छत्रपाटी निःशुल्क चिकित्सालय अस्पतालयात सिद्धार्थ बनस्थली स्कूलया पुलांपि विद्यार्थीपिन्स आर्थिक सहयोग यागु दु।

सिद्धार्थ बनस्थली स्कूल ४७ साल ब्याचया विद्यार्थीपिन्स अस्पतालय् अक्सिजन प्लान्ट तयेगु लागि डेढ लाख रुपैयाँ सहयोग यागु दु। अस्पतालय वना पूर्व विद्यार्थीपिन्स उगु चेक अस्पतालया अध्यक्ष डा. मनोजमान श्रेष्ठयात हस्तान्तरण यागु खः।

उगु चेक लल्हाना काये धुका अस्पतालया अध्यक्ष डा. श्रेष्ठं चिकित्सालययात यागु सहयोगया लागि सुभाय् देछानादीगु खः । ‘अत्याधुनिक प्रविधिसहितया आइसीयू, पोर्टबेल एक्सरे मेसीन नाप विरामीपिन्त याकन व स्तरीय सेवा बिइगु निति आवश्यक अत्याधुनिक मेसीन व प्रविधि यथन जडान यानागु दु, आः अक्सिजनया समस्या मजुइमा धका अक्सिजन प्लान्ट तयेगु ब्यवस्था याये त्यनागु दु धकां’ डा.श्रेष्ठं धयादीगु खः।

येँ महानगर प्रमुख विद्यासुन्दर शाक्यया रोहवरय् येँ महानगरपालिका व फ्रान्सया मेड्सा डु मोन्ड दथुइ थुगु सम्झौता जूगु खः ।

सम्झौताय् महानगरपाखें वडा १९ या वडाध्यक्ष शशीलाल श्रेष्ठ व मेड्सापाखें नेपाल प्रतिनिधि डा. गियोम फेबोलं ल्हाःचिं तयादिल । येँया अनौपचारिक सफाईकःमि व सहरी समुदायया स्वास्थ्यय् पहुँच थकायेत वडा १९ या सहरी स्वास्थ्य केन्द्रयात सहरी स्वास्थ्य प्रवर्ध्दन केन्द्रया रुपं स्तरोन्नति यायेत सम्झौता जूगु दु।

सम्झौता धुंकाः महानगर प्रमुख शाक्यं  परियोजनां लक्षित पुचलय् ज्याझ्वः थ्यंकेत अःपुइगु प्रतिक्रिया बियादिगु खः ।‘स्वास्थ्य सेवाय् सकसिगु समान पहुँच विस्तार यायेत जिमिसं लगानी थकयागु दु । पूर्वाधार सुधार, उपकरण खरिद व जनशक्तिया समुचित परिचालनं जिमिसं आज्जुइ थ्यंके’ मेयर शाक्यं धयादिल ।

मेयर शाक्यं आः कोभिड महामारी व्यवस्थापनय् महानगरं यानाच्वंगु ज्याया बारे चर्चा यासें सकसितं कोभिड विरुद्धया खोप बीत सरकारलिसे जानाः ज्या यानाच्वनागुलिं हथाय् मचायेत इनाप यानादिल । न्हापां खोपय् च्यूताः मतःगु व आः चाप अप्वःगु अनुभव न्यंकुसें वयकलं गलत सुचंया शिकार मजुइत इनाप यानादिल।

परियोजना शुरुवातया विषयस खँ ल्हासें डा. फेबोलं प्रयोगशाला स्थापना, जनशक्तिलिसें चिकित्सकीय सामग्री अले उपकरण तनेगु योजना न्यंकादिल । सम्झौता कथं येँ महानगरपालिकां १ करोड ५ लाख ४० हजार तका ब्यहोरे याइ ।

परियोजना न्ह्याकेत समन्वय समिति अले रणनीतिक व व्यवस्थापन समिति नीस्वनी । सम्झौता कथंया स्वास्थ्य प्रवर्ध्दन केन्द्र वडा १९ य् स्थापना जूसां मेगु वडा व नुवाकोटको ल्याण्डफिल साइट क्षेत्रय् दुगु स्वास्थ्य चौकीं तकं सेवा बीगु धाःगु दु।

