Display Style:
Column Style
प्रतिनिधिसभा बैठक थौं न्हिनेसिया १ बजे
लहनान्युज | चौलाथ्व षष्ठी ११४१, चैत्र ६ शुक्रवाः
प्रतिनिधिसभा बैठक थौं संसद भवनय् न्हिनेसिया १ बजेनिसे सुरु जुइ धका संसद सचिवालयं धाःगु दु।
थौंया बैठकय् प्रधानमन्त्री केपी शर्मा ओलीं निगु आयोगया वार्षिक प्रतिवेदन पेस याइगु कार्यसूची सार्वजनिक याःगु दु ।
प्रधानमन्त्री ओलीें लोकसेवा आयोग ६१ क्वःगु वार्षिक प्रतिवेदन २०७७ व राष्ट्रिय मानव अधिकार आयोगया आर्थिक वर्ष २०७६÷७७ या वार्षिक प्रतिवेदन पेस याइगु कार्यसूची दु धका सङ्घीय संसदया महासचिव भरतराज गौतमं जानकारी बिःगु दु ।
अथेहे उगु बैठकय् पूर्व राष्ट्रियसभाया सदस्य नाप संविधानसभाया सदस्य अशोक कोइराला मदुगु शोक प्रस्ताव पारित यायेगु कार्यसूचीइ दु।
वाम बुद्धिजीवी प्रा. माणिकलाल श्रेष्ठया अन्त्येष्टि
लहनान्युज | चौलाथ्व पंचमी ११४१, चैत्र ५ बिहीवाः
वाम बुद्धिजीवी नाप वरिष्ठ समालोचक प्रा. माणिकलाल श्रेष्ठया अन्त्येष्टि थौं क्वचाःगु दु।
येँया शोभाभगवति कर्णदिपय् वय्कःया तःधीम्ह काय डा. मलखलाल श्रेष्ठं मि तयादीगु खः ।
वय्कःया सीम्हय् शिक्षा मन्त्री कृष्णगोपाल श्रेष्ठ व संविधानसभाया अध्यक्ष सुवास नेम्वाङं नेपाःया ध्वाँय् फायेकादीगु खः ।
नेपालभाषा मंकाः खलःया नायः दुर्गालाल श्रेष्ठ, न्वकु मल्ल के. सुन्दर, नेवाः देय् दबूया नायः नरेश ताम्राकार लगायत भाषा ख्यःया आपालं नेता कार्यकर्तातय् नं उपस्थित दुगु खः । वय्कःया सीम्हय् नेवाः देय् दबूया ध्वाँय् नं फायेकूगु खः ।
वय्कःयात अन्तिम श्रद्धाञ्जलि प्वंकेत डा. बाबुराम भट्टराई, उपेन्द्र यादव, दमननाथ ढुंगाना, राजेन्द्र श्रेष्ठ, नारायणकाजी श्रेष्ठ, येँ मनपाया मेयर विद्यासुन्दर शाक्य, ख्वप नपाया मेयर सुनिल प्रजापति, श्याम श्रेष्ठ, राजेन्द्र महर्जन आदिपिं कर्णदिपय् थ्यंकादीगु खः ।
प्रा. श्रेष्ठया अन्त्येष्टि न्ह्यः वय्कःया सीम्हयात थँहितिइ च्वंगु वय्कःया पुलांगु छेँय् अन्तिम दर्शनया निंतिं तःगु खः । अनं लिपा गाडीं लुति तक थ्यंकूगु खः । वय्कःया सीम्हयात वय्कःया मिजं व मिसापिं छय्पिंसं कुबिउगु खः।
कमलपूखु चैत मसान्त तक पुननिर्माण सम्पन्न जुइ : मेयर शाक्य
शोभा श्रेष्ठ | चौलाथ्व पंचमी ११४१, चैत्र ५ बिहीवाः
येँ महानगरपालिकां कमलपूखु न्हापागु चरणया पुननिर्माण चैत मसान्त तक सम्पन्न यायेगु कथं न्ह्यने वनाच्वनागु दु धका जानकारी बिःगु दु ।
अथे पूखुलि लँ तयेगु ज्या न जुइ त्यःगु दु धका येँ महानगरपालिकाया मेयर विद्यासुन्दर शाक्यं जानकारी बियादीगु दु। ‘पूखु पुननिर्माणया ज्या ७० प्रतिशत स्वया अप्वो सम्पन्न जुइ धुकुगु दु। छु दिं लिपा हे पूखुलि निगु करोड लिटर लः तयेगु ज्या यायेगु तयारीइ दु,’ मेयर शाक्यं धयादीगु दु, ‘जिमिस पुननिर्माणया झ्वलय् आकाशं वइगु लः पूखुलि जम्मा यायेगु व्यवस्था यानागु दु।
