लुँ तोलां थौं स्वसः क्वहावःगु दु।

थौं स्वसः क्वहावया तोलां ९० हजार ७ सय कायम जुगु दु धका नेपाल सुनचाँदी व्यवसायी महासंघं धागु दु। म्हिगः लुँ तोलाया ९१ हजार रुपैयाँ थ्यंगु दु।

अथहे, थौं वहः न तोलां न्यातका क्वहावंगु दु । थौं वहः तोलां न्यातका क्वहावया १२ सय ९५ रुपैयाँ कायम जुगु दु। म्हिगः तोलाया १३ सय रुपैयाँ कारोबार जुगु खः।

यल महागरपालिकाय् थौंनिसे कोभिशिल्डया निक्वःगु डोज बिगु दु। १० बजेनिसे ४ बजे तक न्हापागु खोप बिइत्यंगु खः।

थ्व स्वया न्ह्यः न्हापागु डोज काःपिं ७५ दँ दुपि २२२० म्ह ज्येष्ठ नागरिक नाप जनप्रतिनिधि, कर्मचारी व स्वास्थ्य स्वयमसेवकपि याना २५००म्हेसित खोप बिइत्यंगु खः।

खोप कायेत सम्बन्धित वडा कार्यालयया सिफारिस, न्हापागु डोज खोप कागु कार्ड व दँ खुले जुगु प्रमाणपत्र ज्वना वयेमाः धका महानगरं धागु दु।

खोप कायेत लगंख्यःया पशु सेवा केन्द्र, पाटन हाइस्कुल, महानगरया कार्यालय, धापाखेल स्वास्थ्यचौकी, बालकुमारी स्कुल, कार्यविनायक स्कुल, हरिसिद्धि स्वास्थ्य चौकी व सैबु स्वास्थ्य चौकी केन्द्र तोके यागु दु।

सरकारी स्वामित्वया खाद्य व्यवस्था तथा व्यापार कम्पनी व साल्ट ट्रेडिङं खाद्यान्न उपभोक्तापिन्त बियावया च्वंगु छुट बन्द यागु दु।

निषेधाज्ञा छ्वासुया वंगु धासे आः छुट मबिइगु निर्णय यागु दु। उपभोक्तापिन्त खाद्य व्यवस्था तथा व्यापार कम्पनी व साल्ट ट्रेडिङं बिक्री केन्द्रजाखे चिं, चिकं, जाकी, छ्रूचू, चिनी व एसटिसी ग्यास न्याये वलय् जेठ २० गते निसे २० प्रतिशत छुट बियावया च्वंगु खः।

साल्ट ट्रेडिङ कर्पाेरेसनया सहायक कार्यकारी अधिकृत पंकज जोशीं आः छुट बिइगु स्थगित जुगु धका धागु दु। सरकारं आर्थिक वर्ष २०७८÷७९ या बजेट वक्तव्यय् निषेधाज्ञां समस्या जूपिन्त दैनिक उपभोग्य वस्तु सहुलियत बिइगु घोषणा यागु खः।

देयन्यक थप ४५२२ म्हसंक्रमण पुष्टि वंगु २४ घण्टाय् ४ हजार ५२२ म्ह कोरोना भाइरस संक्रमण पुष्टि जुगु दु ।

गन गन गुलि संक्रमितपि थपे जुल? येँ ३१०म्ह, झापाय् १७४ म्ह, पर्वतय् १५०, म्याग्दी १४८, यलय् ९९, सुनसरी ९६,चितवनय् ९०, मकवानपुरय् ८८, धादिङ ८६, मोरङ ७०, नुवाकोट व ख्वपय् ६७÷६७ म्ह, बागलुङ ६६, कास्की ६५म्हेति कोरोना संक्रमित जुगु दु। अथेहे गुल्मी ४६, काभ्रेपलाञ्चोक ४५, नवलपरासी ४१, रुपन्देही २८,कैलाली २६ व दाङय् २१ म्हेसित कोरोना संक्रमण खनेदुगु खः।

बाँकेय् १९, धनुषा १३, जुम्ला १२, पाल्पा व रुकुम पश्चिम ११÷११ म्ह, बारा व अर्घाखाँची १०÷१० म्ह, सिन्धुपाल्चोक ९ म्ह व सिन्धुली ८ म्ह कोरोना संक्रमण पुष्टि जुगु दु। अथेहे सप्तरी, महोत्तरी, तनहुँ व नवलपरासी पश्चिमय् ७÷७ म्ह, धनकुटा, सिरहा व कञ्चनपुरय् ६÷६ म्ह, उदयपुर ५, सोलुखूम्बु, सर्लाही, व सुर्खेतय् प्यम्ह प्यम्ह, इलाम, दोलखा, गोरखा, लमजुङ, स्याङजा, डोटी व बैतडी स्वम्ह स्वम्ह, खोटाङ, ताप्लेजुङ, तेह्रथुम, संखुवासभा, पर्सा, रौतहट, कपिलवस्तु, रोल्पा, सल्यान व डडेल्धुरा निम्ह निम्ह, भोजपुर, रामेछाप, प्युठान, रुकुम पुर्व, अछाम व बझाङय् छम्ह छम्ह कोरोना संक्रमण जुगु दु।