Display Style:
Column Style
सेना दिवसया लसताय् नेपाली सेनां कवाज न्ह्यब्वल
लहनान्यूज | सिल्लागा त्रयोदशी ११४१, फागुन २७ विहीबाः
नेपाली सेनां महाशिवरात्रि एवं सेना दिवस देययंक थीथी ज्याझ्वः याना हंगु दु । शिवरात्रि व सेना दिवसया लसताय् सैनिक मञ्च टुँडिखेलय् जूगु बढाइँ कवाजलिसें विशेष समारोहलय् राष्ट्रपति विद्यादेवी भण्डारी, प्रधानमन्त्री केपी शर्मा ओलीलिसें विशिष्ठ अतिथि पिनिगु ब्वति दूगु खः ।
समारोहलय् राष्ट्रपतिपाखें नेपाल एकीकरणया इतिहास, नेपालया ऐतिहासिक गढी, किल्ला व युद्धस्थलया म्हसिका व सिपाही वार्षिक–२०७७ लोकार्पण यानादिल ।
अथेहे ‘फ्रि–फल जम्प’य् न्हाप व ल्यू लापिन्त सिरपा बियादीगु खः । सैनिक मञ्च, तिन्ख्यलय् मू समारोह व देययंकया सेनाया दक्व ज्याकू, विभाग, फर्मेशन, पृतना, बाहिनी, युनिट व सव–युनिटं पिन्सं नं थःथःगु लागाय् थीथी ज्याझ्वः याना सेना दिवस झःझः धायेक हंगु खः । नेपाली सेनां निगू दशक न्ह्यःनिसें महाशिवरात्रिया दिंसं सेना दिवसया कथं हनावयाच्वंगु दु ।
सैनिक मञ्चय् परेड व तोप बढाइँ, कवाजलिसें थीथी तजिलजि कथं ज्याझ्वः न्ह्याकूगु खः । ज्याझ्वलयः राइफल व तोपं बढाइँ कवाज, त्रिभुवन आर्मी क्लबया कासामी व राष्ट्रिय सेवा दलया क्याडेटलिसें थीथी युनिटं मार्चपाष्ट, बख्तरबन्द गाडी, ल्वाभः थेंजाःगु इक्युप्मेन्ट प्रदर्शन याःगु खः ।
राष्ट्रिय गौरवया सतक दयेकेगु आयोजना, राष्ट्रिय निकुञ्ज लिसें वन्यजन्तु आरक्षण व विश्वशान्ति स्थापनाय् ब्वःति लिसें विपद् व्यवस्थापनसम्बन्धी थीथी गतिविधिया झाँकी तक्कं न्ह्यब्वःगु खः ।
पश्चिम बंगालया मुख्यमन्त्री ममता बनर्जीयात आक्रमण
लहनान्युज | सिल्लागा त्रयोदशी ११४१, फागुन २७ बिहीवाः
भारतया पश्चिम बंगालया मुख्यमन्त्री ममता बनर्जीयात बुधवाः आक्रमण याःगु दु ।
पश्चिम बंगालया पूर्वी मोदिनीपुर जिल्लाया अधिकारी व प्रहरी अधिक्षकं नन्दीग्रामया बिरुलिया बजारया भ्रमण यायेगु झ्वलय् छु अज्ञात मनू तयसे वयात धक्का बिःगु धका धाःगु दु।
अथेहे ममता बनर्जीया पार्टी तृणमूल कांग्रेसं थःपिनिगु नेतायात जुगु आक्रमणया विरोधय् थःगु घोषणापत्र सार्वजनिक यायेगु ज्याझ्वः स्थगित याःगु दु। बुधवाः उगु घटनाबारे प्रहरीें अनुसन्धान सुरु याःगु दु।
तृणमूल कांग्रेसं थुगु घटनाय् विपक्षीया ल्हाः दु धका धाःगु दु । भारतीय जनता पार्टीं धाःसा थुगु आक्रमणयात नौटंकीया संज्ञा बिउसे थुकिया अनुसन्धान याये माःगु माग याःगु दु ।
