कोरोना संक्रमणया जोखिमं स्कूल सञ्चालन यायेगु कि बन्द यायेगु धइगु विषय शिक्षा मन्त्रालय व सरोकारवाला दथुइ छलफल सुरु जुगु दु।

महामारीया निगुगुे लहर सुरु जुइवं स्कूल सञ्चालनबारे माःगु निर्णयया लागि मन्त्रालयं सरोकारवाला दथुइ सःता छलफल याःगु खः ।

शिक्षा मन्त्री कृष्णगोपाल श्रेष्ठया सचिवालयं मन्त्रालय छलफल जुयाच्वंगु दु धका जानकारी बिःगु दु ।

मस्तय्त कोरोना भाइरसया न्हुगु स्वरुप (युके भेरियन्ट) या संक्रमण उच्च खने दुगुलि कोभिड संकट व्यवस्थापन केन्द्र (सीसीएमसी) नं संक्रमण अप्वोया वःगु धका स्कूल व कलेज कम्ती न स्ववाःया लागि बन्द  यायेगु प्रस्ताव याःगु खः। 

सिवाः साय्मि खलः संस्कृति विभागया ग्वसालय् बाँसुरी प्रशिक्षण ज्याझ्वः क्वचाःगु दु ।

वःगु २०७६ मंसीर ९ निसे सुरू जुगु बाँसुरी प्रशिक्षण २०७७ चैत २६ गते थिमि–४ या सिवाः त्वालय् बाँसुरी बाजा प्रशिक्षणया समापन ज्याझ्वः जुगु खः ।

च्यालाया दुने क्वचायेकगु लक्ष्य काःगु खःसा कोभिड–१९ या कारणं दथुइ हे दिगु खः । उगु बाँसुरी  प्रशिक्षणय् ४२ म्हेसिया ब्बति काःगु धका ज्याझ्वःया संयोजक मनोजलाल मानन्धर धयादीगु खः ।

बाँसुरी प्रशिक्षक धनकाजी भासिमा व बाद्यवादन प्रशिक्षक चयन्द्र भासिमा यानादीगु खः। अथेहे नृत्य प्रशिक्षक बालमुकुन्द प्रजापति व दिपक बज्राचार्य यानादीगु खः ।

स्थानिय मानन्धर समुदाय व नगरपालिकापाखे आर्थिक व्यवस्थापन याःगु खः।

मध्यपुर थिमि नगरपालिकाया मेयर मदनसुन्दर श्रेष्ठ, मध्यपुर वडा नं. ४ व ६ या परिवार, जनप्रतिनिधि, नेवाः पत्रकार राष्ट्रिय दबूया वरिष्ठ उपाध्यक्ष नृपेन्द्रलाल श्रेष्ठ, उपाध्यक्ष रचना श्रेष्ठ, महासचिव, सचिव, कोषाध्यक्ष, सहकोषाध्यक्ष, सदस्यपि नाप केन्द्रीय मानन्धर संघपाखे सहसचिव उदेन न्हूसायमि, भक्तपुर जिल्ला मानन्धर युवा संघया पदाधिकारी, मानन्धर युवा समूहया पदाधिकारी पिनिगु न सहभागिता दुगु खः ।

किपू नगरपालिका वडा ७ या अध्यक्ष राजकुमार मालीे ५३ दँय् ब्रेन ह्यामरेज जुया मदुगु खः।

मदुम्ह माली ब्रेन हेमरेज जूगुलिं बल्खुया बयोधा अस्पतालय् चैत्र २८ गते शनिवाः वासः यायेगु नितिं भर्ना जुयादीगु खः ।

वयकःयात श्रध्दाञ्जलीया थौं सुथय् किपू नगरपालिकाया कार्यालय परिसरय् तइगु जुगु दु ।

वयकःया शवयात्रा थौं हे यायेगु तयारी दु । वयकः दक्षिण भेगया प्रख्यात गथु प्याखंया गुरू तक जुयादीम्ह खः । 

स्वास्थ्य सुरक्षायात छ्यलाः जनबहाःद्यःया जात्रा यायेगु निर्णय जनबहाःद्यः जात्रा व्यवस्थापन समितिं यायेधुंकूगु दु ।