शिक्षा विज्ञान लिसें प्रविधि मन्त्री कृष्णगोपाल श्रेष्ठं पुलाँगु नक्सा तया मिउगु सपूm जफत यायेत उजं बियादिगु दु । छुं निजी प्रकाशकं न्हूगु संस्करण उल्लेख याना नेपाःया पुलाँगु हे नक्शा तया सफु मिइगु जानकारी वसेंलि मन्त्री श्रेष्ठं उगु उजं बिउगु खः । पाठ्यक्रम विकास तथा मूल्यांकन परिषदया थौं क्वचाःगु ८८गू मुँज्याय् मन्त्री श्रेष्ठं सपूm प्रकाशन व बिक्रेतायात कानूनया दायरा हया हदैतक्क कारबाही यायेत पाठ्यक्रम विकास केन्द्रयात उजं बिउगु दु । मन्त्री श्रेष्ठं सरकारया मिखा छलेयाना पुलाँगु नक्शा तया सफु मिउपिं सफु प्रकाशक व वितरकयात थथें स्पष्टिकरण कायेगु, पुलाँगु नक्सा दूगु सपूmत बजाःपाखें जफत यायेग व मन्त्रालयया उजंयात अटेर याःपिन्त कानून कथं कारबाही यायेत पाठ्यक्रम विकास केन्द्रयात उजं बिउगु दु । उगु वलय् वय्कलं “छिकपिन्सं अनुगमन यानादिसं, देशय् आँच थ्यनिकथं पुलाँगु नक्सा उल्लेख याना सपूm मिइगु जुला धाःसा थथें प्रहरी प्रशासन यंका कारबाही यानादिसं,”मन्त्रीं धयादिल । मन्त्रालयया सचिव रामप्रसाद थपलियां पुलांगु नक्सा तया न्हूगु सपूm मिउपिन्त कडा रुपं कारबाही यायेगु न्ह्यथनादिल । वयकलं थ्व विषयस थथें अनुगमन न्ह्याकेगु व गल्ती याःपिं प्रकाशक व विक्रेतापिन्त कारबाहीया प्रकृया हयेगु धयादिल । सचिव थपलियां सरकारं न्हूगु नक्सा जारी यायेधुंका पुलाँगु हे नक्सा न्ह्ब्वयेगु धाःगु तःधंगु द्वंकाः खः, थथे याःपिन्त कडा कारबाही यायेगु धयादिल । यक्वः हे विक्रेतापिन्सं नेपाःया पुलाँगु हे नक्सा न्ह्यब्वया मिइगु यानावयाच्वंगु पाठ्यक्रम विकास केन्द्र न्ह्यथंगु दु । केन्द्रया महानिर्देशक अणप्रसाद न्यौपानें पुलाँगु नक्सा छापे याना सपूm मिउपिन्त कारबाहीया प्रकृया न्ह्याकेधुंकूगु जानकारी बियादिल । वय्कलं धयादिल, थथे ज्याः याःपिन्त छुं छुं प्रकाशकतय्त स्पष्टीकरण कया कारबाही न्ह्याकागु धयादिल । यक्वः सपूm प्रकाशक व विक्रेतां सामाजिक शिक्षा, जिके लगायतया सफुतिइ पुलाँगु हे नक्सा तया छपाई याःगु खनेदु । मन्त्री श्रेष्ठं सरकारं जारी याःगु च्वामुगु नक्सा तया सफु पिथनेत उजं बिउगु खः । मुँज्याय् मन्त्री श्रेष्ठं तगिं ६ या सपूm म्हो जुइके मबिइत धलःखय् लाःपिं प्रकाशकपिन्त सपूm छापे याकेत नं उजं बियादिल । मुँज्यां थीथी विषयस तगिं ६८गू या पाठ्यक्रम स्वीकृत याःगु दु ।

प्रतिनिधिसभा विघटन मुद्दाय् सर्वोच्च अदालतं बहसया लागि छगु पक्षयात १५ घण्टाया ई निर्धारण यागु दु।

ट निवेदक पक्षं सुरुइ १२ घण्टा व प्रत्युत्तर बहसया लागि ३ घण्टा याना १५ घण्टाया ई बिगु दु। अथेहे विपक्षी सरकारया पाखे बहसया लागि १५ घण्टा ई बिगु दु।

बुधवाः प्रधानन्यायाधीश चोलेन्द्रशम्शेर जबरा, न्यायाधीश दीपककुमार कार्की, मीरा खड्का, ईश्वरप्रसाद खतिवडा व डा. आनन्दमोहन भट्टराई न इजलासं प्रतिनिधिसभा विघटनया मुद्दामा बहसया ई तोके यागु खः।

इजलासं थुगु मुद्दाय् प्यम्ह एमिकस क्युरी (अदालतको सहयोगी) या माग यागु खः। उकिइ नेपाल बार एशोसिएसनपाखे निम्ह व सर्वोच्च अदालत बार एशोसिएसनपाखे निम्हेसित माग यागु खः।

एमिकस क्युरी छम्हेसिया आधा घण्टा याना २ घण्टा बहस याये दइ। थुगु मुद्दाय् बहस याइपि दक्को कानुन व्यवसायी व एमिकस क्युरीयात असार १० गते तक बहस नोट बिया संवैधानिक इजलासं आदेश बिगु दु।

थ्व स्वया न्ह्यःवंगु पुसय् जुगु संसद विघटन सम्बन्धी रिटय् न सर्वोच्च अदालतं नेपाल बार व सर्वोच्च बारपाखे स्वम्ह व निम्हसिगु एमिकस क्युरीया माग यागु खः।

वंगु २४ घण्टाया दुने थप ४३४४ म्हेसित कोरोना भाइरस संक्रमण जुगु दु।

स्वास्थ्य तथा जनसंख्या मन्त्रालयं धागु कथं १२०७४ म्हेसिगु पीसीआर परीक्षणय् ३४४९ म्ह व ४५६८ म्हेसिगु एन्टिजेन परीक्षणय् ८९५ म्ह याना ४३४४ म्हेसित संक्रमण पुष्टि जुगु दु।

लिपागु २४ घण्टाय् कोरोना भाइरस संक्रमणया कारण ८१ म्ह सीगु दु। अथेहे २४ घण्टाया दुने ५७६८ म्ह संक्रमणमुक्त जुगु दु।