिगु साथ कयाः ल्ह्वना वयाच्वंगु सः देय्या दकले न्हापांम्ह मातृभाषी पत्रकार धर्मादित्य धर्म

चार्यया जीवन व कर्मया खँ नं दुथ्याःगुलिं नं नेवाः पत्रकारपिनिगु नुगः लसतां जाःगु खँ नं न्ह्यथने ।  नेवाःभाय् ब्वनाः छु दइ? ल्हानाः छु दइधइगु न्ह्यसःलुयाच्वंगु इलय् थुगु हे ज्यायानितिं जनशक्तियानितिं इनाप जूगुपाखें ब्वलंगु गौरवं जाःगु लकस नं लुमंके । झी नेवाःतय्गु भविष्यधइगु हे नेवाःभाय्या भविष्य खःसा थुकिया बल्लाःगु आशा धइगु शिक्षाय् नेवाः भाय् हे खः । अझ नेवाःभाय् संरक्षण व प्रचार प्रसारया नितिं प्रत्यक्ष अप्रत्यक्ष भूमिका म्हिताच्वंगु नेपालभाषाया संचार ख्यःया आधारतकं नेपालभाषा शिक्षा हे खः ।

सकभनं लसता ह्वःगु व लँक्यंगु थुगु ज्यायानितिं येँ मनपाया मेयर विद्यासुन्दर शाक्य, उपमेयर हरिप्रभा खड्गीश्रेष्ठ, मनपाया शहरी योजना आयोग, शिक्षाविभाग, पाठ्यक्रम समिति, सकल महानगर परिवारव थुगु निर्णय उत्साहं कार्यान्वयनयानादीपिं सकल ब्वनेकुथियात पत्रकार राष्ट्रिय दबू परिवारपाखें दुनुगलंनिसें सुभाय् देछाःसें ५ निसें ८ गू तगिंया पाठ्य सफू नं याकनं पिदनेमा धइगु भलसा नं प्वंका ।

थुलिलोकं ययेकूगु निर्णयलिसें न्ह्याःगु ज्याय् सकलसिगु तिबःउत्तिकं दयेमा । येँमनपाया थुगु व थजाःगु पलाःधिसि धयाःवनेमा, थजाःगु पलाःधिसि धाइगु धइगु मेमेगु स्थानीयतहयानितिं नं हःपाखः धयादीसे पत्रकार दबू न छगु बिज्ञप्ति पिकासें येँ महानगरपालिकाय सकल दुजःपिन्त सुभाय् देछानादिगु खः। 

खनाल–नेपालपि निर्वाचन आयोगय् नेकपा एमालेया विवाद निर्वाचन आयोगय् वःगु दु ।

अध्यक्ष केपी शर्मा ओलीं २८ फागुनय् थः यकति रुपं याःगु निर्णययात वैधता मबिइगु माग यासे वरिष्ठ नेता झलनाथ खनाल, माधवकुमार नेपाल लगायत उमि पक्षीय पदाधिकारी व स्थायी कमिटी सदस्यपि आयोगय् थ्यःगु खः।

कोरोना भाइरस संक्रमणया कारण थप निम्ह सीउगु दु । थ्व नाप नेपालय् कोरोनाया कारण सीपि ३०१४ म्ह थ्यःगु  दु।

वःगु २४ घण्टाय् कोरोनाया ६० म्ह संक्रमित थपे जुगु दु। थ्व नाप नेपालय् कोरोना संक्रमितपि निगु लाख ७५ हजार १७८ म्ह थ्यःगु दु। वःगु २४ घण्टाया दुने देयन्यक ७२ म्ह कोरोनामुक्त जूगु दु।

थ्व नाप नेपालय् कोरोनामुक्त जूपि निगु लाख ७१ हजार २४९ म्ह थ्यःगु दु । आःतक देयन्यक ९१५ म्ह आइसोलेसन व ४९ म्ह क्वारेन्टिनय् च्वनाच्वंगु दु धका स्वास्थ्य तथा जनसंख्या मन्त्रालयं जानकारी बिःगु दु।

प्रधानमन्त्री नाप नेकपा एमालेया केपी शर्मा ओलीं चैत ७ गते केन्द्रीय कमिटीया बैठक तयागु दु धयादीसे ब्बति कायेत नेतापिन्त इनाप याःगु दु ।

निरन्तर बैठकय् अनुपस्थित जुलकि विधान कथं कारबाही यायेगु संकेत क्यनादीगु दु। १११ क्वःगु अन्तर्राष्ट्रिय महिला दिवसया लसताय् जुगु एमाले सम्बद्ध अखिल नेपाल महिला संघं थौं शनिवाः छगु ज्याझ्वलय् अध्यक्ष ओलीं धयादीगु दु, ‘पेरिसडाँडापाखे ख्वया ख्वया वःगु न्यनागु हः ।

छु दिं अर्याल होटलय् बास च्वःगु धाःगु । ई यक्को दु ७ गते बैठक सःतागु दु ।’ ‘७ गते केन्द्रीय कमिटी बैठक बालुवाटारय् सःतयागु दु । केन्द्रीय कमिटीया सदस्यपि झाँस,’ वयकः न धयादीगु दु, ‘अनुपस्थित जुयातु वनकि विधानय् व्यवस्था दुगु कथ जुइ।’ थःतपार्टीया साधारण सदस्यपाखे लिकासा जिं सुयात गन न लिकयागु मदु ।

तर पार्टीया ज्या न्ह्याकेत सू नेतापिन्त जिम्मेवारी बियागु दु धाःसे मेपि नेतापि वलकि सल्लाह याना न्ह्यने वनिइगु जुइ धका धयादीगु दु । एमाले अध्यक्ष ओलीं धयादीगु दु, ‘लँ दापा जुपि नेतापिन्त धाये चाहे हे जु, सचे जुयादीस व झाँस ।’  तर केपी ओलीयात ठेगान लगे याये धका वक्तव्यबाजी जुगु दु धका थःम्हेसिया न्यनगु दु धाःसे, ‘केपी ओलीयात ठेगान लगे यायेत वयागु खःसा लँय् ठेस लगे जुइ ।’