जात्रा तःजिक न्यायेकेगु नितिं जनबहाःद्यः जात्रा व्यवस्थापन समितिया नायः नीलकाजी शाक्यया सभापतित्वय् वंगु छवाःन्ह्यःनिसें तयारी मुँज्या जुयाच्वंगु दुसा वंगु स्वन्हु न्ह्यः जनबहाःद्यः जात्रा ११४१ व्यस्थापन समिति नीस्वंगु दु । उगु व्यवस्थापन समितिया मुँज्यां दकले न्हापां ख्वपय् जुइगु बिस्काः जात्रा सरकारं पनेत स्वःगुलिं उगु ज्याखँयात कयाः विरोध यासें सार्वजनिक रुपं वक्तव्य पिकायेगु ज्या याःगु दु ।

अथेहे, उगु जात्रा न्यायेकेगु नितिं ख्वपय् जूगु आन्दोलन जनबहाःद्यः जात्रा व्यवस्थापन समितिया सकल जः दुजःपिन्त सक्रिय रुपं ब्वति कायेत नं समितिया नायः शाक्यं इनाप यानादीगु खः । अथेहे, व्यवस्थापन समितिं थीथी उपसमितित नीस्वंगु दु । थथे थीथी समिति थुकथं दु ः स्वयंसेवक, स्काउट, रेडक्रस, सुरक्षा निकाय समन्वय, विपद् व्यवस्थापन थीथी संघसंस्था क्लबया संयोजन यायेगु नितिं गणपतिलाल श्रेष्ठया संयोजकत्वय् उपसमिति नीस्वंगु दुसा सांस्कृति बाजं खलः समन्वय यायेगु नितिं पंच महर्जनया संयोजकत्वय् उपसमिति नीस्वंगु दु ।

अथेहे, रुट निरीक्षण, स्वास्थ्य सेवा परिचालन, सतक विभाग, विद्युत प्राधिकरण, दूर संचार प्राधिकरण समन्वय यायेगु नितिं अमित बज्राचार्यया संयोजनय् उपसमिति नीस्वंगु दु । थ्वहे झ्वलय् रथ निर्माण निरीक्षण, गुथि संस्थान समन्वय यायेगु नितिं सत्यनारायण डंगोलया संयोजनय् उपसमिति नीस्वंगु दुसा घःमा चुकूया व्यवस्थापनया नितिं नरेश महर्जनया संयोजकत्वय् उपसमिति नीस्वंगु दु ।

थुकथं हे कोरोना भाइरस संक्रमणयात चिइकाः जात्रा न्यायेकेत माःगु स्वास्थ्य ज्वलं तयारी यायेगु नितिं मच्छिन्द्र क्लबया संयोजकत्वय् उपसमिति नीस्वंगु दु । प्रचारप्रसार व संचार माध्यम संयोजन यायेगु नितिं राजीव राजोपाध्याय उपसमिति नीस्वंगु दु । जात्राया नितिं मिसा सहभागिताया नितिं नानीहेरा महर्जनया संयोजनय् उपसमिति नीस्वंगु दु ।थथे नीस्वंगु फुक्क समितिया मुँज्या बैशाख ५ गतेययायेगु निर्णय जनबहाःद्यः जात्रा व्यवस्थापन समितिं यायेधुंकूगु दु ।

जात्रा तःजिक न्यायेकेगु नितिं जनबहाःद्यः जात्रा व्यवस्थापन समितिया नायः नीलकाजी शाक्यया सभापतित्वय् वंगु छवाःन्ह्यःनिसें तयारी मुँज्या जुयाच्वंगु दुसा वंगु स्वन्हु न्ह्यः जनबहाःद्यः जात्रा ११४१ व्यस्थापन समिति नीस्वंगु दु ।उगु व्यवस्थापन समितिया मुँज्यां दकले न्हापां ख्वपय् जुइगु बिस्काः जात्रा सरकारं पनेत स्वःगुलिं उगु ज्याखँयात कयाः विरोध यासें सार्वजनिक रुपं वक्तव्य पिकायेगु ज्या याःगु दु ।

अथेहे, उगु जात्रा न्यायेकेगु नितिं ख्वपय् जूगु आन्दोलन जनबहाःद्यः जात्रा व्यवस्थापन समितिया सकल जः दुजःपिन्त सक्रिय रुपं ब्वति कायेत नं समितिया नायः शाक्यं इनाप यानादीगु खः ।अथेहे, व्यवस्थापन समितिं थीथी उपसमितित नीस्वंगु दु ।