मुख्यमन्त्रीया उपचारय् खटे जुपि डाक्टरपिन्स वयागु देपा टुटिइ गम्भीर घाःपाः जुगु धका धाःगु दु।
विमस्टेकया १७क्वःगु परराष्ट्र मन्त्रीस्तरीय मुँज्या अप्रिल १य् जुइगु
लहनान्यूज | सिल्लागा त्रयोदशी ११४१, फागुन २७ विहीबाः
वहुपक्षीय प्राविधिक लिसें आर्थिक ग्वहालिया नितिं बंगालया खाडी देय्या कुतः (विमस्टेक) या १७क्वःगु परराष्ट्र मन्त्रीस्तरीय मुँज्या अप्रिल १ य् जुइत्यंगु दु ।
श्रीलंकाया विदेश मन्त्रालयं वइगु अप्रिल १ य् १७ क्वःगु परराष्ट्र मन्त्रीस्तरीय भर्चुअल मुँज्याया नितिं फुक्क दुजः देय्यात निमन्त्रणा छ्वगु न्ह्यथंगु दु । श्रीलंका विमस्टेकया आःया नायः देय् खः ।
परराष्ट्रमन्त्रीस्तरीय मुँज्या न्ह्यः मार्च ३१ य् उच्च अधिकारीतय् मुँज्या जुइ । उगु मुँज्यां शिखर सम्मेलनया मिति क्वजिइगु धाःगु दु ।
श्रीलंकां थुगुसिइ हे जुइगु शिखर सम्मेलनय् न्ह्यब्वइगु दस्तावेजया खँय् सहलह यायेत विदेश मन्त्रीस्तरीय मुँज्याया ग्वसाःग्वये त्यनागु धाःगु दु । सम्मेलन भर्चुअल माध्यमं जुइ कि भौतिक कथं धइगुलिइ यकिन मजूनि ।
थुगु विषयस परराष्ट्रमन्त्रीपिन्सं थःथःवय् परामर्श याइगु जूगु दु । हरेक निदँ दुने जुइमाःगु सम्मेलन सन् २०२० य् जुइमाःगु खः तर कोरोना महामारीया हुनिं जुइ मफुत । सन् २०१८ य् विमस्टेकया ४क्वःगु शिखर सम्मेलन येँय् जूगु खः ।
कोरोना महामारीया लिच्वः म्हो जुयावनेधुंका थुगुसिइ अन्त्यपाखे शिखर सम्मेलन यायेगु याना प्रक्रिया न्ह्याकुगु खः । विमस्टेकय् बंगलादेश, भुटान, भारत, म्यानमार, नेपाल, श्रीलंका व थाइल्याण्ड दुजः कथं दु ।
महाःद्यःयात विधि कथं पूजा–आराधना याना सिलाच¥हे हनाच्वन
लहनान्यूज | सिल्लागा त्रयोदशी ११४१, फागुन २७ विहीबाः
महाःद्यःयात विधि कथं पूजा–आराधना यासें देय्न्यंक शिवरात्रीया रुपय् सिलाचः¥हे हनाच्वंगु दु । पशुपतिनाथलिसें देय्न्यंक शिवालयस शिवया पूजा आराधना याइपिं सुथंनिसें हे म्वःम्वः मुंगु दु ।
महाःद्यःया पूजा आराधना याःसा सुख शान्ति व परलोकय् सद्गति चूलाइगु धार्मिक विश्वास दु । थ्व हे विश्वासलिसें शैव धर्मावलम्बीतय् सुथंनिसें हे खुसि, पुखू, कुण्डय् म्वःल्हुयाः शिवालयस वनाः श्रद्धाभक्ति लिसें पूजा–आराधना यायेगु याइ ।
धलंमध्ये सर्वोत्तम धयातःगु सिलाचः¥हेया दिनय् भक्तजनं शुद्ध जुयाः महाःद्यःया पूजा–अर्चना यानाः धलं दनेगु व महाःद्यःयात यःगु ज्वलं दुरु, धतुरो व बेलपत्र छायेगु याइ ।
