Display Style:
Column Style
राष्ट्रपति भण्डारीया उपस्थिति पशुपती लुँया जलहरी तल, सर्वाेच्चं जलहरी मतयेत बिल आदेश
लहनान्यूज | सिल्लाथ्व द्धादशी ११४१, फागुन १२ बुधवाः
पशुपतिनाथ द्यगलये लुँया जलहरी तःगु दु । थौं देगलय् राष्ट्रपति विद्यादेवी भण्डारीं क्षमा पुजा याना लुँया जलहरी तयादीगु खः ।
वंगु लाय् पशुपतिनाथ पूज्यायेत झाम्ह प्रधानमन्त्री केपी शर्मा ओलीं लुँया जलहरी तयेगु घोषणा यानादीगु खः ।
पशुपतिनाथमय् दूगु वःहया जलहरी जिर्ण जूगुलिं उगु वः या जलहरीयात लुँया आवरणं त्वःपुइगु पशुपति क्षेत्र विकास कोषं न्ह्यथनादिल ।
सच्छि व च्यागू किलो लुँया जलहरी तयेत ८०गू क्वःति ध्येबा मालिगु नं कोषं धयादिल ।
लुँया जलहरी तयेत वंगु न्याहूनिसें पशुपनिाथ द्यगलये विधिकथं पूजाआजा जुयाच्ंगु खः ।
थुखे सर्वाेच्च अदालतं धाःसा उगु जलहरी मतयेत आदेश ब्यूगु दु । जलहरी तःगुया लिखित कारण सरकारयाके माग याःगु दु ।
प्रदेशसभा सांसद नरोत्तम वैद्य व अधिवक्ता नितीका ढुंगानां दायर याःगु रिटय् सुनुवाई यासें न्यायाधीश पुरुषोत्तम भण्डारी एकल इजलासं थथें पशुपतिनाथ द्यगलये जलहरी तयेगु ज्याः मयायेत अन्तरकालिन अन्तरिम आदेश जारी यानादीगु खः ।
प्रतिनिधिसभा पुनःस्थापन सर्वोच्चया फैसला विषयस प्रचण्ड, माधवलिसें नेतापिन्स बिउगु प्रतिक्रिया
सिल्लाथ्व द्धादशी ११४१, फागुन १२ बुधवाः
प्रतिनिधिसभा पुनःस्थापना यायेगु सर्वोच्चया फैसलायात थीथी राजनीतिक दलं लसकुस याःगु दु । प्रधानमन्त्री ओली पक्ष बाहेक मेमेगु दलं फैसलायात लसकुस याःगु दु ।
इमिसं सर्वोच्चं संविधानया रक्षा याःगु अले देय्यात राजनीतिक दुर्घटना मजुइकूगु धागु दु । नेकपा दाहाल–नेपाल पुचःया नायः पुष्पकमल दाहाल प्रचण्डं सर्वोच्चया फैसलां देय्यात ख्यूंगु सुरुङय् मछ्वःगु धयादीगु दु ।
चितवनय् दुम्ह प्रचण्डं प्रधानमन्त्री ओलीया राजिनामा तकं फ्वनादीगु दु । प्रधानमन्त्री ओलीयाके छुं भतिचा जक न लाज दुसा नैतिकताया लिधंसाय् राजीनामा बीत प्रचण्डं छ्याता बियादीगु दु ।
अथेहे, नेकपाया हे मेम्ह नायः माधवकुमार नेपालं सर्वोच्चया फैसलां लोकतन्त्र व नेपाली जनता त्याःगु धयादिल । अदालतं लोकतन्त्रयात त्याकेब्यूगु धयादीगु दु ।
चितवनय् दुपिं नेता नेपाल व प्रचण्डं फैसलालिपा छम्हेसिनं मेम्हेसित लड्डु नकाः लसता प्वंकूगु खः ।
यस्तै प्रमुख प्रतिपक्षी दल नेपाली कांग्रेसं न सर्वोच्चया फैसलायात लसकुस याःगु दु । काँग्रेस सभापति शेरबहादुर देउवां ट्वीट यानाः थःम्हं सुरुनिसें संसद् विघटनय् सर्वोच्चयात स्वतन्त्र रुपय् फैसला यायेबीमागु उल्लेख यानादीगु खः ।
संविधान कार्यन्वयनया झ्वलय् खनेदुगु कचवं ज्यंकेगु लिपांगु थाय्या कथं सर्वोच्च अदालत दुगु न वय्कलं धयादिल ।
सभापति देउवां सर्वोच्चं विघटन बदर यानाः संवैधानिक दायित्व पूवंकूगु उल्लेख यानादीगु दु । प्रतिनिधिसभाया सभामुख अग्नि सापकोटां जनताया व संविधानवादया जीत जूगु प्रतिक्रिया बियादीगु दु ।
सर्वोच्च अदालतं प्रतिनिधिसभा विघटन यायेगु सरकारया निर्णययात बदर यायेधुंकाः प्रतिक्रिया ब्युसें वय्कलं सर्वोच्चया फैसलां संविधानवादया जीत जूगु धयादिल ।