थथे थीथी समिति थुकथं दु :

स्वयंसेवक, स्काउट, रेडक्रस, सुरक्षा निकाय समन्वय, विपद् व्यवस्थापन थीथी संघसंस्था क्लबया संयोजन यायेगु नितिं गणपतिलाल श्रेष्ठया संयोजकत्वय् उपसमिति नीस्वंगु दुसा सांस्कृति बाजं खलः समन्वय यायेगु नितिं पंच महर्जनया संयोजकत्वय् उपसमिति नीस्वंगु दु । अथेहे, रुट निरीक्षण, स्वास्थ्य सेवा परिचालन, सतक विभाग, विद्युत प्राधिकरण, दूर संचार प्राधिकरण समन्वय यायेगु नितिं अमित बज्राचार्यया संयोजनय् उपसमिति नीस्वंगु दु ।

थ्वहे झ्वलय् रथ निर्माण निरीक्षण, गुथि संस्थान समन्वय यायेगु नितिं सत्यनारायण डंगोलया संयोजनय् उपसमिति नीस्वंगु दुसा घःमा चुकूया व्यवस्थापनया नितिं नरेश महर्जनया संयोजकत्वय् उपसमिति नीस्वंगु दु ।थुकथं हे कोरोना भाइरस संक्रमणयात चिइकाः जात्रा न्यायेकेत माःगु स्वास्थ्य ज्वलं तयारी यायेगु नितिं मच्छिन्द्र क्लबया संयोजकत्वय् उपसमिति नीस्वंगु दु ।

प्रचारप्रसार व संचार माध्यम संयोजन यायेगु नितिं राजीव राजोपाध्याय उपसमिति नीस्वंगु दु । जात्राया नितिं मिसा सहभागिताया नितिं नानीहेरा महर्जनया संयोजनय् उपसमिति नीस्वंगु दु ।थथे नीस्वंगु फुक्क समितिया मुँज्या बैशाख ५ गतेया दुने क्वचायेकेगु निर्णय नं समितिं याःगु दु । कन्हय् सोमवाः रथ सालेगु नितिं स्वयंसेवक मुँज्या च्वनेत्यंगु दु । जात्राया संयोजक नीलकाजी शाक्यया नेतृत्वय् वंगु बिहिवाः राष्ट्रपति विद्यादेवी भण्डारीयात नापलानाः जात्राया न्हापांगु दिं असनय् याः न्यायेवं राष्ट्रपतियात दर्शनार्थ झायेत इनाप पौ लःल्हायेगु ज्या जुइधुंकूगु दु ।

वंगु दँय् कोरोना भाइरस संक्रमणया हुनिं जनबहाःद्यः जात्रा रथयात्रा स्थगित याःगु खःसा थुगु दँय् स्वास्थ्य सुरक्षायात पालना यानाः जात्रा न्यायेकेगु निर्णय जुइवं थ्व निर्णय कथं स्वनिगःन्यंकं हे जात्रा न्यायेकेगु लकस ब्वलंगु खः । दुने क्वचायेकेगु निर्णय नं समितिं याःगु दु । कन्हय् सोमवाः रथ सालेगु नितिं स्वयंसेवक मुँज्या च्वनेत्यंगु दु । जात्राया संयोजक नीलकाजी शाक्यया नेतृत्वय् वंगु बिहिवाः राष्ट्रपति विद्यादेवी भण्डारीयात नापलानाः जात्राया न्हापांगु दिं असनय् याः न्यायेवं राष्ट्रपतियात दर्शनार्थ झायेत इनाप पौ लःल्हायेगु ज्या जुइधुंकूगु दु ।

वंगु दँय् कोरोना भाइरस संक्रमणया हुनिं जनबहाःद्यः जात्रा रथयात्रा स्थगित याःगु खःसा थुगु दँय् स्वास्थ्य सुरक्षायात पालना यानाः जात्रा न्यायेकेगु निर्णय जुइवं थ्व निर्णय कथं स्वनिगःन्यंकं हे जात्रा न्यायेकेगु लकस ब्वलंगु खः ।