थुगु दिनय् अपसं च्वनाः चच्छि जाग्राम च्वंसा सर्वसिद्धि चूलानाः यमलोक वनेम्वाःलीगु धार्मिक विश्वास दु । महाःया दर्शन यायेत व शिवरात्रिया मेला जायेकेत थौं देय्न्यंक थीथी थाय् लिसें जःलाखला देय् भारतया तीर्थयात्री तकं पशुपतिनाथ थ्यनेगु याइ ।
थ्व हे दथुइ भक्तजनया सुविधाया लागिं सुथय् ४ताः इलंनिसें हे पशुपतिया प्यंगू ध्वाखा चायेकागु पशुपति क्षेत्र विकास कोषं न्ह्यथंगु दु ।
थ्व हे दथुइ, नेपाली सेनां थौं सेना दिवस हनाच्वंगु दु । थ्व झ्वलय् सैनिक मञ्च तिंख्यलय् विशेष समारोहया ग्वसाः ग्वइ । नेपाली सेनां सिलाचः¥हेया दिंयात सेना दिवसया रूपं हनावःगु दु ।
कैलालीइ ओली व नेपाल समूह दथुइ ल्वापू
लहनान्युज | सिल्लागा द्धादशी ११४१, फागुन २६ बुधवाः
कैलालीइ ओली व नेपाल समूह दथुइ ल्वापू जुगु दु । प्रदेश पार्टी कार्यालय प्रदेश इन्चार्जया नेम प्लेट तयेगु विषयय् विवाद जुगुलि केपी शर्मा ओली व माधवकुमार नेपाल समूहया कार्यकर्ता दथुइ ल्वापु जुगु दु ।
पार्टी कार्यालय प्रदेश इन्चार्ज लेखराज भट्टया ‘नेम प्लेट’ तयेगुलि नेपाल समूहया कार्यकर्तापिन्स ‘नेम प्लेट’ तोडफोड याःगु दु । उमिसं नेकपा एमालेया सुदूरपश्चिम इन्चार्ज भीम रावल धाःसे भट्टया नेम प्लेट हटे याःगु खः । थुकिया झ्वलय् ओली समूह व नेपाल समूहया कार्यकर्ता नाराबाजीइ याःगु खः । विवाद जुइवं ल्हा तया ल्वाु जुगु खः। बुधवाः प्रदेश पार्टी कार्यालय नेकपाया ब्यानर लिकया नेकपा एमालेया ब्यानर तयेगु ज्याझ्वः क्वछिगु खः।
११ बजे नेकपा एमालेया ब्यानरयात कया प्रदेशया अध्यक्ष कर्ण थापा पार्टी कार्यालय थ्यःगु खः । प्रदेश अध्यक्ष थापा कार्यालय दुहावने वं नेकपाया ब्यानर लिकया एमालेया ब्यानर तये धुकुगु खः । नेपाल समूहया कार्यकर्तापिन्स ब्यानर तःगु खः । थापा दुवा वःगु इलय् प्रदेश पार्टी कार्यालय अध्यक्षया कार्यकक्ष पिने भानुभक्त जोशी व इन्चार्ज भीम रावलया नेम प्लेट तया तःगु खः । उगु इलय् निम्हेसियाःगु हे नेम प्लेट लिकाःगु खः ।
उगु थासय् कर्ण थापा व लेखराज भट्टया नां तःगु खः । वया लिपा हे नेपाल समूहया कार्यकर्तापिन्स लेखराज भट्टया नेम प्लेट हटे याःगु खः । उमिसं पार्टीया प्रदेश इन्चार्ज भीम रावल हे खः धका दाबी याःगु खः। ओली समूहया कार्यकर्तापिन्स भीम रावलयाःगु नेम प्लेट तक तोडफोड याःगु खः ।
