थीथी संवैधानिक आयोगय् सिफारिस जूपिन्स शपथ काःगु दु । बुधवाः सुथय् राष्ट्रपति कार्यालयय् राष्ट्रपति विद्यादेवी भण्डारीया उपस्थितिइ प्रधानन्यायाधीश चोलेन्द्रशमशेर जवरां आयोगया अध्यक्षय् सिफारिस जूपिन्त शपथ याकूगु दु । अथेहे सदस्यपिन्त सम्बन्धित आयोगया अध्यक्षपिन्स शपथ याकूगु खः । सिफारिस जूपि ४५ मध्ये ३२ म्ह पदाधिकारीपिन्स शपथ काःगु दु।

संवैधानिक परिषदं सिफारिस याइगु, संसदीय सुनुवाइ समितिं अनुमोदन यायेवं व राष्ट्रपतिं नियुक्त यायेगु संवैधानिक व्यवस्था दु । तर, संसदीय सुुनुवाइ समितिया प्रस्ताव हे मयासे शपथ याकूगुलि बिरोध याःगु दु । संवैधानिक परिषद् नं नियुक्ति सम्बन्धय् याःगु सिफारिस संसदीय सुनुवाइ समितिं पेस याये माःगु बाध्यात्मक व्यवस्था संविधानया धारा २९२ य् दु । संवैधानिक परिषदं सिफारिस याइ, संसदीय सुनुवाइ समितिं अनुमोदन यासे व राष्ट्रपतिं नियुक्त यायेगु संवैधानिक व्यवस्था दु ।

तर संसदीय सुुनुवाइ समितिइ प्रस्ताव हे मयासे शपथ यागुलि बिरोध जुयाच्वंगु दु ।

चन्द्रागिरी हिल्सया आईपीओ लिवाक्क शुक्रवाः तक नेपाल स्टक एक्सचेञ्जय् सूचीकरण जुइ त्यःगु दु।

चन्द्रागिरीया आईपीओ थ्व हे वाः दुने सूचीकृत याना मेगु वाः निसे कारोबार खुला याना नेप्सेें तयारी याःगु दु। थ्व हे वाःया दुने सूचीकरण जूसा चन्द्रागिरीयका निक्वःगु बजारया सेयर कारोबार मेगु वाःया दुने जक जुइ । नेप्से न न्हापागु कारोबारया लागि स्वगू गुणा तक ‘ओपन रेञ्ज’ तोक्के याःगु दु । नेप्से न तोके याःगु ओपन रेञ्ज कथं न्हापागु कारोबार जुइ।

चन्द्रागिरीया लागि नेप्से न ९६ दशमलव ९९ रुपैयाँ निसे २९० दशमलव ०७ रुपैयाँ ओपन रेञ्ज तोक्के याःगु दु । कम्पनीं वःगु पुस २४ गते सर्वसाधारणया आईपीओ बिक्री खुला याःगु खः । कम्पनींं सच्छिगु दरं १५ करोड ३४ लाख ९१ हजार रुपैयाँ बराबरया १५ लाख ३४ हजार ९१ कित्ता आईपीओ पिकाःगु खः ।

आवेदन बिउपि मध्ये १ लाख ३९ हजार ६०२ म्हेसिया १० कित्ताया दरं सेयर ल्हातय् लाःगु खः ।

ट्राफिक नियम उल्लङ्घन याःपिनिगु आः अनलाइनपाखे हे जरिमाना भुक्तान याये मिले जुल ।

सवारी चालकपिन्त अप्पूकेगु कथं अनलाइनपाखे जरिमाना रकम भुक्तान याये मिले जुइगु प्रणाली सुरु याये मिले जुइ धका महानगरीय ट्राफिक महाशाखां धाःगु दु।

थ्व स्वया न्ह्यः बैंकय् लाइन च्वनेइगु ई अप्वोे वनेगु व झन्झ जुइगु प्रकृया दुगु खः । आः थज्यागु समस्या मजुइ धका महाशाखां विश्वास याःगु दु ।

महाशाखां बुधवाः अनलाइन सेवाया औपचारिक उलेज्या याःगु दु।

थौं मंगलवाः थप १७१ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।

थ्व नाप आःतक नेपालय् २ लाख ७१ हजार २८९ म्ह संक्रमित जुइ धुकुगु दु । अथेहे २४ घण्टाया दुने २५९ म्ह कोरोना संक्रमणमुक्त जुया छेँ लिहा वःगु दु। थ्व नाप कोरोनामुक्त जूपि २ लाख ६६ हजार ८५९ म्ह थ्यःगु दु ।

आःतक देयन्यक सक्रिय संक्रमितपि ३ हजार २०३ म्ह दु। मन्त्रालयया कथं आःतक पीसीआर विधिपाखे २० लाख ७८ हजार ९८ म्हेसिगु परीक्षण याये धुकुगु दु।

कोरोना खोप अभियान अन्तर्गत नेपालय् आःतक छगु लाख २८ हजार स्वया अप्वोसिया खोप काये धुकुगु दु ।

थौं मङ्गलवाः बहनि तक छगु लाख २८ हजार ६५० म्हेसिया कोरोना भाइरस विरुद्धया खोप काये धुकुगु दु धका स्वास्थ्य तथा जनसङ्ख्या मन्त्रालयं धाःगु दु।

आःतक प्रदेश नम्बर १ य् १७ हजार २८७, प्रदेश नम्बर २ य् १६ हजार १७३, वाग्मतीइ ४५ हजार ३४५ म्हेसिया खोप काये धुकुगु दु धका मन्त्रालयया प्रवक्ता डा. जागेश्वर गौतमं जानकारी बियादीगु दु।

अथेहे गण्डकीइ १६ हजार २७०, लुम्बिनीइ १७ हजार ९७९, कर्णालीइ ६ हजार ६६० व सुदूरपश्चिमय् ८९३६ म्हेसिया खोप काये धुकुगु दु।