सभामुख सापकोटां प्रतिनिधिसभा विघटन यायेगु प्रधानमन्त्री केपी शर्मा ओलीया निर्णयायत बदर यायेगु सर्वोच्चया फैसलां राज्यया महत्वपुर्ण अंगतय् शक्ति पृथकिकरण व भूमिका बारे नं स्पष्ट मार्ग निर्देश याःगु धयादिल ।
नेपाली कंग्रेसया महामन्त्री डा. शशांक कोइरालां सर्वोच्च अदालतं नेपाली जनतायात न्याय बिउगु टिप्पणी यानादीगु दु । न्यायालयं पञ्चायतया कालरात्रीइ नं बीपी कोइराला, गणेशमानसिंह लिसेंया दर्जनौं नेतायात न्याय बिउगु खः ।
उगु हे जगय् थौं हाकनं न्याय चूलागु महशुष जूगु वयेधया धापू दु । आः च्वनिगु संसद मुँज्याय् प्रधानमन्त्रीं राजीनामा बिया सहज राजनीतिक वातावरणया नितिं लँपू प्रशस्त यायेमाःगु वयेकया छ्याता दु ।
नेपाली कंग्रेस थुगु इलय् सरकारय् वनेगु सिवें पिने हे च्वना न्हूगु दयेकिगु सरकारयात ग्वहालि यायेगु पायेछि जुइगु थःगु व्यक्तिगत विचाः दूगु वयेकलं न्ह्यथनादील ।
सर्वोच्च अदालतया पूर्वन्यायाधीश बलराम केसीं प्रतिनिधिसभा विघटनसम्बन्धी सर्वोेच्च अदालतया फैसला याःपिं न्यायाधीशपिन्त ‘स्यालुट’ यायेमाःगु धयादीगु दु ।
पूर्वन्यायाधीश केसीं संविधान डिरेल जुइगु अवस्था दुगुलिइ बल्ल ट्र्याकय् वःगु टिप्पणी यानादिल । वय्कलं सर्वोच्चया फैसलायात लसकुस यायेमाःगु धयादिल ।
प्रधानमन्त्री केपी शर्मा ओलीं थःके पावर दु धकाः घमण्ड याःगु धासें वयकःया घमण्ड फूगु धयादिल । पूर्वन्यायाधीश केसीं सर्वोच्चया फैसलाया हलिंन्यंक तारिफ जुइगु धयादिल ।
प्रचण्ड–माधव समूह न संसदीय दलया बैठक सःतल
लहनान्युज | सिल्लाथ्व द्धादशी ११४१, फागुन १२ बुधवाः
सर्वोच्च अदालतं संसद विघटन बदर यायेवं नेपाल कम्युनिष्ट पार्टी (नेकपा) प्रचण्ड–माधव समूहया संसदीय दलया बैठक सःतूगु दु ।
थौं न्हिनसिया ४ बजेया लागि संसदीय दलया बैठक सताःगु दु धका प्रवक्ता नारायणकाजी श्रेष्ठं जानकारी बिःगु दु । उगु बैठकय् संसदीय दलं वइगु संसद बैठकय् म्हित्यमाःगु भूमिका व रणनीति तय याइ धका धाःगु दु। प्रचण्ड–माधव समूह न थ्व स्वया न्ह्यः केपी शर्मा ओलीयात संसदीय नेतापाखे हटे याना प्रचण्डयात नेता ल्यःगु खः ।
उगु समूह न ओलीयात नेकपाया साधारण सदस्य तक मदुइगु कथं कारबाही याःगु खः।
प्रचण्ड–नेपाल समूह न थौं देयन्यक विजय जुलुस पिकाइगु
लहनान्युज | सिल्लाथ्व द्धादशी ११४१, फागुन १२ बुधवाः
प्रतिनिधिसभा विघटनया निर्णययात सर्वोच्च अदालतं बदर यायेवं नेकपा प्रचण्ड–नेपाल समूह न थौं देयन्यक विजय जुलुस पिकाय् त्यःगु दु ।
स्वनिगः पिने ८ बजे निसे विजय जुलुस पिकाःगु दु सा थुगु समूह न केन्द्रीय संघर्ष समिति धाःगु दु । येँ धाःसा न्हिनया १२ बजे शान्तिवाटिका न विजय जुलुस पिकाय त्यःगु धका समितिं धाःगु दु ।
शान्तिवाटिकाया जुलुसय् समूहया अध्यक्षपि पुष्पकमल दाहाल ’प्रचण्ड’ व माधवकुमार नेपाल सहभागी जुइगु सम्भावना दु धका प्रचण्डया प्रेस संयोजक विष्णु सापकोटां जानकारी बिःगु दु । निम्हं अध्यक्षपि चितवनय् दु ।
पीत पत्रकारिताया शिकार पत्रकार हिमेश बज्रचार्य
