लिपागु २४ घण्टाया दुने ४ हजार ४८७ म्ह कोरोना संक्रमित थपे जुगु दु।

थ्व नाप आःतक नेपालय् सक्रिय संक्रमितपि १ लाख १५ हजार ९ म्ह थ्यंगु दु।

लिपागु २४ घण्टाय् ६ हजार ८० म्ह कोरोनामुक्त जुगु दु धका स्वास्थ्य तथा जनसंख्या मन्त्रालयं धागु दु। अथेहे, कोभिड संक्रमणं वंगु २४ घण्टाय् ११६ म्ह सीगु दु ।

थ्व नाप आःतक नेपालय् कोरोना संक्रमणं सीपि ७ हजार १६३ म्ह थ्यंगु दु।

सरकारं कोरोनाया कारणं ज्यान गुमेयापिनिगु सन्तानयात छात्रवृत्ति बिइगु घोषणा यागु दु।

वइगु आर्थिक दँया बजेट प्रस्तुत यासे अर्थमन्त्री विष्णु पौडेलं शहीद, एचआईभीपाखे ज्यान गुमेयापि, गरिबनाप कोरोनापाखे सीपिनिगिु मस्तयत छात्रवृत्ति उपलब्ध बिइगु जानकारी बिगु दु।

अथेहे सरकारं १३ जिल्लाय् आवासीय विद्यालय सञ्चालन यायेगु धका धागु दु। वइगु निदँ दुने दक्को सामुदायिक विद्यालय ब्रोडब्यान्ड इन्टरनेट सेवा थ्यकेगु व नेपाल टेलिभिजनपाखे शैक्षिक च्यानल सञ्चालन यायेगु अर्थमन्त्रीं जानकारी बिगु दु। राष्ट्रपति शैक्षिक सुधार ज्याझ्वः कथं बजेटय् ६ अर्ब रुपैयाँ बजेट विनियोजन यागु दु।

राष्ट्रपति शैक्षिक सुधार कार्यक्रमयात बिस्तार याना कक्षा कोठा, प्राविधिक शिक्षकया व्यवस्था, शिक्षक तालिम, विज्ञान प्रयोगशाला, सूचना प्रविधि ल्याब, खेल मैदान व खेल सामाग्रीया व्यवस्था यायेगु जानकारी न अर्थमन्त्री पौडेलं धागु दु।

सरकारं पशुपतिनाथ द्यःया सजावटया लागि ३५ करोड बजेट छुटे यागु दु।

अर्थमन्त्री विष्णुप्रसाद पौडेलं आर्थिक वर्ष २०७८÷७९ या बजेट सार्वजनिक यासे थथे जानकारी बिगु खः।

सरकार ज्येष्ठ नागरिकया मासिक भत्ता बढे याना मासिक ४ हजार रुपैयाँ थ्यकूगु दु ।

शनिवाः आर्थिक वर्ष २०७८÷७९ या बजेट सार्वजनिक यानादीसे अर्थमन्त्री विष्णु पौडेलं ज्येष्ठ नागरिकयो मासिक भत्ता द्धःछि थकागु दु।

अर्थमन्त्री पौडेलया कथं दक्को प्रकारया सामाजिक सुरक्षा भत्ता ३३ प्रतिशत वृद्धि यागु दु। सामाजिक सुरक्षाया लागि १ खर्ब रुपैयाँ विनियोजन यानागु दु धका अर्थमन्त्री पौडेलं धागु दु।

बढे जुगु भत्ता १ साउनपाखे कार्यान्वयनय् वइगु।