कोरोना संक्रमित जुया ईलय् हे आइसोलेसनय् च्वने मखना उपिनि छेँजःपिन्सं नं अनेकन दुःख कष्ट फय् म्वालेमा धैगु मनतुनां नायः मनोजबहादुर न्याछ्योंया संयोजनय् निस्वंगु छगु आइसोलेसन खः यलः पुच्वय् च्वंगु अक्षेश्वर महाविहारया आइसोलेसन कक्ष । नेपाल उद्योग वाणिज्य महासंघ, अक्षेश्वर महाविहार संरक्षण समिति, आरम्भ फाउण्डेशनया ग्वहालिइ आइसोलेसन कक्ष न्ह्याःगु खः । पुल्चोकया तजाःगु थासय् दूगु महाविहारया दक्षिणपाखेंया स्वत जाःगु छेँय्यात आइसोलेसन कक्ष दयेकूगु खः । गुकिइ ३०गू वेड तया मिसा व मिजंपिनिगु लागि थीथी कथं आइसोलेसन कक्ष न्ह्याकूगु दु । आइसोलेसन सेवा काइपिं अप्वःल धाःसा अझ थुकियात थपू यायेफइगु वरिष्ठ न्वकू एवं व्यवस्थापन समिति संयोजक विश्वराज बज्राचार्यं न्ह्यथनादिल । छेँय् कोठा व अलग चःबि म्हो जुया “होम” आइसोलेसनय् च्वने मपूmपिं व दक्व छेँजःपिं हे संक्रमित जूपिं व कन्ट्रयाक टे«सिङय् लाःपिनिगु लागि उगु कक्ष न्ह्याकूगु खः । आइसोलेसनय् च्वनिपिनिगु स्वास्थ्य अवस्था जटिल जुल धाःसा थथें अस्पताल थ्यंकेगु व्यवस्था नं यानातःगु दु । उमित न्हियान्हिथं माःगु रुमाल, टुथपेष्ट, चप्पल थें जाःगु ज्वलंया व्यवस्था तकं यानातयागु व ई छ्वय्त इन्डोर गेमया ज्वलंलिसें टिभी, इन्टरनेटया व्यवस्था तकं यानातःगु दु । दैनिक पौष्टिक नसाज्वलं व निःशुल्क स्वास्थ्य सेवा व संक्रमित पिनिगु लागि निम्ह नर्स २४घौ हे सुविधा दइकथं व न्हिन्हि छम्ह डाक्टरया राउण्ड चेकअप या नं व्यवस्था दूगु वरिष्ठ न्वकू बज्राचार्यं धयादिल । अथेहे आइसोलेसन च्वनादिपिनिगु लागि सुथय् सुथय् योग कक्षा तकं न्ह्याकाःगु वय्कलं न्ह्यथनादिल । अक्षेश्वर महाविहार ध्यान, बुद्ध धर्मसम्बन्धी गोष्ठी व प्रवचनया लागि दयेकूगु महाविहार हलिंमय् हे न्यनाच्वंगु कोरोना महामारीया ईलय् बाँलागु व पुण्य चुलाइगु ज्याय् छ्यलाबुलाय् हयेखंगुलिइ विहार सुधार पदाधिकारीपिं न लसतां जाः । अथेहे “महामारीया ईलय् आइसोलेसन मदया मनुतय्सं फयमाःगु कष्ट बयान याना साध्य हे मजू । थुजागु ईलय् थ्व कक्षं आइसोलेसनया मगामचाःयात छुं म्हो यायेपूmगु भलसाः याना” नायः न्याछ्यों नं धयादिल ।

सप्तरीइ कोरोना संक्रमित बिरामी व बिरामीया कुरुवायात निःशुल्क खानाया अभियान शुरु यागु दु।

सदरमुकाम राजविराजया युवा व्यवसायी व राजविराज जेसीजया कुतलय् कोरोना संक्रमित व कुरुवापिन्त खाना नकेगु शुरु यागु खः ।

न्हि निछा खाना नकेगु धका राजविराज जेसीजया अध्यक्ष सिद्धार्थ तातेड धागु दु।

गजेन्द्रनारायण सिंह अस्पतालय् उपचार याना च्वपिन्त कोरोना संक्रमित व वयागु कुरुवापिन्त न्यान्ह्य निसे नका च्वनागु धका तातेडं धागु दु ।

वयकःया कथं न्हि १५० म्हेसित निः शुल्क खाना नकाच्वंगु दु।

लिपागु २४ घण्टाय् स्वनिगः दुने २ हजार ३२४ म्हेसित कोरोना संक्रमण पुष्टि जुग दु।

स्वास्थ्य मन्त्रालयया कथं थौं येँ जक १ हजार ७९६ म्हेसित कोरोना सक्रमित जुगु दु।

अथेहे ख्वपय् २१३ म्ह व यलय् ३१५ म्हेसित कोरोना संक्रमित जुगु दु। अथेहे देयन्यक थप ६९५१ म्हेसित कोरोना संक्रमण पुष्टि जुगु दु ।

अथे हे २४ घण्टाय् ९६ म्ह कोरोना संक्रमणपि सी धुकुगु दु। 

लिपागु २४ घण्टाया दुने कोरोना भाइरस संक्रमणमुक्त ९,८४१ म्ह जुगु दु।

छन्हु हे आःतक दकलय् अप्वो संक्रमणमुक्त जुगु थ्व हे न्हापागु खः। स्वास्थ्य तथा जनसंख्या मन्त्रालयया कथं सीपि न ९६ म्ह जक थ्यंगु दु ।

अथेहे थौं ६,९५१ म्ह संक्रमण पुष्टि जूगु दु। १९ हजार ३१३ पीसीआर परीक्षणय् ६८५५ म्ह व ७९७ एन्टिजेन परीक्षणय् ९६ म्हेसित याना ६९५१ म्ह संक्रमण पुष्टि जुगु दु

थ्व नाप आः तक नेपालय् कोरोना भाइरस संक्रमित जूपि ५ लाख ४९ हजार १११ म्ह थ्यंगु दु। सक्रिय संक्रमितपि न १ लाख १३ हजार ३९४ य् क्वहा वंगु दु।

प्रधानमन्त्री केपी शर्मा ओलीं स्वास्थ्यकर्मीपिन्त यागु आक्रमणयात ड्युटी यानाच्वपि सुरक्षाकर्मीयात आक्रमण यागु सरह दण्डनीय जुइ धका धयदीगु दु।

शुक्रवाः थौं देशबासीया नामय् सम्बोधन यानादीसे प्रधानमन्त्री ओलीं कोभिड–१९ संक्रमितपिन्त उपचारय् खटे जूयाच्वपि दक्को सुरक्षाया लागि सरकार प्रतिवद्ध दु धका धयादीगु दु।