लहनान्युज | सिल्लाथ्व द्धादशी ११४१, फागुन १२ बुधवाः
वःगु छु इलय् थःपिनिगु लोकप्रियताया लागि पीत पत्रकारिता याइपि सञ्चारमाध्यमपि अप्वोया वःगु दु । थःपिनिगु लोकप्रियताया लागि सञ्चारया मूल मन्त्र सत्य तथ्य व निष्पक्षतायात त्वःता एकपक्षीय, तथ्यहीन व भ्रामक समाचार सम्प्रेषण याना व्यक्तिगत व सामूहिक चरित्र हत्या जुइगु समाचार प्रशारण यायेगु हे छु सञ्चारमाध्यमं थःगु धर्मया रुपय् कायेगु यानाच्वंगु दु।
पत्रकार आचार संहिताया छु न बुँदा पालना मयासे थःगु मनमानी समाचार दयेका उकिइ समाज व मनू तयेत गज्यागु असर लाइ धइगु सामान्य मानवीय भावना तक बिचाः मयासे थज्यागु प्रवृत्तिं आम जनतात पीडित जुइगु लिपागु इलय् पत्रकारिता ख्यलय् हे समर्पित मनूत न थुकिइगु शिकार जुगु दु। “ख्वागु येँ ख्वागु मन मन दुम्ह निर्दयी घरबेटी” शिर्षक दयेका छगु टेलिभिजन च्यानलं प्रशारण याःगु समाचार कपोलकल्पित व भ्रामक जुगुम्ह पत्रकार नाप छेँथुवा हिमेशरत्न बज्राचार्यं धाःगु दु। वयकलं थःगु छेँय् मख येँ महानगरपालिका २४ वडाय् थःग छेँय् बालंच्वम्ह ललिता श्रेष्ठयात जबरजस्ती कोठाय् सामान वानाछ्वया बिःगु धका योहो टेलिभिजनं बिःगु समाचार एकपक्षीय, भ्रामक व कपोलकल्पित खः धका धयादीगु दु।
वयकलं थुकिइ श्रेष्ठ परिवारया बदनियत खनेदु व छम्ह सामान्य बालंच्वम्ह कोठा त्वःता वनेगु ज्याय् म्वामदुगु रुपं भ्रम सृजना याना थःगु प्रतिष्ठाय् हे आँच वइगु ज्या जुगु दु धका वयकलं धयादीगु दु । पत्रकार बज्राचार्य ताःई निसे कोठाया बाः मपुगु व छेँया ट्यांकी त्वाकिइ पुनःनिर्माण यायेमाःगुलि कोठा खाली यायेत स्वलाया न्ह्यः हे सूचं बियागु खः धका धयादीगु खः । थ्व स्वया न्ह्यः यस पटक पटक कोठा खाली यायेत इनाप यानागु व कोठा खालि यायेगु थःपिनिगु हे सहमतिमा सामान ल्ह्यःया चुकय् तयातःगु व कामपा २४ वडा कार्यालयय् बाँकि छेँया भाडा पुलेर्त मञ्जुरीना तक यागु धका धयादीगु दु ।
पत्रकार बज्राचार्यं थः नाप थः जहान पूजा शाक्यं ललिता श्रेष्ठ व वया काय् प्रज्वल श्रेष्ठयात छु न दुव्र्यवहार मयानगु धयादिसे थ्व स्वया न्ह्यन कोठाभाडाया विषयय् विवाद जुगु इलय् ल्यः दनिइगु छेँया बाः पुलेगु मञ्जुरी याना महानगरीय प्रहरी परिसर जनसेवामा भ्वँ बियागु धका धयादीगु दु । उगु त्वालय् तक ललिता श्रेष्ठया ज्या व व्यवहार बामलागु धका धयादीसे बज्राचार्यं ललिता श्रेष्ठ व वया काय् २०७६ फागुनय् बालं च्ववःगु खः।
थुगु सन्दर्भय् येँ महानगरया २४ वडा सदस्य सुमन स्थापितं धयादीगु दु, ‘छेँ थुवाः न ललिता श्रेष्ठ व वया काय् प्रज्वल श्रेष्ठयात छु न किसिमया म्वामदुगु ज्या जुगु मदु । छेँ थुवा हिमेशरत्न वज्राचार्य व वयकःया जहान पूजा शाक्यपाखे कोठाय् सामान वाःछ्वःगु मदु, बरु श्रेष्ठ परिवारं हे सामान ल्ह्ययाः यकूगु खः। छु न किसिमं जबरजस्ती जुगु मदु । अथेहे जनसेवाया डीएसपी दीलबहादुर मल्लं ‘घटनाबारे जानकारी वयेवं हे प्रहरी छ्वया बियागु दु । स्थानीयपि नाप न्यनेकने यानागु दु । स्थानीयपिन्स बिःगु जानकारी कथं बालंच्वम्हेसिके यक्को हे कमजोरी खनेदु।’ धका धयादीगु खः।
