गृह मन्त्रालयं सहसचिव व उपसचिव याना ५२ म्हेसित सरुवा व पदस्पथापन याःगु दु।

उकि मध्ये ३६ जिल्लाया प्रमुख जिल्ला अधिकारी पिन्त हेरफेर व छु भचा जिल्लाया सहायक प्रमुख जिल्ला अधिकारीपिन्त उखेथुखे याःगु दु।

शुक्रवाः गृहमन्त्री रामबहादुर थापां मन्त्रीस्तरीय निर्णयपाखे सिन्धुली, बागलुङ, गोरखा, सिन्धुपाल्चोक, सुनसरी, कास्की, इलाम, सल्यान, कैलाली, उदयपुर, दैलेख, चितवन, सर्लाही, दाङ, महोत्तरी, सप्तरी, ओखलढुंगा लगायतया जिल्ला प्रमुख जिल्ला अधिकारी सरुवा याःगु दु ।

नेपाली कांग्रेसया नेता नवीन्द्रराज जोशीया तसक जटिल अवस्थाय् दु धका चिकित्सकपिन्स धाःगु दु।

मस्तिष्कघात जुइवं जोशीयात वीर अस्पताल यंका वया लिपा नर्भिक अस्पताल यकूगु खः । अस्पताल यका च्वंगु इल्य् गाडीइ न्ववानाच्वम्ह अस्पताल थ्यःगु इलय् बोहोस जुगु खः । सिटी स्क्यान याना स्वगु इलय् छ्यनय् हिं जमे जुइ धुकुगुलि वीरपाखे नर्भिक अस्पताल यकूगु खः ।

जोशीया उपचारय् संलग्न नर्भिकया न्यूरो सर्जन डा. राजीव झा न धयादीगु दु, ‘वयकः कोमाय् दु । सास ल्ह्याये थाकुगु दु व बान्ता स्वय् थ्यने धुकुगु दु धका धाःगु दु।’ सास ल्ह्याये अपुकेत पाइप तयेगु नाप स्वय् थ्यःगु वान्ता लिकाःगु दु । डा. झा धयादीगु दु, ‘स्वया वनेगु झ्वलय् छगु मिखांया नानी फुले जुइ धुकुगु दु । निगलं मिखाया नानी फुले जुइगु धइगु सीइगु अवस्थाय् जक जुइ।

अथेहे मेगु बच्छि दिमागं ज्या मयाःगु खनेदु।’ सिटी स्क्यान याःगु इलय् हि दिमागया दथुइ लः जम्मा जुइगु थासय् थ्यका ब्लक याःगु खनेदु धका डा. झा न धयादीगु खः । सुगर, प्रेसर लगायतउा ल्वचं तक पीडित जुम्ह  हि छ्वालुकेगु लागि वासः नया च्वःगु दु। थज्याम्ह मनूयात सर्जरी यातकि हि यक्को बाः वनेफु उकियात बिचाः याना सर्जरी याये धका धयादीगु दु ।

डा. झा धयादीगु दु, ‘आःतक १२०÷१३० मिलिलिटर लः लिकाये धुकुगु दु । वयकःयात आः भेन्टिलेटरय् तया तइगु दुं ।’ वयकःया कथ थज्यागु अवस्थापाखे म्वापि यक्को तक प्यारालाइसिस जुइफु धका धयादीगु खः।

महिला लघुवित्त वित्तीय संस्थाया प्राथमिक सेयर (आईपीओ) ३७ हजार ५ सय लगानीकर्तापिन्त लाःगु दु।

थौं शुक्रवाः सुथय् बाँडफाँट गोलाप्रथापाखे ३७ हजार ५ सय म्हेसित १० गु कित्ताया दरं आईपीओ लाःगु दु । कम्पनीया शेयर १५३ म्ह कर्मचारीया लागि ५ हजार कित्ता सेयर बाँडफाँड याःगु खः। सामुहिक लगानी कोषया लागि २० हजार कित्ता बाँडफाँट जुगु खः। महिला लघुवित्तया सेयर निष्काशन तथा बिक्री प्रबन्धक नेपाल एसबिआई मर्चेन्ट बैंकिङ्ग लिमिटेड याःगु खः।

आईपीओय् आवेदन बिःगु मध्ये २ प्रतिशत लगानीकर्तां आईपीओ ल्हातय् लाःगु दु। महिला लघुवित्तया आईपीआय् कुल १५ लाख ४० हजार ३५ म्हेसिया आवेदन बिःगु खः। उकि मध्ये १५ लाख ३६ हजार ६८२ म्हेसिगु आवेदन सदर जुगु खः। ३ हजार ३५३ आवेदकया आवेदन धाःसा रद्द जुगु कम्पनीं धाःगु दु । आईपीओ कुल २ करोड ३७ लाख ४७ हजार ५९० कित्ता शेयरया माग जुगु खः।

उकि मध्ये ५४ हजार ९६० कित्ता दोहोरो आवेदनया कारण रद्द जूगु खः। लघुवित्तं प्रतिशेयर मूल्य १०० रुपैयाँ अंकित दरया ४ करोड रुपैयाँ बराबरया ४ लाख कित्ता साधारण सेयर निष्काशन याःगु खः। तर, धितोपत्र बोर्डया निर्देशनय् सीडीएससीं संचारमाध्यमय् लिच्वः सार्वजनिक यायेत रोक लगे यागुलि लिच्वः स्वयेत समस्या वःगु दु।

मेरो शेयरया वेवसाइट व एप्स, निष्कशनकर्ता कम्पनी व शेयर निष्काशन तथा बिक्री प्रबन्धकया वेवसाइटपाखे स्वये फइ।