Display Style:
Column Style
एसईई परीक्षा वइगु जेठ १३ गतेनिसे
लहनान्युज | सिल्लागा द्धादशी ११४१, फागुन २६ बुधवाः
राष्ट्रिय परीक्षा बोर्डं २०७७ सालया माध्यमिक शिक्षा परीक्षा (एसईई)या तालिका सार्वजनिक याःगु दु।
एसईई परीक्षा वइगु जेठ १३ गते निसे २४ गते तक सन्चालन यायेगु निर्णय मंगलवाः बोर्डं बुधवाः परीक्षा तालिका तक सार्वजनिक याःगु दु । जेठ १३ गते न्हापागु दिं अनिवार्य अँग्रेजी विषयया परीक्षा जुइ।
उगु दिं वेदविद्याश्रमपाखे अनिवार्य सँस्कृत भाषा व साहित्य÷अनिवार्य अँग्रेजी विषयया परीक्षा जुइ। जेठ १४ गते अनिवार्य नेपालीया परीक्षा जुइ। जेठ १६ गते अनिवार्य गणित व जेठ १७ गते अनिवार्य विज्ञान विषयया परीक्षा जुइ धका राष्ट्रिय परीक्षा बोर्डं धाःगु दु ।
जेठ १८ गते सामाजिक व जेठ १९ गते स्वास्थ्य, जनसंख्या तथा वातावरण शिक्षाया परीक्षा जुइ। २० गते ऐच्छिक गणितया परीक्षा जुइ ।
उगु दिं ऐच्छिक न्हापागु पत्रया दक्को विषयया परीक्षा जुइ। परीक्षा सुथय् ८ बजेनिसे ११ बजेतक सन्चालन जुइ।
१२ या परीक्षा तालिका सार्वजनिक
लहनान्युज | सिल्लागा द्धादशी ११४१, फागुन २६ बुधवाः
राष्ट्रिय परीक्षा बोर्डं कक्षा १२ या परीक्षा तालिका सार्वजनिक याःगु दु । परीक्षा वइगु २६ गतेनिसे सुरु जुइ ।
तालिका कथं न्हापागु दिं अनिवार्य अँग्रेजी विषयया परीक्षा जुइ। जेठ २७ गते ऐच्छिक नेपाली, भूगोल, कम्प्युटर साइन्स लगायतया विषयया परीक्षा जुइ।
फिजिक्स, पोलिटिकल साइन्स, होम साइन्स, होटल म्यानेजमेन्ट लगायतया विषय परीक्षा जेठ २८ गते जुइ धका राष्ट्रिय परीक्षा बोर्डं प्रकाशित याःगु परीक्षा तालिकाय् उल्लेख याःगु दु ।
मंगलवाः च्वंगु राष्ट्रिय परीक्षा बोर्डया बैठकं कक्षा १२ या परीक्षा वइगु जेठ २६ निसे असार ४ गते तक सन्चालन यायेगु निर्णय याःगु दु ।
यलःया कुमारी छें व कुमारी निवासया पुनर्निमाण जुइगु
लहनान्यूज | सिल्लागा एकादशी ११४१, फागुन २५ मंगलवाः
यलःया कुमारी छें व कुमारी निवासया पुनर्निमाण जुइगु जूगु दु । ०७२ सालया भुखाचं क्षतीग्रस्त जूगु यलःया कुमारी छेँ व कुमारी निवास भारत सरकारया अनुदानय् पुनर्निमाण जुइत्यंगु खः ।
थौं भारतीय राजदुत विनय मोहन क्वात्रां यलः महानगरपालि वडा नं. १६ य् च्वंगु कुमारी छेँ व कुमारी निवासया शिलान्यास यानादिगु खः ।
भारत सरकारया आर्थिक अनुदानय् राष्ट्रिय पुनर्निमाण प्राधिकरणं प्यंगु क्वति ५५गू लखःया लागतय् भौतिक संरचनाया पुनर्निमाण व न्हूगु कुमारी निवास दयेकेत्यनागु प्राधिकरण केन्द्रीय आयोजना इकाइ भवन आयोजना निर्देशक श्याम किशोर सिंहं धयादिल ।
भौतिक संरचनात पुलाँगु हे मौलिक स्वरुपय् दयेकेगु व सिमेन्ट डन्डी मछ्यलेगु वय्कलं धयादिल । छगूत्या दँय् क्वचायेकिगु उगु छेँ व निवास भुकम्प प्रतिरोधी जुइगु धाःगु दु ।
देयन्यक ५९ म्ह कोरोना संक्रमण पुष्टि
लहनान्युज | सिल्लागा एकादशी ११४१, फागुन २५ मंगलवाः
वःगु २४ घण्टाया दुने देयन्यक ५९ म्हेसित कोरोना संक्रमण पुष्टि जुगु दु ।
२ हजार ७१५ म्हेसित नमुना परीक्षण यागुलि २५ म्ह मिसा व ३४ म्ह मिजंपिन्त कोरोना भाइरसया संक्रमण खनेलगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमितपि आःतक २ लाख ७४ हजार ८६९ म्ह थ्यःगु दु । उकि मध्ये मंगलवाः थप छम्ह सीगु दु । अथेहे ३ हजार १२ म्ह सी धुकुगु दु ।अथेहे वःगु २४ घण्टाय् ६० म्ह कोरोनामुक्त जुइ धुकुगु दु । थ्व नाप आःतक कोरोनामुक्त जुपि २ लाख ७० हजार ९८७ म्ह कोरोना संक्रमणमुक्त जुइ धुकुगु दु। आःतक देयन्यकसक्रिय संक्रमितपि ८७० म्ह दु धका मन्त्रालयं धाःगु दु ।
किरातीया माओवादी केन्द्र व सन्ध्या तिवारीया एमाले खारेज
लहनान्युज | सिल्लागा एकादशी ११४१, फागुन २५ मंगलवाः
निर्वाचन आयोगं गोपाल किराती अध्यक्ष दुगु नेकपा माओवादी केन्द्र व सन्ध्या तिवारी अध्यक्ष दुगु नेकपा एमालेयात खारेज याःगु दु ।
साविकया नेकपा एमाले व नेकपा माओवादी केन्द्र दथुइ एकीकरणयात सर्वोच्च अदालतं मान्यता मबिगुलि पूर्वपार्टीया हे हैसियतमा कायम याना बिगुलि लिपा दर्ता जुगु किराती व तिवारीया पार्टीयार्त खारेज याना बिःगु खः।
मंगलवाः च्वंगु आयोगया बैठकं किरातीया पार्टीया नां व चुनाव चिं मदुगु धाःसे १५ दिं दुने न्हुगु पार्टीया न्हुगु नां व चुनाव चिं पेश यायेत इनाप याःगु दु ।
तिवारीयात धाःसा आयोगं पार्टीया नां पेश यायेत धाःगु दु व वयागु पार्टीया चुनाव चिं कायम याःगु दु ।