आः छु दिं लिपा हे न्हापागु चरणय् पूखु जाय्कः लः जायेकिगु जुइ ।’ मेयर शाक्यं छथ्व मनू तयेस कंक्रिटया पूखु दयका सम्पदा स्यकेत स्वल धका म्वा मदुगु विरोध याःगु धासे उमिके डिजाइनया बारेय् सामान्य जानकारी तक मदुगु हचुवाया भरय् विरोध मयायेत व विकास निर्माणय् अवरोध मयायेत इनाप याःगु दु। उमिसं पूखु दथुइ हल्ला याः थे कंक्रिटया कमल स्वां मदुगु धका जानकारी बियादीगु दु ।
पूखु सत प्रतिशत बास्तुशास्त्रया आधारीतय् निर्माण जूया च्व
गु दु धका धयादीगु दु। मेयर शाक्य छथ्व मनूतयेस भ्रम यायेगु कुतः जुया च्वंगु दु धका धयादीसे वयकलं कमलपूखुलि प्यगु कुचाय् आकर्षक व संस्कृति झल्के जुइगु प्यःगु मण्डप व पूर्वपाखे मूलँखाय् छगु नाप न्याःगु मण्डप जुइ धका जानकारी बियादीगु दु । ‘पूखु पुननिर्माण यागु इलय् पूखुया आकारय् छगु इन्च न मिचे मयासे डिजाइन तयार यानागु दु,’ ‘न्हापा बेबारिसे व फोहोर जमे जुया च्वगु पूखुलि परम्परागत, सांस्कृतिक र पर्यकटीय रुप विकास यायेगु अभियानयात न्ह्याका यकगु दु। जिमिसं डिजाइनय् तक दक्को खँ ध्यान बिया दयकःगु दु धका धयादीगु खः ।
संघीय व प्रदेश सांसद नाप स्थानीयया सल्लाह कथं जिकिसं कमलपूखु कंक्रिट छ्यला तःगु भौतिक संरचना थुनागु दु धका धयादीगु दु । उकिइ कंक्रिट छ्यलः धाःगु भ्रम यायेगु कुतः जुगु दु धका धयादीगु खः।
निर्वाचन आयोगं मतदाता नाँ धलः प्रकाशन यात
चौलाथ्व पंचमी ११४१, चैत्र ५ बिहीवाः
लिपांगु अद्यावधिकपाखें देशय् छगू क्वःति ६२ गू लख ४३ द्वः सच्छि व १०म्ह मतदाता कायम जूगु दु ।
वंगु माघ १५ गते निसें न्ह्यागु मतदाता नाँ धलः अद्यावधिक व मतदानस्थल अले मतदान केन्द्र पुनरावलोकन ज्याझ्व क्वचागु नापं मतदाताया लिपांगु नाँ धलः प्रकाशन याःगु खः । देय्यंक १० द्वः ६सः व ६०गू मतदानस्थलय् आबद्ध याना लिपांगु मतदाता नाँ धलः प्रकाशन जूगु निर्वाचन आयोगं जानकारी बिउगु दु ।
आयोगपाखें वंगु पुस ५ गते तक्क मतदाता नाँ धलःखय् नाँ दर्ता याःपिं व उगु हे मिति तक्क १८ दँ वैंश पूवंपिं मतदाताया नाँ अद्यावधिक याःगु दु । मतदाता नाँ धलः ऐनय् ‘निर्वाचनया मिति घोषणा जुइधुंका उगु निर्वाचनया प्रयोजनया नितिं मतदाताया नाँ धलःखय् दर्ता जुइ मखु ’ धइगु व्यवस्था कथं वंगु पुस ६ गते निसें स्थगन याःगु खः ।
आयोगया कथं स्थगन जूगु मतदाता नाँ संकलन लिसें अद्यावधिकसम्बन्धी ज्या आः थौनिसें ७७गू हे जिल्ला निर्वाचन ज्याकुपाखें मतदाता नाँ संकलन लिसें अद्यावधिकसम्बन्धी ज्या संचालन जुइत्यंगु दु ।
थौं काभ्रेय् भुखाय् ब्बल
लहनान्युज | चौलाथ्व पंचमी ११४१, चैत्र ५ बिहीवाः
काभ्रेय् भुखाय् ब्बःगु दु।
थौं सुथय् १० बजे जुया ५ मिनेट वःगु इलय् सिसाखानी धइगु थासय् केन्द्रविन्दु जुया ४.१ रेक्टर स्केलया भुखाय् ब्बःगु दु धका राष्ट्रिय भूकम्प मापन केन्द्रया सहयाक प्राविधिक राजेश शर्मा जानकारी बिःगु दु।
